السلام عليكم لجميع الاخوة الافاضل
انا عندى شاليه فى الساحل الشمالى باعتبره الملجا الوحيد ليه من القرف الى بشوفه فى القاهرة
المهم الصيف ده كل ما اروح الاقى المياه مقطوعة لغاية ما العملية بقت عذاب و عرفت اخيرا ان سعر متر المياه بقى ٥.٥ جنيه و قريب هيبقى ٨ جنيه و الحساب بحد ادنى ١٠ متر فى الشهر هيدفعوا حتى لو الميه مقطوعة و المهم صديق ليه قالى هاتلك طلمبة تجيب مياه جوفية و الغى عداد المياه خالص و رجعه و كل الى هتخسره التامين لا غير
طبعا المياه الجوفية بدايتها على عمق ١٥ متر و انا بصراحة مليش فى القصة دى خالص لا اعرف نوع الطلمبة و لا الانواع و البدو الى ماسكين القرية هيعملوا احلى مصلحة عليا
السؤال بقى ايه نوع الطلمبة المناسب و كام حصان و ايه ماركتها و مستلزامتها و اجيبها منين و مين الى يركبها
علما بان استخدامها سيكون لاغراض منزلية بالاضافة الى رى حديقة حوالى ٣٠٠ متر
و شكرا مقدما للجميع