كلمت التوكيل انهارده وقالى ان الماتور يابانى وفى معظم المنتديات كاتبين ماتور هندى ......ده غير انى سألته على سعر الفانوس الامامى قالى 700 جنيه .......فلو هقارن الهندى بالكورى اكيد الكورى يكسب والا انتوا ايه رأيكم
عرض للطباعة
كلمت التوكيل انهارده وقالى ان الماتور يابانى وفى معظم المنتديات كاتبين ماتور هندى ......ده غير انى سألته على سعر الفانوس الامامى قالى 700 جنيه .......فلو هقارن الهندى بالكورى اكيد الكورى يكسب والا انتوا ايه رأيكم
هات بروتون جين 2 ... أو بيرسونا أفضل من الإثنين
ولو هتقارن الهندي بالكوري ... الهندي دلوقتي يكسب في جودة التقفيل أكتر من الكوري بالنسبة لي
وعموما موتور النيسان ياباني مش هندي ولا حاجة
الأفيو عربية 1600 برضه يبقى نقارنها بالنيسان ... ليه لأ ... أساس مقارنة العربيات هي المواتير مش الفئة السعرية
يعني ما ينفعش أقارن السويفت بالسانديرو مثلا لأنهم نفس الفئة السعرية ... ولكن السويفت يتم مقارنتها بالأتراج والبيكانتو لأنهم كلهم 1200 سي سي ... برغم إن اليبكانتو والأتراج أغلى من السوفت بما يقارب ويزيد عن الـ 10 آلاف جنيه للفئة الهاي لاين
أما السانديرو يتم مقارنتها بالـ i30 والـ i20 عشان هاتش باك زيها وفرق الفلوس لصالح السانديرو وفرق الكماليات لصالح التانيين ووممكن عوامل الأمان كمان
والأفيو يتم مقارنتها باللوجان والجين 2 والبيرسونا والصني والإلنترا والسيراتو ... وما إلى ذلك ... كلهم 1600 وكلهم سيدان ... يبقى الفروق بعد كدة في جودة التقفيل ومدى توافر عوامل الأمان وجودتها والكماليات الموجودة في كل سيارة وكل ده في الآخر بمقارنته بالسعر النهائي لكل سيارة ... لأن في سيارات أسعارها مضروبة في 2 بدون أي مبرر إلا أن السوق عايزها ولكنها ما تستاهلش مليم زيادة عن غيرها
وكل واحد عنده حاجات ضرورية عايزها في عربيته وحاجات ممكن يستغنى عنها في حدود ميزانيته ... وبناء عليه كل واحد بيحدد إيه اللى يناسبه في السوق
....
بالنسبة للأفيو هي عربية حلوة مش وحشة ولكنها مافيهاش أي عوامل أمان وفقيرة شوية في الكماليات ... لكن سعرها أرخص من الصني بـ 15 ألف زي ما حضرتك قلت
النيسان .. بصراحة مش عارف إنه فئة اللى فيها إيرباجز وإيه بي إس .. ولكن لو هي اللى بـ 115 يبقى ده فارق ومبرر لسعر النيسان إنه أكتر بـ 15 ألف ... لو الإيرباجز والإيه بي إس مش موجود غير في السوبر صالون اللى بـ مية حاجة وعشرين تقريبا ... يبقى فكك من النيسان خالص لأنك كدة دخلت في فئة تانية من جودة التقفيل وهاتلاقي حاجات أحسن منها في الفئة السعرية دي
كل ده هايتوقف على إن حضرتك يفرق معاك عوامل الأمان ولا لأ ... وإن كان هي لازم تفرق طبعا ... بس في الآخر القرار ليك
وفي الآخر لازم تركب الإثنين وتحدد إنه الأفضل ليك ... لأن ممكن حتة هوايات التكييف الخلفية اللى في الصني لوحدها تكون مهمة عندك جدا لدرجة تخليك تغير قرارك
لا دي ولا دي
لا دي ولا دي
صني اكيد