Byd + abs = الثبات المثالي
الحمد الله ربنا سترها عليا امبارح وانا على الدائري قبل الفطار راجع من الشغل فى المعادي على البيت فى اكتوبر وبعد ما نزلت من وصله المريوطيه وانا ماشي على 120 واحده حسبي الله ونعم الوكيل فيها عربيه طالعه من شمالها فخافت منها قامت راميه بوز العربيه ناحيتي فخبطت الاكصدام من ناحيه الشمال ....
الحمد الله العربيه ما حصلهاش اصابات جامده في حته من الاكصدام فكت من الرفرف والاكصدام نفسه اتجرح بس الحمد الله ربنا ستر
الفكره بقي فى ايه اني انا لما اتخبطت وكرد فعل لا ارادي دوست فرامل ( انا عارف انه غلط ) ولفيت الدركسيون انا ساعتها قلت العربيه هاتتقلب او على الاقل تعوم وتخمس بس الحمد الله العربيه فى ثانيه واحده كانت ماشيه معدوله على الطريق من غير اي تعويم ولا اي حاجه ....
بصراحه انا من ساعتها معجب اوي بالاداء المثالي والحمد الله على ستر ربنا