حد عنده فكرة عن خاصية ( Time Machine II ) فى تليفزيونات LG

السلام عليكم ورحمة الله وبركاته

انا اشتريت تليفزيون ليد LG
32 بوصة
وفيه خاصية تايم ماشين وده اللى لقيته مكتوب عنها
-------------------------------
http://cms.souqcdn.com/spring/images...ARCHINE_ll.jpg
خاصية ( Time Machine II )

اذا كان هناك الكثير من العمل لديك يمنعك من المشاهدة برامجك المفضلة, اذا فان هذه الخاصية تعتبر مفيدة بالنسبة اليك. عند ضبطها للتسجيل في وقت محدد, تقوم هذه الخاصية بالتسجيل في ذلك الوقت لتتمكن من مشاهدة ما سجل مرارا وتكرارا.
----------------

حطيت فلاشة وضغطت على زرار REC فى الريموت
فوجئت انه مش راضى يسجل وبيطلب
USB HDD
!!!!!

حد شغل الخاصية ديه قبل كده ؟
ياريت لو حد شغلها وعافها يشرحلى مميزاتها وازاى اشغلها
وايه اليو اس بى هارد ديسك المناسب
واشمعنى الجهاز ده مش بيسجل على الفلاشة زى باقى الاجهزة ؟

جرب تغير نظام الفورمات للفلاشه يعنى خليه fat32 وجرب ntfs وجرب

اقتباس:

---

المشاركة الأصلية كتبت بواسطة hazoom2006

جرب تغير نظام الفورمات للفلاشه يعنى خليه fat32 وجرب ntfs وجرب

---

معتقدتش ان مشكلة fat32 ولا ntfs
لأن التليفزيون بيقرأ من الفلاشة عادى اى ملفات فيديو او صوت أو صور

حسب معلوماتى نظام التسجيل بيكون ts وده بيكون بمساحه كبيرة وجودة عالية وهايحتاج مساحة كبيرة ليه
يبقى اظن المشكلة فى حجم الفلاشة
عشان كده طلب usb hdd

جرب وصل هارد اكسترنال ... اكيد ده المطلوب لانه مش بس مساحة اعلي لا وكمان هيبقى سرعة اعلي عشان التسجيل بجودة عالية وحفظ التسجيل بجودة عالية هيحتاج مساحة + سرعة في نفس الوقت ..... جرب وان شاء الله يبقى تمام

اقتباس:

---

المشاركة الأصلية كتبت بواسطة Elawany13

السلام عليكم ورحمة الله وبركاته
وعليكم السلام ورحمة الله وبركاته
انا اشتريت تليفزيون LG ليد 32 بوصه
الف مبروك
فيه خاصية تايم ماشين وده اللى لقيته مكتوب عنهاحطيت فلاشة وضغطت على زرار REC فى الريموت فوجئت انه مش راضى يسجل وبيطلب USB HDD !!!!!
حد شغل الخاصية ديه قبل كده ؟
علشان تشغل اى خاصيه لها علاقه بالتسجيل محتاج مساحه من 40 لـ 60 GB (لو عندك فلاشه بالمساحه دى هتشتغل عادى)
ايه اليو اس بى هارد ديسك المناسب؟
اى هارد بس خلى بالك ان الهارد مش هينفع تستفاد منه فأى حاجه تانيه لان بعد ما توصله على التليفزيون هيعمله format و الهارد مش هيبقى مقروء على الـ windows لكن لو عندك linux او ubuntu الهارد هيشتغل عادى
اشمعنى الجهاز ده مش بيسجل على الفلاشة زى باقى الاجهزة ؟
للأسف

---

شكرا على الردود
بس رخمه قوى حكاية ان الهارد هيتفرمت ومش هستفاد بيه مع الكمبيوتر !!!!

ياعنى لو سجلت حاجه من على التليفزيون مش هعرف اشوفها على الكمبيوتر
كده الاوبشن ده زى قلته

اقتباس:

---

المشاركة الأصلية كتبت بواسطة Elawany13

شكرا على الردود
بس رخمه قوى حكاية ان الهارد هيتفرمت ومش هستفاد بيه مع الكمبيوتر !!!!
للأسف رخمه و مش منطقيه خالص
ياعنى لو سجلت حاجه من على التليفزيون مش هعرف اشوفها على الكمبيوتر
كده الاوبشن ده زى قلته
هتعرف تشوفها على التليفزيون فقط

---

الحل هو رسيفير hd تقدر تسجل منه على الفلاشه و كمان time shifting و فيه انواع تانيه فيها تسجيل بوقت محدد نفس فكره الـ Time Machine

اقتباس:

---

المشاركة الأصلية كتبت بواسطة shiko85

الحل هو رسيفير hd تقدر تسجل منه على الفلاشه و كمان time shifting و فيه انواع تانيه فيها تسجيل بوقت محدد نفس فكره الـ Time Machine

---

شكرا ياباشا على المعلومات
أنا شوفت ريسيفرات عاديه جدا ورخيصه بـ 120 جنيه من كام سنة
وبتسجل على الفلاشة بجوده مذهلة
ياعنى ايه time shifting

اقتباس:

---

المشاركة الأصلية كتبت بواسطة Elawany13

شكرا ياباشا على المعلومات
العفو يا باشا
أنا شوفت ريسيفرات عاديه جدا ورخيصه بـ 120 جنيه من كام سنة وبتسجل على الفلاشة بجوده مذهلة
لما تجرب ان شاء ريسيفر HD هتلاقى الجوده افضل بكتير و كمان علشان تشغل القنوات الـ HD
ياعنى ايه time shifting ؟
لو بتتفرج على حاجه و عايز تقوم لاى سبب تقدر تستخدم خاصيه الـ time shifting كانك عامل hold او pause للحاجه المعروضه و بعد كده ترجع تكمل فرجه تانى عادى بس طبعا كل ما فتره الأنتظار تطول هتكون محتاج مساحه اكبر (الثانيه بتحتاج تقريبا 1mb )

---

انا شغال حاليا برسيفر استرا عادى
بالنسبة للرسيفر الـ hd
هيديى جوده اعلى فى حتى القنوات العادى
وماهى القنوات الـ hd اللى على النايل سات ؟

اقتباس:

---

المشاركة الأصلية كتبت بواسطة Elawany13

انا شغال حاليا برسيفر استرا عادى
بالنسبة للرسيفر الـ hdهيديى جوده اعلى فى حتى القنوات العادى
وماهى القنوات الـ hd اللى على النايل سات ؟

---

ان شاء الله
الصور حتى فالقنوات العاديه هتبقى افضل و اوضح كتير
كل قنوات ابوظبى - Skynews - Bein sport - Jeem وفيه قنوات تانيه زى قنوات الكويت و قطر و كل فتره فيه قناه جديده بتفتح او قديمه بتبقى لـ HD

طيب استفسارين كمان الله يكرمك

(1) بالنسبة لتوصيل التليفزيون بالكمبيوتر

التليفزيون مفيهوش فتحة الفيجا التقليدية زى اللى موجوده فى شاشات الكمبيوتر العادية
بس فيه فتحتين hdmi

ياترى فيه كابل يوصل بين الكمبيوتر العادى والتليفزيون ؟


(2) بالنسبة لإستهلاك التليفزيون للكهرباء وقدرته
تليفزيون ليد 32 بوصة

اللى مكتوب عليه من 100 - 240 فولت
1.1 a

مش مكتوب عليه القدرة بالوات !!!
محتاج كام وات ؟

اقتباس:

---

اللى مكتوب عليه من 100 - 240 فولت
1.1 a

---

الـ output volt المكتوبة عليه كام ؟

المفروض بتضرب الامبير ( 1.1 ) × الفولت ( ؟؟ ) بيطلعلك الوات
بس كدا كدا الـ lcd مش بتستهلك كهرباء كتير ، حاجات طفيفة بالنسبة للتليفزيونات العادية مثلا أو الاجهزة المنزلية

اقتباس:

---

المشاركة الأصلية كتبت بواسطة Ladawy

الـ output volt المكتوبة عليه كام ؟

المفروض بتضرب الامبير ( 1.1 ) × الفولت ( ؟؟ ) بيطلعلك الوات
بس كدا كدا الـ lcd مش بتستهلك كهرباء كتير ، حاجات طفيفة بالنسبة للتليفزيونات العادية مثلا أو الاجهزة المنزلية

---

مفيش اى بيانات تانية مكتوبة غير اللى قولتها

AC
100 - 240 فولت
50/60 HZ
1.1 a

استلفت ريسيفر اتش دى كيوماكس من احد اصدقائى
ومعاه وصلة hdmi
ودورت كتير مش لاقى اى قنوات hd
بالنسبة للقنوات العادية مش حاسس بأى تحسن فى الصورة
بالعكس حاسس ان الصورة بقت اغمق

مع العلم ان الرسيفر اللى عندى
رسيفر عادى استرا

بالنسبة للنت على الرسيفر
وصلت كيبورد وماوس
فتحت الفيس بوك من عليه
حاسس انى بفتحه على موبايل صينى
شكله ردئ جدا
والماوس مش سلسل فى الحركة

اقتباس:

---

المشاركة الأصلية كتبت بواسطة ayman20100

جرب وصل هارد اكسترنال ... اكيد ده المطلوب لانه مش بس مساحة اعلي لا وكمان هيبقى سرعة اعلي عشان التسجيل بجودة عالية وحفظ التسجيل بجودة عالية هيحتاج مساحة + سرعة في نفس الوقت ..... جرب وان شاء الله يبقى تمام

---

ياجماعة انا وصلت هارد 250 جيجا بالتليفزيون ومعظمة فاضى
التليفزيون اتعرف عليه وتعامل معاه عادى زى الفلاشة بالضبط وفتحت فيديوهات من عليه
بس لما جيت اسجل حاجه من التليفزيون طلعلى الرسالة ديه

[img3]http://nileup.com/up/uploads/nilemotors_14396406461.jpg[/img3]

ايه الحل يا أخوانا ؟؟