عاوز شقة في حدائق الاهرام تمويل عقاري
السلام عليكم ورحمة الله
من فترة بدور على مكان انقل ليه واستقريت على حدائق الاهرام
وطبعاً زي ما هو واضح من العنوان اني بدور على شقة تصلح تمويل عقاري في حدائق الاهرام وده صعب جداً عشان المخالفات ومشكلة الكهربا
وفي رحلة البحث ديه ..لقيت شقة في حدائق الاهرام في البوابة الرابعة وكانت تمويل عقاري وفيها عداد ومش مخالفة ياعنى ينفع اخدها تمويل عقاري وكلمت البائع وروحت اتفرج واكتشفت شوية عيوب وعاوز اخد رايكم فيها
1- الشقة الدور الخامس والاخير (مكتوب في الترخيص 5 ادوار ) مش مخالفة .. بس خوفت من مشاكل الدور الاخير والسطح والحرارة وهكذا
2- الشقة جانبي
3- العمارة ساكنة بس متواها مش اد كده ياعنى تشطيب العمارة نفسه مش حلو
4- الشارع جانبي وصغير والشقة خلفية مش بتطل على الشارع غير من الجنب يبان جزء صغير
5- الشقة تقريباً مجروحة لو الساكن الى قصادي سكن
تفتكروا اخلص فيها ولا ما افكرش فيها تاني خصوصاً ان سعرها رخيص ومش لاقي شقة تمويل عقاري في حدائق الاهرام ... اه نسيت المساحة 140 متر ونص تشطيب وطالب 1250 جنيه للمتر
منتظر منكم النصيحة ولو حد عنده شقة بالمواصفات المطلوبة ياريت يبعتلي
وشكراً مقدماً