شراء فارغة ام طقم عمرة صينى

**ahmedvaio** · 21-07-2014 10:22 PM

السلام عليكم و رحمة الله احبائى اعضاء نايل موتورز و قسم فيليشيا و فيفوريت

صوت الموتور عندى عالى شوية مش كتير يعنى لكنى باحس ان فيه رنة زى مواتير الجاز .. و الزيت بينقص عندى حوالى كيلو فى ال 1000 كيلو متر , و على فكرة مافيش تسريب زيت و الدخنة من الجكمان غير ملحوظة بالمرة الا لو دققت فيها , مغير من فترة ترسين و كتينة و التاكيهات مظبوطة على 25 , سألت اكتر من ميكانيكى قالولى ان ده بنز البستم بيرزع و كان الحل للمشكلة دى انى اجيب طقم عمرة ( شمايز و بساتم و شمبر و البنوز ) سألت على الطقم لقيت بس الصينى و سعره اقل من 500 جنيه لكن النصيحة كانت انه مش هايستحمل
و نصيحة الميكانيكى اننا ممكن نشترى فارغة كاملة بالكرنك و الشمايز و البساتم (النصف السفلى للموتور) و نقوم بتغيير الشمبر فقط مع العلم انى مغير وش السلندر من حوالى سنة و هو بحالة جيدة و من الممكن صيانته فقط
بالنسبة لتسقيط موتور الميكانيكى قاللى احنا كدة اضمن لنا الفارغة قدام عينينا و وش السلندر احنا عارفينه

ايه بقى رأيكوا فى الفكرة دى و يا ريت لو حد يعرف سعر الفارغة بالتقريب لانى مسألتش عليها

و لكم جزيل الشكر

**sakr_skoda** · 21-07-2014 11:02 PM

المشاركة الأصلية كتبت بواسطة ahmedvaio

السلام عليكم و رحمة الله احبائى اعضاء نايل موتورز و قسم فيليشيا و فيفوريت

صوت الموتور عندى عالى شوية مش كتير يعنى لكنى باحس ان فيه رنة زى مواتير الجاز .. و الزيت بينقص عندى حوالى كيلو فى ال 1000 كيلو متر , و على فكرة مافيش تسريب زيت و الدخنة من الجكمان غير ملحوظة بالمرة الا لو دققت فيها , مغير من فترة ترسين و كتينة و التاكيهات مظبوطة على 25 , سألت اكتر من ميكانيكى قالولى ان ده بنز البستم بيرزع و كان الحل للمشكلة دى انى اجيب طقم عمرة ( شمايز و بساتم و شمبر و البنوز ) سألت على الطقم لقيت بس الصينى و سعره اقل من 500 جنيه لكن النصيحة كانت انه مش هايستحمل
و نصيحة الميكانيكى اننا ممكن نشترى فارغة كاملة بالكرنك و الشمايز و البساتم (النصف السفلى للموتور) و نقوم بتغيير الشمبر فقط مع العلم انى مغير وش السلندر من حوالى سنة و هو بحالة جيدة و من الممكن صيانته فقط
بالنسبة لتسقيط موتور الميكانيكى قاللى احنا كدة اضمن لنا الفارغة قدام عينينا و وش السلندر احنا عارفينه

ايه بقى رأيكوا فى الفكرة دى و يا ريت لو حد يعرف سعر الفارغة بالتقريب لانى مسألتش عليها

و لكم جزيل الشكر

بلاش العمرة ووجع الدماغ والنتيجة مش مضمونة:

اشترى شورط بلوك كامل متقفل وسعرة فى حدود 1500 جنية انزل بور سعيد وخد معاك الميكانيكى علشان ينقى حاجة كويسة وخلى بالك حتحتاج تثبت الموتور الجديد على الرخصة انا شخصيا عملت كدا***

**sakr_skoda** · 22-07-2014 07:19 PM

المشاركة الأصلية كتبت بواسطة ahmedvaio

استاذ صبحى كل سنة و انت طيب .. هو انت قصدك البلوك كامل اللى هو النصف السفلى بمشتملاته بدون وش السلندر ولا انت قصدك حاجة تانية .. و شكرا لردك

وانتا طيب اخى الكريم ****

هو دا قصدى مهو متى نشترى فارغة فقط دا بيحصل لو حصل شرخ فى الفارغه نفسها فنشترى فارغة الموتور وتركب فيها الكرنك ومشتملاته كانك بالظبط بتعمل عمرة كاملة وبخت يابو بخيت نفس المشكلة النتيجة مش مضمونة فوق كدا حتثبت موتور جديد فى المرور بتغييرك الفارغة والتكلفة يااااااااااااااهو حتزيد عن 2000 جنية انما تشترى شورط بلوك (هو اسمة كدا )استراد متقفل بكافة مشملاتة ويدوبك تركب وش السلندر ومحتوياته ودوس بنزين اجرى على طول***

**المنسي** · 23-07-2014 03:10 PM

الميكانيكى ده برنس جاب من الاخر وشكله راجل فاهم
عارف ليه علشان كان ممكن لبسك فى موتور كامل وهوووووب بعد اسبوع تلاقيه عايز يترمى
الافضل فعلا انك تجيب شورت بلوك ويظبط وش السلندر عليه
تقبل تحياتى

**حسن محمود احمد** · 27-07-2014 12:55 PM

اولا كل سنة واعضاء القسم الكرام بالف خير
ثانيا انا باحسدك ياعم احمد مين يطول ان الحاج صبحي والاستاذ منسي يدخلوا ورا بعض في مشاركات بطريقة هات وخد ويثرو موضوعك بهذه الطريقة ارجوا منك العمل بهذه النصائح وكذلك الاخ زيزو بتاع البحيرة علي ما اعتقد ان عنده مشكلة نفس مشكلتك وهما برضه ردوا عليه رد شافي
ثالثا الميكانيكي ده اين ورشته لان من كلامك كده انا با تشبه عليه بما انك من الاسكندرية

**ahmedvaio** · 27-07-2014 09:43 PM

و انت طيب و بخير يا استاذ حسن و الاخوة الافاضل .. و الله انا فعلا محظوظ بلاستاذ صبحى و الاستاذ منسى و بحضرتك طبعا و الكلام ده و الله بدون اى مجاملة و كمان عشان ماننساش الاستاذ وليد و الاستاذ احمد جودة و بقيه اعضاء القسم الافاضل خوفا من النسيان و الله لا اظن انهم يدخرون اى جهد لمساعدة اخوانهم فى القسم و لذلك اتقدم بجزيل الشكر لجميع الاعضاء عنى و عن كل من تمت مساعدتهم فى هذا القسم و هذا المنتدى
اما الميكانيكى ده اسمه شريف وورشته فى اول شارع شمال بعد ما تعدى مساكن شوتس و انت جاى من الساعة لباكوس و يا ريت لو حضرتك احتاجت اى خدمة و كانت فى مقدورى انك تقوللى

تحياتى لكم جميعا