عرض للطباعة
في اول مشوار كبير ليا بالعربيه من غمره الي اكتوبر وان ماشي علي المحور العربيه سحبت مني لل120 كم بس مش كتير وبعدين بقيت ماشي مابين 90:100 كم الغريبه اني شميت ريحة زي ما يكون كاوتش بيتحرق مرتين مره وانا في اول المحور وكنت ماشي تقريبا 80 ومره وانا ماشي 120 مع العلم ان العربيه لسه عامله 200 كم بس . من فضلكم كنت عايز اعرف ده ممكن يكون سببه ايه؟
وبرضو سؤال تاني معلش انا مكنتش اعرف اني ما شغلش التكييف غير بعد1000 كم وشغلته بمجرد ما خرجت من المعرض وبعده 3 او4 مرات هو ده فيه غلط ع الموتور .اسف للاطاله
لا مفيش حاجه ده غالبا ريحة مواد معينه عملت الريحه دي بسبب سخونة المحرك و غالبا مش هتكرر كتير و ده دايما بيحصل في العربيات الزيرو جمد قلبك
حصل معايا كدة لما جبت العربية و متكررتش تانى
لا تقلق بس انت في فتره التليين بلاش تقرص جامد علي الموتور بالذات مع التكييف
يا سلااااام ربنا يطمن قلبكاقتباس:
المشاركة الأصلية كتبت بواسطة hany63
ربنا يطمنك طمنتنياقتباس:
المشاركة الأصلية كتبت بواسطة hany63
انا عربيتى ماشية 250 كيلو
و فيها الريحة دى عادى جداً علشان لسه جديدة
171000 شكراقتباس:
المشاركة الأصلية كتبت بواسطة rafikesmat
طب معلش استشاره تانيه انا دلوقتي عامل حوالي 250 كم وباذن الله مسافر 15/8 مطروح هل الاقضل احاول اعمل صيانة الالف قبل ما اسافر ولا اخليها لما ارجع ان شاء اللهاقتباس:
المشاركة الأصلية كتبت بواسطة hany63
لسه بدرى ياباشا خليها لما ترجع
الرائحة ديه عادية لانها جديدة
التكييف يشتغل عااااااادي جدا من اول ما تستلمها
صيانة الالف ديه براحتك لانها مش مهمة طالما ما ظهرش عندك مشكلة
اقتباس:
المشاركة الأصلية كتبت بواسطة wedagad
مفيش أي مشكلة إن حضرتك تشغل التكييف في فترة التليين
الكلام ده كان ممكن أصدقه من 30 - 40 سنة.. إنما دلوقتي.. دي بقت معلومات قديييييييييمة قوي
أنا شخصيا وأنا باستلم العربية من التوكيل وكانوا لسه بيركبوا النمر عليها .. أول حاجة عملها الموظف اللي سلمهالي إنه شغل التكييف
ده علشان إيه؟؟
علشان يشيلوا فكرة إنك ما تشغلش التكييف إلا بعد مدة معينة
ﻻ وإيه... أكدوا عليا إن أول صيانة بعد 5000 كيلو... مش 1000 زي ما الناس متعودة
...
ونصيحة مني
حضرتك دافع مبلغ مش قليل في العربية.. فعلشان ما تعملش حاجة غلط ممكن تسبب مشاكل في حاجة غالية زي دي.. ياريت تعمل حاجة واحدة
ضيع من وقتك ساعة واحدة واقرا الكتالوج..
وبالذات.. أول 20 صفحة.. وآخر 20 صفحة
...
متقرصش على الموتور ولو اضطريت تقرص عليه او تسحب بالعربية يعني بلاش فجأة
وبلاش استخدام الفرامل بشكل مفاجئ ولا استخدامها اثناء النزول من على كوبري مثلا لو في حالة الضرورة طبعا
الف شكر لحضرتك وياذن الله هاعمل كدهاقتباس:
المشاركة الأصلية كتبت بواسطة borio1704
بخصوص رائحه ال شمتها ذى ما الاعضاء قالوا مفيش منها مشكله ان شاء الله
بخصوص الصيانه يفضل تعملها قبل السفر لانك مسافر يوم 15/8 ذى ما مكتوب يعنى تقريبا ب 25 يوم من الان هتعمل حوالى 300 كيلو على اقل تقدير خلال المده دى مثلا يبق انت عامل بالعربيه حوالى 500 كيلو مثلا وهتسافر مطروح وهترجع هتكون عامل 1300 كيلو مثلا اعتقد انه كتير على صيانه الالف علشان كدا بقولك اعملها قبل السفر
بخصوص التكييف ذى ما الاعضاء قالو مفيش اى مشكله ان شاء الله بس انا بقول لكل اصحابى المشكله ان العربيه مش بتلين المسكله انك انت ال بتلين مش العربيه بمعنى انك لسه بتاخد على العربيه وبتاخد على ابعاد العربيه علشان كدا تكون السرعه متوسطه علشانك انت قبل العربيه
وربنا يباركلك فيها ويكفيك شرها وتاخد خيرها ان شاء الله
انا شاكر اهتمام حضرتك الف شكر علي النصيحهاقتباس:
المشاركة الأصلية كتبت بواسطة احمد المصرى
ملحوظة مهمة في التليين
التليين مش المقصود منه إن حضرتك تمشي 1000 كيلو بسرعه هادية
التليين المقصود منه كمان إنك تستخدم العربية الاستخدام العادي بس بدون قرص على العربية
أحد الحاجات اللي دايما بينصحوا بيها في الكتالوجات إنك تستخدم كل غيارات الفتيس وبشكل منتظم خلال فترة التليين
مع احترامي... مشوار مطروح ده لو حضرتك قاصد بيه إنك تخلص ال1000 كيلو بتوع التليين.. فحضرتك كده بتلين الموتور بس
مش العربية
أفضل تليين للعربية إنك تمشي بيها في أماكن زحمتها متوسطة .. ويكون عندك مشاوير جوه المدينة وعلى الطرق السريعة حواليها ( زي الدائري مثلا ).. ومفيش مشاكل إنك تضغط على البنزين شوية زيادة بس بشرط واحد....
إنك ما تخليش الدوران بتاع الموتور يعدي ال3000 rpm
كل اللي بقولهولك ده مكتوب في الكتالوج على فكرة.
...
ده كلام مقنع جدااقتباس:
المشاركة الأصلية كتبت بواسطة borio1704
مبروك العربية و متقلقش حصل معايا كده فى الاول... عموما ممكن تسال فى التوكيل مع صيانه الاف
عادي جدا اول ماجبت الاوبترا والبيجو حسيت بيهم و خاصه ناحيه العجل والكبوت
الف شكر لحضرتكاقتباس:
المشاركة الأصلية كتبت بواسطة د.عماد صلاح