ارجوا المساعدة خرجت بعد الفجر متجه الي مكة
عديت افويل بنزين وأوقفت المحرك
من وقتها والعربية مش عايزا تدور
بسمع صوت تكتكه لما بحاول أدور
لكن الماتور ولا اي صوت
كيا سيراتو 2012 جير عادي
البطارية علي اللون الأخضر جيد..
وكمان مش لاقي كهربائي
عرض للطباعة
ارجوا المساعدة خرجت بعد الفجر متجه الي مكة
عديت افويل بنزين وأوقفت المحرك
من وقتها والعربية مش عايزا تدور
بسمع صوت تكتكه لما بحاول أدور
لكن الماتور ولا اي صوت
كيا سيراتو 2012 جير عادي
البطارية علي اللون الأخضر جيد..
وكمان مش لاقي كهربائي
البطارية هيا السبب حتى لو كانت عاللون الاخضر
او متأكد أكلم صاحبي يجيب مشترك ونجرب من سيارته ..
طيب ايه اخبار كهربة العربية ؟
الكاسيت والنور وخصوصا النور العالى شغال كويس ؟
حاول توقف اي حد يزقك طالما العربية مانيوال
جربتا نزق العربيه ومدارتش بردو
بخصوص في كشاف مش بيشتغل فيه النور العادي بقالوا أسبوع
لكن عموما كل حاجه شغاله تمام والنور عالي شغال
الغريب أني بحرك إزار العربيه مع انه كهربا .. انا والله مستغرب
يعنى الكهربة طبيعية والبطارية ع الاخضر ، كدة غالبا مش مشكلة بطارية !!!!! خصوصا لو مفيش اي تأثير يعنى مثلا لما بتحرك الازاز مش بيضعف نور التابلوه او الساعة وكدة ..
طيب لو قلنا عيب مارش او اوتوماتيك مارش او فيوز .. كانت دارت بالزق !
والتكتكة اللى بتقول عليها بتحصل لما تبقى البطارية ضعيفة ! طب التكتكة دى من الموتور ولا من التابلوه ولا من الحوض عامة ومش عارف تحدد مصدرها ؟
في حلقة مفقودة في الموضوع
هيا مشكلة بطارية مع عدم وجود صوت مارش
البطارية لما تبقى ضعيفة كل حاجة كهربة في العربية بتشتغل عادي لكن لو بطارية ميتة تماماً مفيش حاجة هتشتغل
جرب ارملها غيار مدام عربية مانوال
مانا عارف في عربيات المارش بتاعها حساس يا اما بيدور يا اما مفيش لو البطارية ضعيفة سنة ، اللى هو مفيش
الدرجة بتاعت التعتيل دى ، بس العربية ليه ما دارتش زق ؟ ولا نفترض انه ما عرفش يرمي لها كويس ؟
الفكرة ان صعب تصادف ان المؤشر اخضر في نفس الوقت اللى الكهربة فيه طبيعية والعربية مش بتدور بالزق ، انما لو المؤشر اخضر وبس يبقى فعلا مش شرط زي ما انت بتقول ، وبرضه ممكن في الاخر تطلع مشكلة بطارية بس هتبقى صدفة غريبة ان كل الدلائل عكس كدة وتطلع هى في الاخر
احتمال يكون المارش فيه مشكله
لو طرمبة او شفرة مفتاح او مفيش بنزين
في كل الاحوال دى المارش هيلف عادى بس الموتور مش هيلقط
اما هو بيقول مفيش مارش وفيه تكتكة
انا شاكر جداً لتعاونكم ونصائحكم
كلها ربع ساعه وأجرب نعمل مشترك من بطارية
واحد جاي في الطريق ..
ايه الاخبار ؟
راجع على فيش الحساسات
فكها وانفخ فيها وركبها تانى
وبالذات حساس الكرنك
العيب في البطارية او الدينامو
متابع
مش تطمنا عملت ايه ؟
انا حصلي نفس الموضوع ده بس وانا ماشي في طريق العربية مرو واحدة كل حاجة فيها فصلت
ومعتش فيها كهربا وبصيت على البطارية لقيتها خضرة واسلاكها واصلة ودخت شوية عما عرفت ان البطارية عاملة ماس مع الحديدة اللي ماسكاها حشت الحديدة عن صباع البطارية وثبتها بخشبة تحتيها عشان كانت سايبة واشتغلت
منتظر تطمنا عليك وتقولنا المشكلة كانت من ايه :)
طيب جرب تقفل شوية علي القوشيط بتاعتها السالب والموجب احيانا بتكون مهزوزة ومش بتلقط كويس ياريت تجرب او تخلي حد يقرص عليها وتدور العربية وتشوف ايه النظام
اللون الخضر بيكشف ربع واحد من البطارية الي تحت الفتحة مش كل البطارية
يعني ممكن يكون فيها ربع ضارب ومش ظاهر والبطارية متشتغلشي
طمنا عملت ايه شكلك كدا حليت المشكله ورحت تعمل عمره
ادعلنا معاك
حصل مع واحد صاحبي موقف شبه ده
كنا رايحين المدينة المنورة..بالعربيتين.. وطلعنا على الطريق حوالي الساعة 9 الصبح .. كان معاه عيلته وانا معايا عيلتي.
وصاحبي كان مظبط العربية ومغير الزيوت ومشيك عليها وبالذات البطارية..
واحنا في نص الطريق لقيته وقف على جنب..
وقفت وقلتله :فيه إيه؟؟
قاللي: التكييف ما بقاش يشتغل على السرعة العالية... عامل التكييف على 4 والهوا اللي طالع خفيف وكإنه على 2 !!!
طبعا .. موضوع التكييف في السفر ضروري.. ولما تبقى في الصيف ما ينفعش تسوق من غيره.. ولما كمان تبقى سايق والشمس في نص السما والحرارة فوق ال40 يبقى عربية بدون تكييف ما يتقعدش فيها.
المهم.. بصينا عالفيوزات.. سليمة كلها.... الدينامو.. السير تمام ومش مقطوع
قلتله دي البطارية... فاللي بس دي اللمبة خضرا.. قلتله ما تاخدش على الألوان... العربية لما بتلاقي الكهرباء ضعيفة بتفصل الحاجات اللي بتستهلك كهربا عالية
بصيت عالبطارية لقيت القطاش مهوي سنة صغيرة.. المهم خبطنا على قطاش البطارية فالتكييف اشتغل طببعب.. قلنا كويس.. أول ما نوصل نغير القطاش
كمل الطريق شوية ولقيته دخل محطة بنزين... نفس الموضوع تاني... جربنا موضوع القطاش بس ما جابش نتيجة..
المحطة كان فيها ورشة كهربائي.. شاف الشحن.. سليم
قلتله هي البطارية..
المهم.. وصلنا المدينة... وهناك رحنا كام ورشة كهربا وكله بيقول بطارية
اشترينا بطارية جديدة.. والعربية رجعت طبيعية تاني.. ورجعنا جدة من غير مشاكل
آه.. نسيت أقوللكم.. عربية صاحبي تويوتا كامري 2004
...
والله يا جماعة الخير انا اسف ليكم بجد ..
انا لسه مكتشف اني مرديتش عليكم من المسجات اللي علي الأميل
مع العلم اني رديت اول ما المشكله اتحلت
بس الغريب اني مش شايف اي رد ليه .. عموما انا اسف ليكم
بعتذر جداً ويمكن جهلي هو السبب..
عموما زي ما حضرتكم توقعتوا البطارية فعلا بايعه
وغيرتها والحمد لله..
وهتأكد المره دي ان المشاركة تم إرسالها بالفعل ولا لا ..
شكرا ليكم جميعا ..