أخيرا سيراتو 2015 وكمان زجاج ملون

**mr.moustafa** · 21-07-2014 04:42 AM

المشاركة الأصلية كتبت بواسطة amgomaa

اللي هو التحكم فى نعومة الباور

Sent from my GT-S5282 using Forum Runner

آآآه معلش .. قصدك Flex Steer

**S O P H O S** · 21-07-2014 07:17 PM

الف مبروووك يا باشا

**wedagad** · 21-07-2014 11:02 PM

المشاركة الأصلية كتبت بواسطة s o p h o s

الف مبروووك يا باشا

الله يبارك في حضرتك

**Mohab555** · 22-07-2014 03:10 AM

الف مبروك يا باشا ربنا يديك خيرها و يكفيك شرها
عاوزين شويه صور للعربيه من جوه و بره علشان نفرح معاك و الناس تشوف المواصفات على الحقيقة

**Moratoz** · 22-07-2014 01:28 PM

الف مبروك ونفس المواصفات بتعتك دي عند سمير ريان + فتحة الشقف بـ 174000 جم وعلي فكرة العربيه مش سعودي دي شرق اوسط ( اردني تقريبا )

**bakkarahmed** · 23-07-2014 12:09 AM

المشاركة الأصلية كتبت بواسطة wedagad

فعلا انا عرفت بعد ماشتريت ان الموظف اللي هناك اشتغلني لما سألت علي عربيتي قالي 174000وبعد مداولات قالي انا هاعمل معاك خدمه واديهالك ب171000وعرفت بعد كده انها عند سلطان ب169000 ومعاها طفايه ومثلث وغطاء وطقم دواسات. يلا محدش بياخد اكتر من نصيبه بس اللي بيزعل قلة ضمير الناس.اما موضوع سعودي واردني انا سألأت ناس كتير في الموضوع ده وقالو هي هي بس كنت عايز كنت بسأل ازاي اعرف هي سعودي ولا اردني

ياباشا ربنا يباركلك فيها ويكفيك شرها واوتو سمير ريان معروف ان اسعاره فيها رينج كبير في الفصال بس الميزه الوحيده انه عنده فئات والوان كتير وانا لما اتصلت بيه قبل ما اشتري قاللي سعر ازيد من جابر عبد الشهيد ب الفين جنيه وناقصه كمان اوبشن فقررت اني اجيبها من جابر عبد الشهيد بالرغم من عدم توافر كل المواصفات اللي في دماغي وبرده كنت محدد لونين اختار منهم ماﻻقيتش غير واحد منهم بس علشان هوا بيشتغل في السعودي والعماني وكمان سعره ارخص فتوكلت علي الله والحمد لله علي كل شئ
اوتو سمير ريان فيه عنده خليجي وفيه شرق اوسط زي العراقي واﻻردني من اﻻخر معظمهم متقارب في الجوده بخلاف اقاويل ان العراقي سيئ في التقفيل وجوده الدهان اللي بعض الناس بتقول انه ضعيف..مجرد اقاويل
حضرتك بتعرف برقم vinاللي مكتوب علي الزجاج وتستعلم بيه وممكن عن طريق البادج اللي بيبقي ملزوق جنب بادج ضغط اﻻطارات اللي في الباب بيبقي مكتوب عليه طبقا للمواصفات الخليجيه السعوديه بس مش مضمون زي رقم vin