ما هى افضل شركة انترنت فى مصر ( استفتاء )

ما هى افضل شركة انترنت فى مصر ( استفتاء )
Etisalat
LINKDSL
TE Data
Vodafone
شركة اخرى

فودافون دون منافس

بما ان حضرتك لسه مسجل ودى اول مشاركه ليك
احب اقولك ان بالسرعات العبيطه والاسعار
المفروض الاستفتاء يكون افضل شركه بتسرق العميل فى مصر
هو اللى عندنا ده انترنت للاسف شويه حراميه عاملين شركات بيمصوا دم العملاء

TE DATA بس اظبط التوصيل ع الكابل الرئيسى اللى داخل الشقه والخدمه هتبقى زى الفل مع روتر D-Link

افضل فيه اية
الباقات واحده اساسا
ودعم الفني في نفس المستوى

noor adsl

كلهم شركات زفت الزفت و انت و خظك بقى لو السنترال كويس النت حيبقى كويس و عموما انا مشترك مع اتصالات و هم ارحم من تي اي داتا و لنك و فودافون

كلهم بصراحة زي الزفت
وكلهم تخصص نصب وسرقة وضحك علي العميل

اقتباس:

---

المشاركة الأصلية كتبت بواسطة طارق _عبد السلام

بما ان حضرتك لسه مسجل ودى اول مشاركه ليك
احب اقولك ان بالسرعات العبيطه والاسعار
المفروض الاستفتاء يكون افضل شركه بتسرق العميل فى مصر
هو اللى عندنا ده انترنت للاسف شويه حراميه عاملين شركات بيمصوا دم العملاء

---

اي والله صدقت يا استاذ طارق... انا بدفع ١٤٠جنيه في الشهر و النت ماشي زي السحلفة

كلهم زى الزفت

الشركات بتاعت الانترنت عندنا عاملة زي الاثار (تحف)

شوف الناس في الكوكب التاني الي اسمة امريكا عندهم ايه

FiOS Quantum Internet - Fastest Internet | Internet Speed Test | Verizon Official Site


السرعات 25 / 50/ 75 ميجا
والاسعار 50 / 60 / 70 دولار

وبيقولك تنزل فيلم HD مساحتة 5 جيجا في 9 دقائق .

وطبعا دي السرعات التعبانة عندهم (تقريبا بتاعت الفقراء)

عندهم كمان 150 /300 / 500 ميجا
بتنزل الفيلم ال HD في دقيقة واربع ثواني :crying2:

والاسعار شاملة الضرائب

فودافون بس قبل اخر اسبوع انسي اليوتيوب وكانك راكب سلحفة

هي السرعة بالدرجة الأولى بتعتمد على السنترال المتقدم عليه الخدمة و جودة و كفاءة الأسلاك و التوصيلات لبيتك,
يعني السرعة مش هتفرق أوي من شركة للتانية و الأسعار كلها واحدة, اللي بيفرق شركة عن التانية هو الدعم الفني و مستوى خدمة العملاء اللي بتقدمه,
بطبيعة الحال te tata المفترض أنها تكون أفضل شركة في الناحية دي لأنها أقدم و أكبر شركة بتقدم الخدمة, و الحق يقال أنهم أتحسنوا كتير و بشكل ملحوظ في الفترة الأخيرة..
أسمع برضه أن فودافون لطيفة, لكن تجربتي أنا الشخصية مع te tata و بقالي مشترك معاهم حوالي 9 سنين دلوقتي..

فودافون

متابع

عن تجربه link دى شركه زى الزفت وخدمه عملا متخلفه ومافيش اى نوع من الدعم وسرعه بطيئه وبتقطع وكل العيوب فيهم لدرجه انى قررت الغى اشتراكى معاهم وفعلا لغيته حاليا وان شاء الله حاشترك مع te-data واتمنى انها تكون احسن.

فودااااااااااااافون روووووووعة

متابع

تي اي داتا.. احسن الوحشين.

انا مشترك نت من ايام نايل اون لاين كانت السرعة وعدم انقطاع الخدمة ممتازة ثم اشترتها شركة اتصالات برضة النت كان ممتاز الى تحولت من اتصالات الى اتصالات سمارت شوفت اسؤ نت من ساعة ما اشتركت قطع نت سرعة في منتهى البطء لدرحة انا كنت مشترك 1 ميجا لوحدي اللي هي ليك 40 جيجا من بطء السرعة مكنتش باستهلك 2 جيجا ثم غيرت لفودافون الى الان ماشي كويس بس مقدرش احكم عليه علشان مليش غير شهرين فقط مشترك الميزة الوحيدة لاتصالات ان هي مش بتقطع النت لما شهرك يخلص انما بتقطعه بعد21 يوم على ما اعتقد

متابع

انا مشترك انترنت dsl من 10 سنين.. 6 منهم تي داتا و 4 اتصالات
واستحملت linkdot net شهر واحد بس
لينك دي ف الضياع.. انترنت بطئ جدا وبيقطع ولما اشتكيت معرفوش يعملوا حاجه ولغيت الاشتراك عادي جدا حتي هم ممسكوش فيا.. متعودين علي كدة
تي داتا باه.. نت سريع ومش بيقطع لكن مشاكل الدنيا والاخره ف التعامل مع الموظفين بتوعهم.. منتهي السخافه والروتين الحكومي المستفز.. ولو عندك مشكله يباه حلها عليك انت برضه.. فاكر تقريبا كان عندي مشكله ف التليفون مع الدي اس ال.. كلمتهم واتلطعت ع التليفون نص ساعه كالعاده وهم مصممين اني اجيب كهربائي وافهمه يتعامل ازاي مع الراوتر والدي اس ال.. ولما صممت يبعتولي حد قالولي هنبعتلك مهندس فلازم تدفع 200 جنيه
انا مش قادر اتذكر عدد الخناقات اللي عملتها معاهم الحقيقه لدرجه اني ف مره قلتلهم الراوتر اللي انا ماجره مش هيرجع وفلوسي الي عندكم خلوها عندك ولو مش عاحبك شوف المحكمه!
اتصالات باه انا معاهم من 2010..الدعم الفني عندهم مش شاطرين اوي
لكن الانترنت سريع ومبيقطعش.. وبصراحه فرق التعامل مع العملاء غير تي داتا خالص ومحصلش مشاكل اطلاقا طول الأربع سنين دول..
ولما مره احتجت حد يتابع معايا مشكله.. بعتولي فني ومخدش فلوس خالص
وساعات بتاخر ف الدفع بيصبروا شويه كويسين.. بصراحه مرتاح معاهم حتي الان

كلهم من سئ الي اسواء
لو المكان عندك كويس والسنترال خليك في تي داتا

اقتباس:

---

المشاركة الأصلية كتبت بواسطة طارق _عبد السلام

بما ان حضرتك لسه مسجل ودى اول مشاركه ليك
احب اقولك ان بالسرعات العبيطه والاسعار
المفروض الاستفتاء يكون افضل شركه بتسرق العميل فى مصر
هو اللى عندنا ده انترنت للاسف شويه حراميه عاملين شركات بيمصوا دم العملاء

---

متفق معاك تماماً

بص اتصالات كويسه جدا بس مشكلتها انها واخده الاساس من تي اي داتا
ف لما النت يفصل تكالمهم يقولولك الشركه اللي فاصله مش مننا
ف النت بيعدي ع شركتين ف حاجة غبيه قوي

كله زي الزفت

اعتقد فودافون

شركة العنقاء و الخل الوفى لخدمات الإنترنت

فى شركة ان شاء الله هتنزل من المريييييخ
وان شاء الله هتبقى زى الفل
نت ايه ؟؟
هو اللى عندنا ده نت
دى لحسة نت

انا مشترك فى تى اى داتا وشغال كويس

noor أحسن الوحشين

نوور دي موزع فرعي :d .. بياخد من الشركات وبيوزع

احب اقولكم ان اساس كل الشركات دي DE-data
لانها الشركه الحكوميه وهي اللي داخل عليها النت دايركت وكل الشركات دي بتاخد منها وبتوزع
بما فيهم اتصالات والشركات دي

احسن شركه هي De-data