عضو جديد ناوى يشترى صنى يسألكم بعض الأسئلة

**samermath** · 18-10-2008 04:18 PM

اولا السلام عليكم اعضاء المنتدى الكرام
اود ان اشكركم جميعا على هذا المنتدى الرائع فى المعلومات وبالاخص المهندس سبعاوى وانا بإذن الله افكر بجدية شراء نيسان صنى Ex-sallon اوتوماتيك علما بأن معى الآن هيونداى اكسنت 1500 سى سى موديل 2000 مانيوال والحقيقة عايز اعرف شوية حاجات :
1- اذا كان استهلاك الصنى الاتوماتيك 200 كم فى الصفيحة(20لتر) فهل هذا مناسب ؟! ام قليل جدا
2- مسألة ضيق الصالون (الكنبة الخلفية) مؤثرة ام لا يعنى اوسع مثلا من الاكسنت ولا اضيق
3- عفشتها اقوى من الاكسنت ولا اضعف انا بصراحة كنت بفترى فى التحميل على الاكسنت وما بتقولش لأ
4- حكاية العفشة الناشفة يعنى انشف من الاكسنت متعبة يعنى ولا لأ
اشكركم جدا وارجو الردود ............

**ouba2** · 19-10-2008 01:53 AM

انا شايف الاستهلاك للبنزين كويس انما الباقي مش هافتي فية

**zizophone** · 22-10-2008 07:17 AM

اولا يا باشا مهما كان ماينفعش تقارن الاكسنت بالصني,صدقني في فرق جامد جدا .و بالنسبة للبنزين انا معرفش , بس انا معايا صني 2003 و العربيه دي تحفة و جميلة جدا ,, انا معرفش اوي ايه نظام الجديد و التقفيل المصري,, بس غالبا الاجزاء المصنعة في مصر ملهاش علاقة باداء العربية.
اولا العلربيه دي مريحه جدا في السفر و في الزحمه و يمكن محدش يصدق حتى لو حلفتلو انها مريحه اكتر من الكورولا و الانسر .. الثبات رائع .. انا اخري بيها كان 160 و مكنتش حاسس و انا اصلا مبحبش السرعه .. و السحب مع التكييف مش وحش بس ده كان في ال 1300 و اكيد في فرق جامد في ال 1600 .و العربيه برضو فراملها ممتازه و انا بقول كده علشان موضوع الفرامل ده مهم اوي بالنسبالي.
المشكله الوحيده مع العربيه دي بالنسبالي كانت ان العربيه واطيه اوي و بتحك في اي مطب ,, بس ده يمكن علشان انا كنت في الاقاليم و مكنتش بحس بالمشكلة دي داخل القاهره اوي ..
اما بالنسبة للعفشه ناشفه ولا لا , اولا انا مفهمش الموضوع ده بس عموما العربيه مبتحسش فيها بالمطبات و الثبات بتاعها جامد..
و برضو موضوع الحككان في المطبات مش مؤلئ اوي علشان عندي العربيه اتبهدلت حك و تقريبا مظبطش ال الافيز "كاوتش بيبقى شايل الشكمان " غير مره واحده , اما غير كده معملش اي مشاكل , بس المهم تاخد الحكه بالراحه و تحاول تعررض علر قد ما تقدر.
انا برضو سمعت نا س قالولي ان عفشة الصني الجديده مش حلوه , بس مش عارف علشان العربيه بتحك في المطبات ولا علشان العربيه ناشفه.
و ارجو اكون افدتك و لو بحاجه بسيطه