تحذير من فلتر بنزين الميجان البلاستيك !
من قريب اشتريت فلتر بنزين المفروض انه صناعه تركى
الفلتر ده لونه اسود بلاستيك x بلاستيك
ركبته فى العربيه ومكملش يومين بالضبط
وانا ماشى على البحر شميت ريحه بنزين ! لاقيت عربيه معديه من جنبى بتقولى فيه بنزين بينزل من العربيه
ركنت على جمب وبطلت العربيه بصيت على الارض لاقيت البنزين مغرق الدنيا
نزلت تحت ابص على الفلتر لاقيته مفكوك من بعضه !
بصيت على اللحمات لاقيتهم لازقينه فى بعضه بأمير ولا كوله معرفش ايه العك ده
طبيعى انه يحصله كده نتيجه ضغط الطرمبه
الفلتر القديم اللى كان موجود فى العربيه ( المونيوم )
المهم دورت عند محلات قطع الغيار لاقيت اغلبيتهم فلاتر كلها بلاستيك لونها اسود مع اختلاف العلبه والكتابه عليهم
واللى يقولى ده فرنسى اصلى ! واللى يقولى ده تركى !
المهم من يومين نزلت اسأل فى محل جمبى لاقيت الفلتر الالمونيوم اللى انا عايزه
ومنقوش عليه نقش مش كتابه made in france
اعتقد ان ده الفلتر الاصلى وسعره 80 جنيه
وكل الفلاتر البلاستيك دى مضروبه وشكلها صينى لا هى فرنسى ولا تركى ولا نيله
نصيحه يا جماعه اي قطعة غيار غير منقوش عليها بلد الصنع اعرف انها مضروبه ومالكش دعوه بالعلبه ولا الكرتونه مكتوب عليها ايه
