ياجماعة انا حاسس ان اختيار العربية اليومين دول بقى اصعب من الجواز.....من فترة كنت بفكر فى الاوكتافيا ولا الكورولا....و بعدين استقريت على تويوتا...بس شوفت الاسبورتاج...لقيتها حلو...فا مش عارف انو رايكم ايه.....
تويوتا ولا سبورتاج؟؟؟؟
عرض للطباعة
ياجماعة انا حاسس ان اختيار العربية اليومين دول بقى اصعب من الجواز.....من فترة كنت بفكر فى الاوكتافيا ولا الكورولا....و بعدين استقريت على تويوتا...بس شوفت الاسبورتاج...لقيتها حلو...فا مش عارف انو رايكم ايه.....
تويوتا ولا سبورتاج؟؟؟؟
سبورتاج ركوبة تانيه خالص عن الكورلا انا بصراحة لو مكانك اختار سبورتاج من غي تفكير وربنا يوفقك في الخير ان شاء الله
انا باحب اﻻسبوتاج اكتر وده برده مايمنعش احترامي للكورولا الكلاسيكيه
انا بس عايز اعقب ع كلمه كلاسيكيهاقتباس:
مايمنعش احترامي للكورولا الكلاسيكيه
من اول 2014 الكورولا مبتقتش زى زمان كلاسيكيه بدليل حاجات كتير اوى زادت فى الكورولا
1 - شكلها الشبابى العصرى
2 - زيادة عوامل الامان بيها من فرامل abs - abd -ba
3- وجود خاصية الثبات الالكترونى ESP
4 - 7 ايرباج فى الفئة الهاى لاين و 2 فى الفئة الفول ابشن
5 - اسمارت كى ودخول زكى فى فئة الهاى لاين
6 - خاصية الركن الذاتى او التلقائى Auto park
7 - خاصية hill assist
8 - حساسات فى الاكصدام الامامى والخلفى
9 - كاسيت تاتش وكاميرا خلفية ونافجيشين فى الفئة الهاى لاين
10 - خاصية follow me home
11 - شكله التابلو الجديدة والاضاءة الزرقاء والطارة المالتى فنكشن
12- سخانات فى الكراسى فى الفئة الهاى لاين
كل الاشياء دى خلت الكورولا تتخلى عند مبدا الكلاسيكيه المعهود من زمان عليها
وانا لو مكانك اخى الكريم شهادة لله ليس لانى املك السياره
هات تويوتا كورولا 2015 فهى سياره تقتنى
والكلام دة من حد ركب السيارتين
تويوتا تتميز بالمميزات الى انا قولتها
الاسبوتاج تتميز ب انها SUV
دة راى الشخصى قد يتوافق مع البعض وقد يختلف
سبورتاج مختلفة تماما شكلا و موضوعا
المواصصفات اللي حضرتك قولتها والمميزات دي جميلة جدا ما شاء الله بس انا شايف ان دي مش حاجة نقدر نعتبرها اضافات من تويوتا في الفئة السعرية دي
بالعكس دي لازم تبقى موجودة والا العربية مش هيبقالها قيمة واضحة وسط العربيات اللي في نفس سعرها .. وكويس جدا ان تويوتا بدأت تعمل الاوبشنز دي في عربيتها هنا في مصر
سبورتاج
دى حاجة و دى حاجة
دى suv و دى سيدان
لو عايز عربية عالية هات سبورتاج لو الارتفاع و المطبات مش فارقة معاك هات كورولا
دايما بعتبر اللي بيقارن بين suv و سيدان ... مش عارف اصلا هو عايز اية من العربية ودة اول اسباب انة يخلية متردد و يكرة بشدة العربية الجديدة او يحبها بتعصب
بالنسبه ليا اركب سبورتاج ولو اول فئه
شكرا ليكم جميعا
علشان تكون مقارنه موضوعيه يبقى نقارن بين عربيتين فئه واحده مش واحده سيدان و التانيه suv
المقارنه بالشكل ده معناها ان المقارنه بالسعر فقط و لو زاد السعر شويه نضيف عربيه كمان cc مثلا و هكذا
لو حضرتك عايز تتخلص من الحيره حدد الأول حضرتك عايز ايه من العربيه و اعمل زى جدول مقارنه و ممكن تضييف عربيات تانيه غير الـ 2 دول و بعد كده شوف اكتر عربيه فيها اللى حضرتك عايزه
مثال
ساكن او بتشتغل فمكان الطرق فيه مش كويسه و كلها مطبات فا محتاج عربيه عاليه
بتسافر كتير و عايز عربيه مريحه فالسفر
محتاج كماليات معينه
لازم يكون فيها عوامل امان
قطع غيار و اسعار اعاده البيع
و هكذا
و بالتوفيق ان شاء الله فأختيار السياره المناسبه
في رأي العربيتين محترمين جدا بس دي دماغ و دي دماغ تانية خالص ، في ناس مش بتستريح للكروس فانا شايف تقولنا متطلباتك من العربية عشان نفيدك اكتر.
المقارنة ممكن تبقي سيراتو كورولا ، سبورتاج قشقاي ، سبورتاج ix35 كدة يعني لكن لومقارنة عشان سعر قريب يبقي تقولنا متطلباتك
سبورتاااااج طبعااا
سبورتاج
العربيه المرتفعه ميزه في مصر
أنا شايف في الوقت الحالي مفيش أي مانع نقارن عرببتين مختلفتين
زي سيدان و suv الأختيار في حد ذاته بين الفئتين دول بقي محير جدا خاصتا الأسعار قربت من بعض
ولاكن يا صديقي أرشح لك السبورتاج سيارة العصر
السبورتاج تتميز بأنها suv
والكورولا تتميز بأنها تويوتا
إنت الوحيد اللي تقدر تقرر، إركب العربيتين وشوف
لو أنا حختار سبورتاج
هتعمل اية بالعربية ؟
سفر و لا جوا البلد ؟؟؟؟؟
بالنسبة ليا سواء ده او ده هجيب الكورولا
الاسبورتاج في السفر اعلي و اريح .... لكن هل 1600 كفاية عليها ؟
خش شوف مقارنات بينها و بين هيونداي i35 بالمرة
برغم قوة الكورولا
بس هنا اميل للكيا لانها وضع مختلف
باشا مش تحير نفسك كتير التويوتا كورولا محدش يختلف عليها فى مصر و لا برة مصر نهائى فهى أسم له تاريخ طويل و شهرة عالية و كفاية انها يابانى و انا عن رائى الشخصى و ليس تحيزاً التويوتا افضل .
لو حضرتك و انت رايح شغللك و مشاوريك فى شوارع مكسرة و مطبات و اماكن شعبية يبقى الانسب لحضرتك طبعا عربية عالية زى السبورتاج
اعتقد اللي خلي حضرتك تقارن بينهم مش السعر بس, السياراتين منتشريين بشكل كبير, الاتنين محافظين علي سعر اعادة البيع وقطع الغيار متوفرة, واعتقد ان ده اللي خلاك تفكر تقارن بينهم علشان نبسط الموضوع خلونا نقارن النقطتين دول منفصلين عن باقي المزايا والعيوب:
1- سعر اعادة البيع
2- قطع الغيار