الناس جرى ليها اية ؟مصر دولة فاتشلة ولا الناس اتسعر

فى خلال يومين بمنطقة عين شمس
ركنت العربية فى شارع جانبى
اولا واحد رمى على العربية اسمنت بمية (مونة) قلت حصل خير
بعدها سيبت العربية وجيت ماشى الاقى فردة على الارض واحد ابن حرام (ربنا ينتقم منه)حاطط مسمار 10 سم فى الكوتش وواحد ابن ستين ك .... كان قاعد وانا بدعى علية يقولى محدش عمل حاجة وانت صايم بلاش تدعى
يعنى انا صايم وعمال اغيلر الكاوتش وبلاش حتى ادعى وابن الحرام مكانش صايم وانت عارفة ملعون ابو الى ج...؟

تانى يوم فى شارع تانى فى عين شمس واحد ابن حرام رمى كباية شاى تقيلة مليانة تفل على العربية
وفى سوبر ماركت صاحبة قالى ان صاحب البيت اللى راكن جنبة كان هيلعب فى الكوتش ويفسية بس قالة حرام (والدنيا واسعة جدا وتاخد يجى 5 عربيات

فى نفس اليوم جاى اركن جنب كشك فى منطقة القصر العينى الاقى واحد ابن حرام (غير الاولانى ) هههه حاطط حاجات فى الشارع بطول 5 متر وواخد من عرض الشارع بتاع 2 متر بيقولى دا مكان اكل عيش اعمل فى امة اية؟

بعدها فى منطقة تانىة نفس الحوار جزار ابن .... وانتو عارفين بقى الباقى هههههههههه واخد يجى 3 متر وابن الجعانة المسعور دة مش عايزنى اقف شوية مش اركن بعد الجزء واضع ايدة عليها كمان.


نفسى اعرف فين جهاز الفساد اللى اسمة شرطة؟
فين الحرامية اللى بتاخد مرتباتها علشان تنظم الشارع وتحمى الناس؟

الناس اتسعرت ولا اية؟

انا فى خلال يومين انتمائى للبلد دى بقى فى مهب الريح
حسبى الله ونعم الوكيل فى اى حد بياخد مرتب فى البلد الفاشلة دى ومبيشتغلش

طول ما الشارع فى البلد دى بالمنظر دة لا رئيس سوسو ولا غيرة يلزمنى...

والله معاك حق

الناس بقت اخلاقها تحت الارض

ولو الشرطة شدت حيلها ولمت البلاوي و عملت مخالفات للناس دي او حبس ... الناس ترجع تقول الداخلية بلطجية و البلد رجعت للحرامية و الافلام دي

شرطة ايه بس ... احنا بقه عندنا أزمة أخلالالالاق
وبجد البلد كل مادى في النازل .... والاخلاق كل مدى اوسخ من اول. مش عارف اقول ايه بس دي مش عيشة ولايمكن الحال يستمر على كده. ... لو كل واحد يفتكر ان الشارع ملك ابوه طيب. العربيات دي كلها هتركن فين !

بقه كل متر في شوارع مصر مليان مشاكل ... مشاكل مشاكل ومشاكل وبلطجة وقلت ادب ووساخه وتجرمه ... ده انا حتى كنت في مرور بين السريات واد بلطجي عاوز ٥ جنية تمن الوقفه ... بجد لايمكن الواحد يكون سعيد بالعيشة دي ولا دي أصول ولا دي هتبقى حياة .

للاسف عندنا ازمه اخلاق...مش كل سلبيه نرميها على الشرطه على سبيل المثال لو ظابط واقف فى اشاره وبيدى مخالفات الناس هتمشى ملتزمه .. ولو مشى الظابط الناس هتخالف السير .. هل العيب فى الظابط لانه مشى ولا العيب .. فى اخلاق الناس اللى بتخاف من العقوبه بس . يعنى ميعرفوش يعيشوا من غير العصايه ..

لا بس برضوا يا طارق باشا ... الشرطة لاتعفى من المسؤولية. لان الشرطة واجبها مش بس القبض على المجرمين ولكن دورها تمنع حتى وقوع الجريمة وبتقوم المجتمع .

يعني هقول لمعاليك حاجة في السعودية. في حاجة اسمها دوريات (( عربيات اتاري بتعدي باستمرار )). لو شافوك مثلاً ماشي بالعربية. في خانت الشمال ببطئ. بيوقفوك بالقوة ويدوك محاضرة. اخلاق ... لو شافوك مثلاً واقف ومعطل الطريق وهو بيكتبلك. المخالفة بيديك درس في الاخلاق. ويعرفك خطورة تصرفك ان بسببك وبسبب استهتارك عطلت الدنيااااا ولان حضرتك عطلت الدنيا ممكن تكون عربية اسعاف معدية ومعاها حالة حرجة وبسبب اهمالك وتسيبك. ماتت الحالة ... الي ممكن يكون رب اسرة بيصرف على عيالوا ووبعد ميموت وعيالوا يتيتموا. مايلاقوش حد يصرف. عليهم ويتشردوا وكل ده بسبب ان حضرتك واقف صف تاني. وعطلت الطريق. فتصور شااايف قد ايه بتاخود توبيخ منهم وبهادل. ... والله العظيم ووالله العظيم. يبقى نفسك تقولوا يا اخي خود الفلوس الي انتا عاوزها واعفيني من التوبيخ. عارف. بيخلي الانسان المخطء عيل صغيررررررررر قداموا وويوبخ ويبهدلوا.

بيوقفوك بره لمجرد انهم ينصحوك ويدوك دروس. وكده صح وكده لا يصح ... ولا يجوز. ... فبالتالي هما اتقدموا واحنا. اسم الله علينا اسم الله بقينا نفسي كويتشات عربيات بعضينا :) ... وتحياتي

فكرتني بالذي مضى لما كنت سكنت في شبرا اول ما تجوزت و فوجئت بان كل صاحب محل مش عايزك تركن قدامه عشان اكل العيش و وصلت البجاحه انه يحط عربيته قدام مدخل العماره و ممنوع اي ساكن طبعا يقف قدام المحل يا اما تنزل تلقى الكاوتش على الارض و مفيش اي خصوصيه كل الصيع قاعده قدام المحلات عمالين يبحلقوا في الداخل و اللي خارج لقيت نفسي قدامي حاجه من اتنين يا ارتكب جريمه يا ابقى في حالي و ده صعب قدام الاستفزازات
قمت معزل في عماره بجراج و منطقه هاديه عشان ما اشوفش الاشكال دي

طالما ما فيش نظام بيطبق على الكبير قبل الصغير وكل واحد بيعمل اللى يقدر عليه ..هنشوف بلاوي وربنا يسترها

فكرتني ايام زمان، كان في جزار تحت بيت الوالد ودايما عامل مشاكل مع كل سكان المنطقه علي الحواجز للركنة، وسعات في الاعياد كان بيفرش نصبة تسد الشارع وهاتك يا دبايح ودم ودبان في كل حته..
مرة كنت بزور الوالد وشفت خناقة بين يجي ٨ او ١٠ حتى من اهالي المنطقة و دخلولو المحل واتنين كسرولوا الحواجز اللي كان حاطتها وقالولو لو عاوز تاكل عيش هنا، احنا هنسيبك تاكل بمزاجنا، انما حواجز وكلام من ده يبقي قابلنا لو عرفت تبيع كيلو لحمة واحد، ومن ساعتها اتعدل وبقى حتي يخاف يرد السلام حتى لا ياخودلو علقة تانية .
الظريف اني كنت كل ما اروح ازور الوالد الاقي مكان ركنة قدام نفس محل الجزار ده ...
للاسف العالم دي ماتجيش غير بلوي الذراع والتهويش

احنا بنشوف الاسهل اننا نرمى المشكله على الحكومه او الداخليه
يعنى نمشى ضابط ورا كل واحد ماشى فى الشارع يقوله خطأ- مخالفة - محضر - مقبوض عليك . !!!!!
وننسى ان الاصل ان كل واحد يمشى قانونى ويحترم نفسه و الناس ويخاف ربنا .
وان المخالفين دول قلة والاغلبيه ماشيه صح ....
وعمرنا مانقدر نصلح حالنا لو حسينا ان كل واحد مخالف عاوز ضابط يراقبه .
الاصل فى كل مشكلة احنا .. ومش هاتتحل غير بينا احنا ..

ناس كتير اتربت على اللى تغلبه العب به
كام واحد كان قاعد جنب ابوه فى العربية و شافه و هو بيمشى عكس و لا بيكسر اشاره و لا بيرمى حاجة من شباك العربية علشان كده بقى زيه لما كبر و يمكن اكتر
كام واحد بيربى ابنه على الاخلاق و الادب بالعكس ده اللى بيشوف ابنه كده بيخاف عليه ليتاكل و ما يعرفشى يمشى فى الدنيا و بيضربه على الشراسة و البلطجة
كام واحد فاكر ان الدنيا دى بتتاخد بالفهلوة و بالدراع و ما بيفكرش فى ربنا اللى ح يقف قدامه يوم القيامة و مش ح يروح لجنة او لنار غير ما يدفع اللى عليه و ياخد اللى ليه


النهاردة مثلا و انا سايق لقيت مطب جامد فى نص الطريق قمت مفرمل و حاولت اوسطنه فى نص العربية لقيت اللى جنبى داس فرامل جامد و بيهزقنى على اللى انا عملته قمت انا رادد عليه و مهزقه و قام مشوحلى و ماشى و انا دوست بنزين جامد و سبقته و رخمت عليه شويه و بعدين هديت بالعربية و استنيت لما بقى جنبى و فتحت الزجاج و بقوله بقولك و لسه ح اكمل لقيته بيقولى معلش حقك عليا فأنا كملت و قولت له انا اللى اسف و ماتزعلش و رمضان كريم و كل سنة و انت طيب و بعدين حسيت بالسعادة باللى انا عملته و اللى حصل ده

لا يمكن أن تعتمد على أخلاق الناس فى تطبيق القانون احنا لسه ماوصلناش لليابان أبدااااااااااا

لو القانون اطبق على الكبير و الصغير بمنتهى الحزم مع تغليظ العقوبات يبقى الناس حتتعدل و تلم نفسها
انما لما يكون فى مخالفة و الامين فلان بيتظبط و العميد فلان معرفة و الظابط اللى علانى خدمانه يبقى باظط
و برضه فى ناس بتبلطج من نفسها و لكن لو فعلا ناس قدمت شكاوي بتتلم
يعنى مثلا اللى انت قلت عليه كلها قانونا خالفة بنص قانون المرور و المحليات
و الحملات بتشيل بس بيرجعوا تاني عشان العقاب غير حاسم

جرب كده تبقى فى اي حتة بره و اعمل مخالفة حتلاقي العقاب مبالغ فيه عشان الناس تلم نفسها و يا تدفع يا تتحبس و ساعات الأتنين

اخوانى الكرام
كم اكون سعيد بمشارتكم واراءكم ووجهات النظر

لكن
القانون وجد لحفظ حقوق البشر
وحماية البشر
ووحفظ العلاقة بين الناس وبعضهم

بل ان فى الغرب توجد قوانين لكيفية تعامل البشر مع الحيوانات

مصر دولة فاشلة بالفعل (كلمة فاشلة فى الدول تعنى لا تطبق القانون)

حينما انقطعت الكهرباء عن افضل واغنى دولة واكثر الناس ثراء واعلى مستوى معيشة فى امريكا فى عز مجد امريكا
سرقت جميع المحال والمولات


الانسان بطبعة يميل لكسر القانون

نحن نملك العقل والشهوة وبدون قانون او نظام سيغلب الشهوة العقل

اما من رحم ربى فغلب عقلة على شهوتة فهو فى طريق الفضيلة

باختصار جهاز شرطة فاسد يساوى دولة فاسدة
اتمنى اعادة هيكلة جهاز الشرطة
اولا معملة الناس بمنتهى الادب ومعاملة المجرم بمنتهى القسوة
دروس فى واجبات رجل الشرطة

ولو السوسو معملش كدة يبقى الناس هتفضل تاكل فى بعضها

العدل اساس الملك ورجل الشرطة قاضى الشارع

اقتباس:

---

المشاركة الأصلية كتبت بواسطة ashouhdy

والله معاك حق

الناس بقت اخلاقها تحت الارض

ولو الشرطة شدت حيلها ولمت البلاوي و عملت مخالفات للناس دي او حبس ... الناس ترجع تقول الداخلية بلطجية و البلد رجعت للحرامية و الافلام دي

---

دى كانت معادلة مبارك
الامن ام الحرية
وكانت الشرطة هى العصاة الغليظة فى يد مبارك
الشرطة هى الشدة والسلطة والقانون امام الجميع تنصر المظلوم وتقدم الظالم لمحاكمة عادلة

http://nileup.com/up/uploads/nilemotors_14060799231.jpg


البعض يريد ان يحول هذه الدوله المنظمه الى فوضى!!

مكتوب عليكى يا بلد يحكمك اعمى وراه اعمى وراه كمان اعمى منكم لله

اخلاق الناس فمصر واحدة من اسباب هروبي للغربة ...

للاسف بقي منهج فالحياة هنا
وطبعا ماشين للاسوء

مش كل حاجه هنرميها علي الشرطة وحاد يملك الكاوتش الشرطة مالها واحد رمالك شاي الشرطة مالها
هيا الشرطة مسقوله تحط عسكري علي كل عربية
بس الشرطة او الحي مهمتي الناس الي فرشه قدام محلتها وبرده البلدية تمشي الناس تفرش تاني
العيب في الناس الناس اجننت
من كام يوم ماشي قبل الفطار وحاحد راكن في حاره وواحد تاني معرفش يعدي يعمل ايه لقيته نزل نيم عجله الراجل فرحتله وهوا بينم التانية يقولي مهوا قافل الحاره من هنا لهنا صاحب العربيه سمع صوتنا خصوصا اني كنت افلت علي عربيته بعربيتي وصاحب العربيه نزل كله علقه
فا العيب فينا

اقتباس:

---

المشاركة الأصلية كتبت بواسطة four 2014

مش كل حاجه هنرميها علي الشرطة وحاد يملك الكاوتش الشرطة مالها واحد رمالك شاي الشرطة مالها
هيا الشرطة مسقوله تحط عسكري علي كل عربية
بس الشرطة او الحي مهمتي الناس الي فرشه قدام محلتها وبرده البلدية تمشي الناس تفرش تاني
العيب في الناس الناس اجننت
من كام يوم ماشي قبل الفطار وحاحد راكن في حاره وواحد تاني معرفش يعدي يعمل ايه لقيته نزل نيم عجله الراجل فرحتله وهوا بينم التانية يقولي مهوا قافل الحاره من هنا لهنا صاحب العربيه سمع صوتنا خصوصا اني كنت افلت علي عربيته بعربيتي وصاحب العربيه نزل كله علقه
فا العيب فينا

---

والله يا فندم احنا لو فى دولة قانون وواحد لمس عربيتك حضرتك تروح تعمل محضر والشرطة المحترمة تجيب لك حقك وانت مستريح
واللى خرم الكاوتش وضرنى وكلفنى لو فية شرطة مكنش الناس اتسعرت وكل واحد عايز ياخد حق غيرة

ثانيا الشرطة مسئولة عن التواجد بالشارع حضرتك عديت كام مرة ومشفتش اى شرطة فى شوارع رئيسية
حضرتك شفت كام مرة شرطة واقفة بتتفرج على مشاكل الناس وعلى اللى سارق رصيف او جزء من الشارع
حضرتك فساد الشرطة مش محتاج حد يوضحة لان الشارع فى مصر بقى فوضى
الموقف اللى حصل مع حضرتك كان ممكن يتطور لان حد يموت حد نتيجة تقاعس الشرطة عن دورها

حضرتك مش عسكرى لكل عربية لكن عسكرى لكل شارع رئيسى بس عنده ضمير ودة موال تانى

اللى خرم لى الكاوتش واللى رمى شاى على العربية واللى رمى اسمنت ربنا ينتقم منهم وانا مش مسامح فى حقى ليوم الدين لانى ببساطة مضرتش حد

بإختصار
الدوله للأسف
لبن سمك تمر هندي

احمدوا ربكم ان لسة عندكم دولة

دة انت وسط دايرة محروقة دايرة نار ليبيا اليمن السودان سوريا العراق بقت دول مليشيات

محدش يتبطر عالنعمة احمدوا ربكم

اقتباس:

---

المشاركة الأصلية كتبت بواسطة ashouhdy

احمدوا ربكم ان لسة عندكم دولة

دة انت وسط دايرة محروقة دايرة نار ليبيا اليمن السودان سوريا العراق بقت دول مليشيات

محدش يتبطر عالنعمة احمدوا ربكم

---

الحمدلله
بس نتمني نبقي دوله متقدمه عادي زي الناس اللي عايشين

اقتباس:

---

المشاركة الأصلية كتبت بواسطة ashouhdy

احمدوا ربكم ان لسة عندكم دولة

دة انت وسط دايرة محروقة دايرة نار ليبيا اليمن السودان سوريا العراق بقت دول مليشيات

محدش يتبطر عالنعمة احمدوا ربكم

---

عندك حق! اللي يشوف بلوة غيره تهون عليه بلوته!!

الواحد بس كان نفسه يشوف البلد بشكل أفضل من كده في يوم من الأيام بس واضح أن منحنى الهبوط هيفضل نازل كده الي ما لا نهاية!!
الحمد لله على كل حال!..

البلد هتنضف غصب عنهم ان شاء الله

اقتباس:

---

المشاركة الأصلية كتبت بواسطة four 2014

مش كل حاجه هنرميها علي الشرطة وحاد يملك الكاوتش الشرطة مالها واحد رمالك شاي الشرطة مالها
هيا الشرطة مسقوله تحط عسكري علي كل عربية
بس الشرطة او الحي مهمتي الناس الي فرشه قدام محلتها وبرده البلدية تمشي الناس تفرش تاني
العيب في الناس الناس اجننت
من كام يوم ماشي قبل الفطار وحاحد راكن في حاره وواحد تاني معرفش يعدي يعمل ايه لقيته نزل نيم عجله الراجل فرحتله وهوا بينم التانية يقولي مهوا قافل الحاره من هنا لهنا صاحب العربيه سمع صوتنا خصوصا اني كنت افلت علي عربيته بعربيتي وصاحب العربيه نزل كله علقه
فا العيب فينا

---

طبعا الشرطة مسؤلة عن كل الانفلات فى البلد وهم عملوا كده متعمدين باسلوب التطنيش
يعنى لما واحد يخبطك بموتوسيكل من خلف عربيتك وانت واقف فى اشارة وتقوله موش تحاسب
يقوم ينزل واحد تانى معاه ويشدك من قميصك من شباك العربية بقلة ادب وعسكرى المرور واقف بيتفرج
لما ناس كتير تموت وتتقل عينى عينيك وكنا بنشوف البلطجية بيضربوا المتظاهرين وهم متقدمين وبحراسة رجال الشرطة تبقى منتظر ايه بعد استباحة القتل لاتفه الاسباب وتحت نظر وحماية الشرطة
تصور حضرتك دخلت اصلى فى جامع سيدنا حمزة وركنت عربيتى وسط العمارات وهى مدينة سكنية شوارعها واسعة جدا جدا خرجت بعد الصلاة لاجد واحد ابن حرام ضرب بمطواة فردتين كاوتش من جانب واحد ولم يمر عليهم سنة يعنى لسه جداد طيب تفسر ده بايه الناس خلاص استهانت بكل حاجة لعدم تطبيق العدالة على الجميع مع ترك معاقبة المخطىء لانه عارف ان مفيش حد راح يحاسبه لاشرطة ولا قضاء شامخ خلاص انعدم الضمير والاخلاق والقدوة الحسنة الشريف بقى الحيطة المايلة فى البلد دى ربنا يرحمنا برحمته

مصر اصبحت خطرا علي السلامة النفسية والعقلية لمواطنيها

فعلا ربنا يكون في عون المصري

ويخرجنا منها علي خير

يارب لا تحرمنا لذة النظر الي ارض المطار وانا علي سلم الطيارة في رحلة ذهاب تضمن شرط عدم العودة

اللهم امين

اقتباس:

---

المشاركة الأصلية كتبت بواسطة khaloooda

مصر اصبحت خطرا علي السلامة النفسية والعقلية لمواطنيها

فعلا ربنا يكون في عون المصري

ويخرجنا منها علي خير

يارب لا تحرمنا لذة النظر الي ارض المطار وانا علي سلم الطيارة في رحلة ذهاب تضمن شرط عدم العودة

اللهم امين

---

امين