عندى مشكلة مزهقانى و مجننانى فى التكييف

عندى مشكلة مزهقانى و مجننانى فى التكييف
جبت كمبريسور تكييف استيراد من فتره
و اكتشفت انة فى الايام الحر الجامد بيبقى صوتة وحش و خشن اوى و بيخلى صوت الموتور خشن جدا و مش طبيعى و بيرجرج العربيه شوية بسيط و طبعا الصوت بيروح اول ما اطفية
و فات وقت انى اغيره
رحت للى ركبهولى قالى ده فريون زايد شالى شوية فريون و الصوت هو هو السقعة قلت شوية بس
قام قايلى عشان الصوت ده يروح هات واحد جديد اصلى او امشى بيه على كده و متخفش مش حيحصلة حاجه طبعا انا مش مقتنع الصوت مش طبيعى رحت لغيره قالى مش عارف و هى كده كويسه
محدش يعرف ده ممكن يبقى ايه؟؟ ممكن يكون محطش زيت مثلا مع الفريون او حط كمية قليله؟؟

الكمبرسور اللى انت اشتريته بايظ ومش مظبوط ... المفروض انك واخده على التجرية ... رجعه للى انت شاريه من عنده ... والله اعلم

ده عدى الشهرين معايا
و العيب مبنش غير فى الاسام الحر الجامد ديه غير كده كان شغال تمام بما لا يوحى بالشك

و بعدين حد يعرف ازاى الزيت بتاع الكمبريسور بيتحط؟؟ و ايه اللى بيحصل لو متحطش او كانت كميته قليله؟؟

اللى اعرفة انه بيتحط مع الفريون قبل الشحن
بيسخب الهوى من الدايرة ويخط الزيت يتسخب بعدها على طول
الحل تشوف واحد جديد بس فين الله اعلم

يعنى مش ممكن تكون المشكله فى الزيت؟؟
و هو مفييش كمبريسور جديد ولا ايه؟

الكمبريسور الجديد الاصلي ب 1250 عند البنا في التوفيقية

انا مش عايز امنع الصوت
مش عايز اشترى كمبريسور جديد
انا عايز اعرف راسى من رجليا الكمبريسور ده خلاص بيجيب اخرة استناة لحد ما يخلص خالص و اشترى كمبريسور جديد ولا ممكن يشتغل معايا على كده بالصوت ده ولا عايز شخن جدسد و زيت

بص على القاعده بتاعة وانه يكون راكب كويس
لأن كان في عضو معانا هنا كان بيشتكي نفس شكوتك ده وطلع في الاخر العيب من مسامير التثبيت اللي مثبته الكباس في القاعده بتاعة
شييك عليها مش حتخسر حاجة

الكومبيرسور على مااعتقد شغال على بلى زيه زى طلمبه الميه وكده ممكن يكون منها او البسام بتاعه نفسه فيه بوش فابيخبط وعامل صوت

اقتباس:

---

المشاركة الأصلية كتبت بواسطة mostafa . Ahmed

بص على القاعده بتاعة وانه يكون راكب كويس
لأن كان في عضو معانا هنا كان بيشتكي نفس شكوتك ده وطلع في الاخر العيب من مسامير التثبيت اللي مثبته الكباس في القاعده بتاعة
شييك عليها مش حتخسر حاجة

---

و كان برضو بيعمل صوت خشانة مع الموتور؟؟

و انا نازل النهاردة حبص علية و اكد على رباطه كويس يارب تبقى المشكلة تافهه كده

من الاخر
مادام فية صوت نحرة وتكتكة وعلى صوتة
سيبك منة وأوعا تصلحة
لو هيرجع ماشى مش هيرجع استعوض ربنا
تمشى بيه كدة هيقفش فى اى وقت
والدايو السير ماسك الدينمو وكل حاجة
هيعطلك فى اى مكان خد بالك
ولو سعرة 1250 زى الباشا المحترم ما قال يبقى تمام ومش غالى
لان كان فى ناس بتتكلم فى 4000
المستعمل ب400 وانت وحظك يبقى دة 1200 افضل جديد

اقتباس:

---

المشاركة الأصلية كتبت بواسطة modyegypt

من الاخر
مادام فية صوت نحرة وتكتكة وعلى صوتة
سيبك منة وأوعا تصلحة
لو هيرجع ماشى مش هيرجع استعوض ربنا
تمشى بيه كدة هيقفش فى اى وقت
والدايو السير ماسك الدينمو وكل حاجة
هيعطلك فى اى مكان خد بالك
ولو سعرة 1250 زى الباشا المحترم ما قال يبقى تمام ومش غالى
لان كان فى ناس بتتكلم فى 4000
المستعمل ب400 وانت وحظك يبقى دة 1200 افضل جديد

---

مفيش صوت تكته يمكن نحرة مش عارف بس انا حس ان صوت الموتور اخشن و التكييف شغال
سير اكمبريسور فى الانوس مش ماسك حاجه غيره فمش فارقة معايا لو قفش
لو باظ خالص حشترى الجديد احسن طبعا و اشترى دماغى من الاستعمال و قرفة
بس انا بسال عشان لو ناقص زيت ولا حاجه عشان معنديش فكره عن الموضوع ده او اى حاجه ممكن تكون غلط حد ينبهنى ليها اعملها تلحقة قبل ما يبوظ

اقتباس:

---

المشاركة الأصلية كتبت بواسطة mostafa . Ahmed

بص على القاعده بتاعة وانه يكون راكب كويس
لأن كان في عضو معانا هنا كان بيشتكي نفس شكوتك ده وطلع في الاخر العيب من مسامير التثبيت اللي مثبته الكباس في القاعده بتاعة
شييك عليها مش حتخسر حاجة

---

طلع مربوط كويس جدا للاسف

دا احتمال كبير جداً نقص زيت ولازم تشحن من اول وجديد يعني هتضحي ب 150 جم علشان تتاكد اذا كان عيب كباس ولا عيب نقص زينت مع احتمالية المحافظة علي الكباس لو طلع نقص زيت

حضحى و امرى لله
و هل يفضل انى مستخدموش الا لما اعمل كده؟

yes

MMamdouh

اقتباس:

---

المشاركة الأصلية كتبت بواسطة MMamdouh

yes

MMamdouh

---

الاستاذ قاللك yes
مافيش كلام بعد كلام البروفيسير
افهم بقي وما تكترش

.

.

اقتباس:

---

المشاركة الأصلية كتبت بواسطة lutenit030

و كان برضو بيعمل صوت خشانة مع الموتور؟؟

و انا نازل النهاردة حبص علية و اكد على رباطه كويس يارب تبقى المشكلة تافهه كده

---

فى بلى فى الكباس احتمال يكون قافش