بسم الله الرحمن الرحيم:
زي ما هو واضح من العنوان
ليه انت بتبعد عن العربية
١-رشة
٢-عداد عالي
٣-مغيرة موتور بالوكيل
بسم الله الرحمن الرحيم:
زي ما هو واضح من العنوان
ليه انت بتبعد عن العربية
١-رشة
٢-عداد عالي
٣-مغيرة موتور بالوكيل
حسب قواعد السوق ..راشه يعنى كانت عامله حادثه و اتسمكرت و اترشت و طبعا عمر البويه دى ما حتكون زى بويه المصنع...طيب يعنى الواحد لو عربيته اتخبطت زى ما بيحصل كل يوم يسيبها كده؟؟!!!
-عامله -كيلو متر كتير يعنى تم استهلاكها و معظم اجزاءها خرجت من حيز الامان.
-مغيره موتور يعنى الموتور الاصلى اتحرق او اتدمر فى حادثه و ده برضه حاجه تخوف الزبون.
طبعا كل القواعد دى اى كلام و مالهاش لازمه لكن للاسف بتاثر عندنا كمصريين فقط.
ردى هيكون بناء على رأى الشخصى يحتمل الصواب والخطأ
1- كلمة رشة دى بتحمل معانى كتير بمعنى ان العربية ممكن تكون راشة جنبين مثلا كنظافة لكن العربية دواخلها سليمة يبقى بالنسبالى مفيش مشكلة عادى بشرط متكونش موديل حديث اوى يعنى مثلا متبقاش 2013 وتبقى راشة لا دى يتشك فيها اما راشة دواخل فدى مش محتاجة كلام
2- عداد عالى متقدرش تحكم حكم عام لكن معروف ان عربية لما تبقى ماشية كتير يبقى 70% على الأقل من العربية بقى مستهلك بنسبة كبيرة وتبدى تظهر المشاكل فبنبعد عنها لكن لكل قاعدة شواذ ممكن واحد بيسافر كتير لكن مهتم بصيانة العربية على اكمل وجه وحالة العربية تمام اعتقد مفيش مشكلة لكن نادر جدا لما تلاقى حد كده
3- مغيرة موتور بالوكيل اعتقد مفيهاش مشكلة مدام العربية تمام والمشكلة اللى كان بيشتكى منها المالك انتهت
تحياتى
الاستهلاك و العمر الافتراضى لمكونات العربية
كل حاجة وليها سعرها و زبونها ... انا عندى استعداد اشترى عربية مقلوبة و مغيرة سقف و متصلحة بس بسعرها ... مش يطلب فيها ثمن عربية فابريقة و يقعد يحلف 50 مره انها رشة نظافة و الكلام الفارغ ده
كله حسب العربيه
يعنى كل عربيه ليها سعرها على حسب حالتها
و الرش فى بعض الاحيان ليه ميزه
يعنى لو واحد ديما بيخبط فى العربيه يبقى حرام يشترى عربيه فبريكا لانه هيبهدلها و يخسر الفلوس الى اتفعت عشان كلمة فبريكا
العداد العالى حسب هو كام وحسب نوع العربيه
يعنى العربيات القديمه اوى مبيفرقش العداد لانها غالبا عملت مليون كيو ولا حاجه
انا شرايى مع حضرتك مش مهم الرش الخارجى بس ميكونش فيها رش دواخل و القوائم تبئة معوجة و مغيرة ربع و يجى يبيعها على انها حالتها نضيفة ، بالنسبة للعداد الكيلوهات العالى مش مهم بس يكون فعلا بيعملها صيانة دورية و باستمرار و ده عندى احسن من واحد يلعب فى العداد او يغير تابلوه كامل و يجى يضحك عليا و يقلى بص دى مرفوعة بقالها 5 سنيين ، اما بخصوص الماتور فى ناس مابتحبش وجع الدماغ و تجرى ورا الميكانكيا فبتريح دماغها و تغير ماتور على طول بس اهم حاجة الميكانيكى اللى سقط الماتور يكون عارف بيعمل ايه و ارجع و اقول كل برغوت على اد دمه ..يعنى كل فولة و لها كيال .
كل فوله وليها كيال
اولا : راشة
الرش الخارجى :
بيختف حسب موديل العربية يعنى لو نظافة لازم العربية تكون قديمة لايقل عن 4 سنين او 5
وممكن تكون موديل حديث وراشة لا ظروفهل فى المشى فى حكات كتير
وممن تكون راشة علشان فيها خبطة بسيط وصاحبها معندوش خبرة فيروح بتاع الدهان يقنعو ان العربية لازم تترش كلها
وهو طبعا لا حول ليه ولا قوة (حصلت مع واحدة معرفة والعربية 2013)
الرش الداخلى حسب الموضع نفسة
الموتور طبعا فى شك كبير ان العربية مستهلكة
عداد عالى حسب ظروف المسافة المقطوعه
بالنسبة لى متفرقش كتير لو كانت راشه بره لانى طبيعى جدا لو عربية موديل 10 سنين ورا 24 ساعة مركونة فى الشمس و المطر والتراب يكون الدهان بتاعها اتبهدل .
اما بالنسبة للمشى الكتير فالاستهلاك المتوسط من 17 : 20 الف كيلو فى السنه
اما تغيير الموتور طالما التغيير مش بسبب حادثة مفيش اى مشكلة خالص
ابعد عنها لو مش فارق معايا الفلوس
.راشة يعني ممكن حوادث او لا و كله بيتعرف و طالما فيه دق و تسخين عمر البوية هيكون ضعيف و البرومه هاتشتغل
.كيلومتر عالي يبقي مستهلكة و هتعطل كتير
. مغيره موتور علي حسب ماشي قدية ( ممكن تكون سخنت او قفشت و غير موتور بدل مايصلح )
انا نفسى الناس تبطل تفكر فى موضوع راشة ده...الدنيا كلها بترش ولا حد بيهتم بموضوع راشة ولا مش راشة
اهم حاجة متكونش مأثرة على حاجة فى جسم العربية
وهنا كل واحد اهم حاجة فى حياته ان العربية تكون فابريكة حتى لو على حساب الموتور
فضلت ماشي بعربيتى بحكاتها وخبطاتها سنين مش عايز اعمل فيها حاجة علشان لما اجى ابعها
واللى جاى يشتريها يقولى لا مانا مش حرشها برده علشان لما اجى ابعها
يعنى مبتستمتعش بعربيتك وفلوسك علشان حاجة الناس حفاظاها
شكرا لكل من شارك
بس يا جماعة لازم نحط في عقلنا ان في بعض العربيات بترش لاسباب قهرية
عربية وقع عليها طوب مثلا وغيره
العداد العالي هو مزعج شوية انه يكون معاك عرببة عاملة ١٨٠ مثلا .بس في حالات بتفرق بس الموضوع مزعج فعلا
انا عن نفسى بحب اجيب العربية كسر زيرو يعنى تكون فريقة بالكامل او رشة حاجة صغيرة كدة ويكون كيلو متر قليل عشان اعادة البيع لانى انا مثلا العربية بتقعد معايا اقصاها من سنة ونصف لسنتين فبحب لما اجى ابيع محدش يقولى اصلى فيها وفيها والكلام ده
بالنسبة ليا الماتور يبقي سليم ومفهوش اي شئ
رشة برا او ماشية كتير مش اساسي
ولكن الماتور زي قلب العربية المفروض يبقي سليم
ومش بيبقي عندي ثقة امشي بماتور فيه شغل او متعمر
رشة برة ده حاجة طبيعية لو واحد بيمشي علي طرق زي الدائري و طبعا الرمل و الزلط الصغير و هو جي في وش عربيتك و انت ماشي بسرعة ده بيأثر علي الدهان فطبيعي صاحب العربية بيضطر يرشها او العربية بقالها اكتر من 5 سنين مع الشمس اللون بيجرب و العربية شكلها يقرف و في عربيات كتير منها الاوبل تلاقي مناطق كاملة بقي لونها ابيض و انا سمعت من ناس كتير إن ده بيعمل صدأ و غير إن العربية مع الخبطات و الحكات.حكاية الرش ده منطق مصري يدل علي إن العربية حالتها ممتازة حتي لو مفيهاش موتور بالنسبة لمصريين كتير زي الاستبن اللي منزلش الارض من سنة 62.إنما لو دواخل ممكن يبقي في كلام تاني.
الكيلومتر العالي ساعات بيبقي معناه إن العربية إتهلكت و اللي هياخدها بعد كدة هيصرف عليها كتير و ساعات بتبقي في عربيات عاملة كيلومتر قليل بالنسبة لسنة الصنع و تبقي حالتها في الضياع مقارنة باللي عاملة كيلومتر عالي.المهم في الموضوع إن العربية تكون حالتها كويسة و الصيانات الدورية معمولة أول بأول.و بردو العداد العالي معناها سعر اقل.
تغيير الموتور ده علي حسب يعني لو عربية جديدة وده حصل و اتغير في الضمان مش مشكلة لان العيوب الصناعة واردة في كل حاجة و بردو في اللي الموتور بتاعه قفش قرر انه يجيب موتور و يركبه في التوكيل بدل اللف علي الصنايعية إنما لو اتدمر نتيجة حادثة جامدة فده يعيب العربية بسبب إنها عاملة حادثة
خلي بالك لكل قاعده شواذ يعني عربيه عامله كيلومترات عالي بس عملاهم في سفر وحاله الموتور كويسه هيبقى احسن من اللي عامله كيلومترات قليله وحاله الموتور أضعف من اللي عامله أكبر وبرضه الصيانه الدوريه في معادها تخلى عربيه موديل التسعينات احسن من عربيه جديده ومهمله