الموضوع: ما رأيكم الجييب الشيروكى ؟

من الواضح من العربيات اللى حضرتك امتلكتها ان مواتيرها صغيرة و قطع غيارها رخيصة ، فبالتالى ستجد صعوبة كبيرة فى التعامل مع الجيب من حيث قطع الغيار الغالية بس معمرة و إسستهلاك البنزين العالى و حضرتك عارف ان البنزين غلى طبعاً اووى و ثالثاً الضريبة السنوية التى سوف تتحملهاا عند التجديد و هى فوق 1250 جنيه لان جميع مواتير الجيب فوق 2000 سى سى ، رابعاً مش كل الصناعية بتعرف تشتغل فيها و اللى يعرف مصنعيتة عالية اووى مقارنى بباقى العربيات سواء ميكانيكى او كهربائى ، و القرار طبعاً يرجع لحضرتك فى الاخر و كله حسب أمكانيات حضرتك المادية و أستخدامك الشخصى لها.

المشاركة الأصلية كتبت بواسطة ibnelfared

دى حقيقة فعلا يا بشمهندس ولأنى عايز أشترى عربية بس تكون عاليه نسبة ألى الهضاب الموجودة فى الشوارع مش مطبات فكانت الجيب أول أتجاهاتى وعشان كدة أنا محتاج من حضرتك توضيح أكثر لجزئية أرتفاع أسعار قطع الغيار و جزئية الضريبة لأنى لاقيت فى سيارات 4 سى سى و 6 سىى سى وأتوماتيك وعادة محتاج نصيحة حضرتك أجيب أيه ولو أشتريت الجيب ليك أى ملاحظات

باشا انا كنت بفكر فى نفس تفكير حضراتك من فترة قليلة جداً و فعلا حضرتك عندك حق فى موضوع المطبات و الشوارع المكسرة اللى بتدمر عفشة اى عربية بس فى بعض النقاط الى ذاكرتها فوق حضرتك مخدتش بالك منها (و هى ارتفاع سعر البنزين و استهلاك الجيب لمعدل عالى لانها ذات مواتير عالية 2500 سى سى و 4100 سىى سى على امأعتقد و ده مأزق لوحده لو حضرتك هتقدر تتنازل عنه ندخل فى النقطة التانية ، الضريبة و دى بتفرض على المواتير فوق 2000 سى سى و بتتحسب على السنة و كل سنة بتقل عن اللى قبلها و ممكن تسأل فى المرور على أجمالى الضريبة اللى حضرتك هتدفعها قبل ماتشترى و كمان أسال البائع عنها و هو هايقوللك.، بالنسبة للقطع الغيار انا جبتللك مجموعة من تجار قطع الغيار اتسال بيهم و أسالهم عن الاسعار و بكدا تبقى عرفت القطع غالية و لا رخيصة.( اما اذا تجاوزت عن الى سبق كله يبقى الافضل فى العربيات دى المواتير العالية 4000 سى سى و بياعة اكتر و كل ملاك الجيب بيقولوا كدا ) خد باللك الاتوماتيك اغلى ، اما لو فعلا حاببب تركب جيب هات الرانجلر و تكون مانيوال مش اتوماتيك و تكون فى التسعينات و ابعد عن الشيروكى عشان الحساسات الكتير اللى فيها ( مثلاً حساس الكرنك لاقدر الله لو باظ العربية مش هتمشى ) فأنا شايف الرانجلر اكثر اعتمادية ، و ربنا يوفقك .

و ياريت لو حد من القسم النايم ده يكون من ملاك الجيب هايفيد حضراتك اكتر منى .

محلات قطع الغيار:-

الصرفي لقطع الغيار عنوانه 5 عمارات الشرطه جسر السويس ت/ 22406740

وفى كمان فوزى الخواجة اسعارة زى النار بيقول اسعار خيالية فى فيصل ورقمة للى عاوز يجرب 0127482237-0106058056

عندك القبيصى على الطريق الجديد حلف فندق سياج المريوطية الهرم دا قطع غيار امريكانى عامة وصاحبها دكتور جامعى محترم جدا اسمه د جمال 0123935545
و لو إستيراد ممكن تسأل عليه عند :-

الحاج محمد عبد العزيز 0121085347 قطع غيار استيراد ومستعمل لجميع الامريكانى وانصاف كمان فى عرب المعادى (البساتين
فى شبرا استاذ جمال مؤمن وده رقمه 01227845620__01111949586 استيراد
فى بقى محل الاسلاميه ده فى صقر قريش 01006426010__0100499228 بس ده قطع غيار جديد بس مفيش استيراد

قطع غيار الجيب مش غاليه بالعكس عاديه خالص ومعمره وعربيه بسيطه جدا جدا في التصليح انت بنفسك تقدر تشتغل فيها عربية حدادي بمعني الكلمة ومش محتاجه ميكانيكي متخصص لانها بسيطه وقوية وبالنسبه لاستهلاك البترول عالي طبعا واعطالها مش كتير لكن اللي اعطالها كتير فعلا هيه الجراند شيروكي لانها مليانة حساسات بالعبيط ونصيحه ليك اياك تقرب من الجراند لكن الشيروكي انصحك بيها بقوه بس تحافظ عليها يعني تعملها صيانة دوريه كل مده وكمان فيها ميزه تانيه انك تقدر تركب عليها قطع غيار عربيات تانيه زي مثلا انا مركب كمبرسر كامري ٩٧ علي عربيتي وشغال تمام

المشاركة الأصلية كتبت بواسطة megodahab

قطع غيار الجيب مش غاليه بالعكس عاديه خالص ومعمره وعربيه بسيطه جدا جدا في التصليح انت بنفسك تقدر تشتغل فيها عربية حدادي بمعني الكلمة ومش محتاجه ميكانيكي متخصص لانها بسيطه وقوية وبالنسبه لاستهلاك البترول عالي طبعا واعطالها مش كتير لكن اللي اعطالها كتير فعلا هيه الجراند شيروكي لانها مليانة حساسات بالعبيط ونصيحه ليك اياك تقرب من الجراند لكن الشيروكي انصحك بيها بقوه بس تحافظ عليها يعني تعملها صيانة دوريه كل مده وكمان فيها ميزه تانيه انك تقدر تركب عليها قطع غيار عربيات تانيه زي مثلا انا مركب كمبرسر كامري ٩٧ علي عربيتي وشغال تمام

باشا انا لما قولت ان قطع الغيار غالية مقارنة بالعربيات اللى ركبها قبل كدا انا مثلا فى عربيتى بشترى قطع الغيار الفورد بالمبالغ الاتية :
سير كاتينة ديلكو ايطالى او امريكى الصنع 30000 الف بى 150 جنية
سير كاتينة بوش المانى 60000 الف 325 جنية
سير دينامو المانى 120 جنيه
البوجيهات الفورد اصلى 150 جنيه
عدد1 طقم دبرياج المانى ( اسطوانة و ديسك و بلية ) 1300 جنيه

تعالى بئة نشوف الاسعار دى لو 128 مثلا :-

سير كاتينة ايطالى بى 65 جنية
سير دينامو 25 جنية
البوجيهات الفورد اصلى 35 جنيه
عدد1 طقم دبرياج تركى ( اسطوانة و ديسك و بلية ) 300 جنيه

فى الحالة دى لما اقول ان قطع غيار الفورد غالية يبقى بظلم الفورد طبعاً لان مفيش وجه للمقارنة اساساً ده شئ و ده شئ ، انما مثلا لو قارنت اسعار قطع غيار الجيب بالفورد هتلاقى فى تقارب اووى فى الوقت ده بس هاتكون قطع الغيار مش غالية خالص.

و ياريت لو حضرتك تفدنا ببعض اسعار قطع الغيار عاليه عشان هو يقدر يقيم من وجهة نظره اذا كانت غالية او رخيصة.

موضوع انه يركب لها قطع غيار تانية ده موضوع كويس اووى بس محتاج حد يساعده فى الاول و يقول عليه .

بخصوص تصليحها فانا اختلف مع حضرتك ، لان فى ميكانكيا كتير بهايم و بيفتوا فى اللى ملهوش فيه فلازم يكون واحد ميكانيكى متخصصص فى الجيب و كمان كهربائى متخصص ، و انا عن نفسى روحت لهربائى شغال فى الامريكنى بس و مش متخصص فى العربيات الفورد و مرمطنى معه و خلينى اشترى قطع غيار مش محتاجها و مش هاعرف ارجعها لانها استيراد و كمان محلش المشكلة عشان كان عايز يعمل سبوبة عليا و كمان خد مصنعيته مقدم و اكتر من المعتاد و كل ده عشان واحد مش متخصص .
اما بخصوص ان الجراند شيروكي مليانة حساسات بالعبيط و ان الشيروكى مختلفة عنها فشكراً للتوضيح و اسف للاطالة

المشاركة الأصلية كتبت بواسطة ahmed_eng2001

فيه مواضيع كتيرة فى المنتدى بتتكلم عن الشيروكى موديل التسعينات ... و ده دليل كبير على نجاح العربية و انتشارها
أخى الفاضل أكيد طبعاً العربية ناجحة و منتشرة و قطع غيارها متوفرة جديد و استيراد محدش يقدر ينكر ده.

ميزة قطع الغيار ... ان فيها الاصلى و الهندى و الصينى و الكورى .... و كله شغال و بيركب
كله شغال اه بس العربيات دى يفضل ان مايركبش فيها حاجات صينى لانها هاتمرممطه مع المدى الطويل.

لكن قطع الغيار الاصلية الامريكية غالية شوية .... حكى لى جارى عن تركيب مسمار الدينامو التالف بمبلغ 70 جنيه !!!!! مسمار ب 70 جنيه ؟؟!! الصينى بتاعه ب 5 جنيه ... ركب يومين و اتكسر
لازم قطع الغيار الامريكى تكون غالية لانها معمرة اووووى و استيراد ، انا مصدق موضوع المسمار ده لانها حصلت معايا فى الخرطوم كان ب80ج و جبته مش اوريجنال 15ج و زى الفل شغال و إيطالى كمان.

بيركب على الشيروكى كشافات الدبابة المربعة الهندى .... و دى ب 30 جنيه ... و تجيبلها لمبة ب 20 جنيه
كشافها الاصلى ... كبس حنة واحدة باللمبة ....بس للأسف مش فاكر سعره كام .... و هكذا
شئ كويس جداً يعنى الواحد ممكن يدلع العربية بمبلغ صغير و هيديها شكل حلو اووى.

ميزة الشيروكى حجمها المعقول جدا ... و عيبها صغر حجم الكنبة الخلفية الظاهر .. و الموضوع ده ماشى على الليبرتى كمان

هى مقارنة بالفور باى فور صغيرة بس لو قارنها بالسيدان هتكون ضيقة بس مش صغيرة.

اخويه kantofanto كلامك مضبوط بس انا لما بروح اغير فيها شئ بلاقيه ارخص من عربيات كتير يعني مش هيه الغاليه ولا الرخيصه يعني مش اللي تقطم الضهر وكلامك مضبوط وبالنسبه للميكانيكيه فعلا فيه ميكانيكيه بهايم بس العربيه بسيطه خالص والله وانت لو فتحت الكبوت هتلاقيها واضحه وضوح الشمس وانا جربت فيها معظم الاعطال وتصليحها بسيط لانهت مش معقده ولا عايزه فحص كمبيوتر مقارنة بالعربيات التانيه وبرجع للكتالوج بتاعها باي شئ او المنتديات بتاعتها الكتير وان شاء الله بنزل الكتالوج بتاعها هنا علشان الكل يستفيد تقبل تحياتي

المشاركة الأصلية كتبت بواسطة megodahab

اخويه kantofanto كلامك مضبوط بس انا لما بروح اغير فيها شئ بلاقيه ارخص من عربيات كتير يعني مش هيه الغاليه ولا الرخيصه يعني مش اللي تقطم الضهر وكلامك مضبوط وبالنسبه للميكانيكيه فعلا فيه ميكانيكيه بهايم بس العربيه بسيطه خالص والله وانت لو فتحت الكبوت هتلاقيها واضحه وضوح الشمس وانا جربت فيها معظم الاعطال وتصليحها بسيط لانهت مش معقده ولا عايزه فحص كمبيوتر مقارنة بالعربيات التانيه وبرجع للكتالوج بتاعها باي شئ او المنتديات بتاعتها الكتير وان شاء الله بنزل الكتالوج بتاعها هنا علشان الكل يستفيد تقبل تحياتي

أخى الفاضل megodahabانا بشكر حضرتك على المشاركة الجميلة دى ، اكيد طبعا مش غالية ان لما لاقيت كوبلن بمبلغ 13000ج لعربية و واحد تانى بمبلغ 2050 ج عرفت ان قطع الغيار اللى بنكلم فيها دى بتاعت عربيتنا مش غالية و لا تقطم الضهر زى ماحضرتك قولت، انا واثق ان الميكانيكا بتاعتها مش معقدة و متاكد ان فى ميكانكيا بتشغل فيها بس اهم حاجة الدماغ ، يعنى انا مثلا سألت اللى اشتريت منه العربية مين الميكانيكى بتاعها ؟و قاللى ميكانيكى مش متخصص فى فورد بس بيصلح العجل العالى و دماغه عالية اوووى،،فهو الموضوع موضوع دماغ و نتيجة لخبرة حضرتك و دماغك الحلوة فبالتالى بتعرف تتعامل مع عربيتك. و جزائك الله خيراً