أتأكد إزاى من رقم الموتور اللى فى الرخصة ؟؟

أتأكد إزاى إن رقم الموتور اللى فى الرخصة هو فعلا رقم موتور العربية ؟؟ يعنى رقم الموتور بيبقى مكتوب فين عليه ؟؟

هى عربيتك نوعها ايه

وهو تقريبا بيبقى مكتوب فى حوض الموتور

واه هو رقم الموتور بتاع العربيه

عربيتى ماروتى ..

فى كتالوج السيارة يوجد مكان رقم الموتور , وفى اغلب السيارات يكون رقم الموتور موجود على جانب البلوك

حتلاقي في الماروتي لوحه معدن متثبته في الحوض مكتوب عليها الرقم

أنا بصيت على اللوحة اللى فى الحوض ولقيت فعلا رقم الموتور فيها .. هو مكون من ست أرقام بس لقيت فرق رقم عن الى موجود فى الرخصة ..
يعنى فى العربية آخره 54 وفى الرخصة آخره 94 .. مش عارف هل دى مشكلة ولا غلطة من المرور ولا ايه ..

أنا اشتريت العربية من سنة ونص تقريبا ولما اشتريتها كانت لسه فيها رخصة جديدة بقالها شهر ومترخصة تلات سنين .. يعنى مش معقول بعد ما رخص بشهر يكون غير الموتور .. ويكون جاب موتور فارق رقم واحد عن القديم !!!

أنا منقلتش ملكية العربية لإن الرخصة كانت لسه جديدة وفيها تلات سنين ..

أروح أسأل فى المرور عشان أتأكد ولا ايه !!!؟؟؟؟؟

اكيد هتكون غلطة من عامل البصمة او من كاتب الرخصة ولازم هتبان مع اول فحص فنى للسيارة و سيتم تصليحه

شكرا يا أستاذ جمال ..
طيب لو جيت أبيع العربية كده حيبقى فى مشكلة ؟؟

انا معايا رخصة العربية مش باسمى ومعايا توكيل ..