هل فرامل اللانوس قوية بالفطرة

**moko_2004** · 23-07-2014 12:50 AM

اول حاجة حمد لله على السلامة
و ثانيا فرامل الدايو مش بالقوة اللى بالك فيها و بتعتمد على عوامل كتير من ضمنها الاسفلت و حالت الكاوتش وبيني وبينك 45 كلم سرعة محدودة وسهل الفرملة عليها فجأة لكن من اول 60 وانت طالع احتمال الزحف كبير
ثالثا الفرملة الفجائية في الدايو من اخطر ما يكون لان العربية بتزحف و احتمال كبير تبطل منك و لو انت مش ضابط زوايا او الكبالن فيها ضعف او خفيفة او الاسكاترا خفيفة العربية هتخمس منك بالتأكيد
واخيرا افضل طريقة للفرملة في الدايو الفرملة التتابعية تهدى لحد ما تقرب العجلة تزحف ترفع رجلك و تهدى تانى دى بتوقف العربية احسن كتير من الضغطة الواحدة المستمرة بس عاوزة من حضرتك تدريب

**رامي مصطفى** · 23-07-2014 03:24 PM

فرامل اللانوس بتفكرني بفرامل عجلتي القديمه عمري مامسكت بالعجله فرامل ووقفت لازم ادخل في ايللي قدامي هههههههههههههه

**MMamdouh** · 23-07-2014 04:03 PM

المشاركة الأصلية كتبت بواسطة Abdallaramadan

بس ال abs بيساعد على عدم التزحلق لكل عجلة على حدى
وده معناه سرعة فى اداء الوقوف وبالتالى قوة الفرملة
ولا ايه

لا خالص

قوة الفرملة بتعتمد على قطر الطمبورة و معامل احتكاك التيل و بالتالى الفرامل بتبقى اقوى كل ما ركبت طمبورة اكبر و تيل معامل احتكاكة اعلى كل ما فراملك بقت اقوى

كون ان عجلة تتزحلق دة معناه استخدام خاطىء للفرامل لان المفروض انك لما تفرمل تسمح للعجل بالدوران باقل سرعة ممكنة بدون ما يقفش... اذا هنا الABS بيعالج خطاء فى القيادة مش بيحسن اداء الفرامل

و لو على كلامك دة يبقى المفروض لما تشيل فيوز الABS من العربية قوة الفرامل تقل... دة عمرة ما بيحصل... و لو كان بيفرق فى قوة الفرامل كان نزل فى كل العربيات زى السيرفو مثلا... دة عمرة ما بيحصل

اعمل سيرش على اليوتيوب باسم threshold braking و انت تلاقى فيديو فيه تجربة توقف بالABS و بدون ABS و هتلاقى فيه ان مسافة التوقف بدون ABS اقصر من مسافة التوقف بالABS... بس دة لو انت عارف تستخدم الفرامل صح

MMamdouh

**mr_sese** · 24-07-2014 04:31 AM

المشاركة الأصلية كتبت بواسطة abdallaramadan

كلامك صح
ربنا يزيدك علم

فراملها 65 %

**lutenit030** · 24-07-2014 09:20 AM

المشاركة الأصلية كتبت بواسطة moko_2004

اول حاجة حمد لله على السلامة
و ثانيا فرامل الدايو مش بالقوة اللى بالك فيها و بتعتمد على عوامل كتير من ضمنها الاسفلت و حالت الكاوتش وبيني وبينك 45 كلم سرعة محدودة وسهل الفرملة عليها فجأة لكن من اول 60 وانت طالع احتمال الزحف كبير
ثالثا الفرملة الفجائية في الدايو من اخطر ما يكون لان العربية بتزحف و احتمال كبير تبطل منك و لو انت مش ضابط زوايا او الكبالن فيها ضعف او خفيفة او الاسكاترا خفيفة العربية هتخمس منك بالتأكيد
واخيرا افضل طريقة للفرملة في الدايو الفرملة التتابعية تهدى لحد ما تقرب العجلة تزحف ترفع رجلك و تهدى تانى دى بتوقف العربية احسن كتير من الضغطة الواحدة المستمرة بس عاوزة من حضرتك تدريب

مش حتبطل منك فى الفرمله الجامده الا لو السيرفو بايظ ، مش كده؟؟

**agaty1st** · 24-07-2014 10:52 AM

المشاركة الأصلية كتبت بواسطة ahmed abdkarim

اللانوس فراملها ضعيفة . بس طبعا احسن من الفيرنا

أنا معايا فيرنا أتوماتيك 2007 فراملها أحسن من اللانوس بكتير على الرغم أني مغير في اللانوس تيل و طنابير ورا و قدام و جنوط 14 و كاوتش كومهو أكستا

لكن للأمانه ركبت فيرنا 2014 مانيوال كانت تقريبا مفيهاش فرامل
فهل هيه موديلات و موديلات و في فرق بين فرامل المانيوال و الأوتو ؟