الموضوع: فى حد هنا من الاسماعلية ؟؟؟؟؟؟ او حد يعرفها كويس؟؟

المشاركة الأصلية كتبت بواسطة mohamed.raafat

معلش يا باشا اتاخرت عليك في الرد
بص ياباشا لو انت عايز شط ليوم واحد بس ياباشا ربنا يبارك فيك يارب و يجزيك خيراً دائماً ، يكفنى و الله الاهتمام و الرد اشكرك من قلبى فعلاً اخى العزيز
هيبقى عندك شاطئ القوات المسلحة - او شاطئ عثماسون (عنوانه اخر طريق البلاجات )
و فيه كمان شاطئ الدنفا ده عند ( معدية نمرة 6 ) بس انت و نصيبك بقى لو عرفت تدخل هناك
يتهياللى هأستبعد انه يبقى يوم واحد بس و أجى أريح اعصابى 3 أيام، بس له مش هأعرف ادخل
شاطئ الدنفا؟؟


اما لو بتدور على انك تقعد العيد كله
يبقى بقى تروح فايد او فنارة ( و الطريق هناك زي ما الاخوة وصفوا ليك المكان )
القري النضيفة في فايد ( انا معرفش غير واحدة بس ) اسمها جوهرة فايد تبع القوات المسلحة برضه كان اليوم عامل 150 جنيه تقريبا و الشاليه وااااااااااااسع جداااا و فيه كمان حمام سباحة جوه القرية حلوة دى و انا شايفها مناسبة لانى مع عائلة.
و فيه قرية بالما بس مش فاكر مكانها فين بالضبط بس حاجة جامدة جدااااا نسأل عليها و نشوف الاسعار له لا طالما كويسة و اشوف الموقع بتاعها.

و لو في اسماعيلية
عندك بلاج التعاون فيه شاليهات رخيصة برضة و كويسة ( في حدود 150 جنيه برضه لليلة )
و عندك شاليهات نادي الفيروز الشاليه نضيف بس ضيق و غالي حبتين
بس طبعا لازم تنزل قبل العيد عشان تلحق تحجز و تلاقي مكان ... هاحاول أروح فجر الجمعة و ربنا يكرم و اعرف احجز اى شئ.

الميزة في شاليهات اسماعيلية انك هتكون قريب و ضامن انك تلاقي بحر تنزل فيه و لو زهقت من البحر ممكن تنزل البلد تلف فيها
اما لو عايز بحر بسسسسسس يبقى من غير تفكير تروح فايييد انا ان شاء الله فى نيتى أروح اقعد فى قرية فى فايد او المنارة و بعد كدا ان شاء الله ابقى نزل بالعربية الف فى البلد و اتفرج عليها

المشاركة الأصلية كتبت بواسطة sakr_skoda

قرية بالما دى تعتبر فى ابوسلطان(الدفرسوار) مدخل ابوسلطان وانتا داخل على طريق القناة بدل بتمشى يمن تجاه فايد لا امشى يسار تجاه الاسماعلية حولى 3 كيلو حتلاقى قرية بالما على الاسفلت ودى فعلا خرافة بس اسعارها نار وتعتبر فقط شالية ووبحر فقط يعنى قرية للاستجمام**

انا متشكر لحضرتك اووى أخى الفاضل ،حضرتك مشاء الله عليك حافظ المنطقة حتة حتة ربنا يبارك فيك و يجعله فى ميزان حسانتك ، حضرتك بتقولى الطريق و كمان الاسعار و بتوصفى القرية له ايه بالضبط للاستجمام و بس كأن حضرتك قاعد فيها حضرتك سهلت عليا كتير اووى . بجد تقبل تحياتى .

انا فعلا بشكر الاخوة الافاضل الى اهتموا انهم يفيدونى بخبرتهم و ساعدنى اعمل ايه قبل مأسافر و وضوحى ليا الاسعار و القرى و الشواطىء ربنا يبارك فيكم يارب و يجعله فى حسانتكم مكنتش اتخيل ان من عدد 350 مشاهدة للموضوع ان 3 يساعدونى بكمية المعلومات دى و يفيدونى جداً و اخص بالذكر :-

Mohamed.Raafat

mhf_77

sakr_skoda

و ان شاء الله هاقولكوا عملت ايه فى الحجز و نزلت فين و الاسعار فى اقرب وقت عشان الكل يستفيد فى المنتدى الجميل ده اللى خلينى اعرف ناس محترمة زيكوا .. شكراً جزيلاً

ربنا يجعلها اجازة سعيدة عليك و على العائلة

المشاركة الأصلية كتبت بواسطة sakr_skoda

الله يبارك فى عمرك بلاش اللون الاحمر فى الكتابه علشان دا ممنوع من الادارة (مخصص فقط لتدخل المديرين والمشرفين)وممكن تتوقف لاقدر الله

ربنا يخليك يارب و الله مأعرف و ان شاء الله مش هأستخدمه تانى

المشاركة الأصلية كتبت بواسطة mohamed.raafat

ربنا يجعلها اجازة سعيدة عليك و على العائلة

علينا و عليك ان اشاء الله و عيد سعيد و كل سنة و حضرتك طيب و شكراً للاهتمام