فلوانس 2015 (عيوب الفلوانس) (استفسار لملاك رينو فلوانس)

**د وحيد أحمد** · 14-11-2014 07:40 PM

المشاركة الأصلية كتبت بواسطة Hany Saad

منور قسم رينو يا دكتور و أهلاً بيك معانا
الفئة e3s بتزيد فتحة سقف كهربا مع خاصية الإمالة و ال antipinch و بتزيد أيضاً حساسات ركن خلفية و كمان جراب لوضع النظارة
كل المتوافر حالياً موديلات 2015 فقط

تحياتى

ده انت اللي منور المنتدي كله ياباشمهندس بمعلوماتك ونصائحك المفيدة وربنا عنا كل الخير - بس يعني ايه فتحة سقف مع خاصية الامالة ومصطلح antipinch ولك تحياتي

**Hany Saad** · 14-11-2014 09:01 PM

المشاركة الأصلية كتبت بواسطة د وحيد أحمد

ده انت اللي منور المنتدي كله ياباشمهندس بمعلوماتك ونصائحك المفيدة وربنا عنا كل الخير - بس يعني ايه فتحة سقف مع خاصية الامالة ومصطلح antipinch ولك تحياتي

فتحة السقف تقدر تميلها من الخلف لأعلى علشان تدخلك هوا لطيف بدون اتربة او ضوضاء....هى دى خاصية الإمالة

خاصية ال antipinch و دى مش بس موجودة فى فتحة السقف لأ دى كمان فى الأربع زجاج كهربا الجانبى و هى ببساطة لأن فتحة السقف و الاربعة زجاج كهربا بيقفلوا من لمسة واحدة فممكن قوى طفل او حد يكون مش واخد باله يقوم الزجاج يقفل عليه.....هنا خاصية ال antipinch بتخلى الازاز او فتحة السقف يرجع تانى يفتح اول ما يصطدم بعائق و ذلك للأمان الفائق
طبعاً بعد ما بيرجع يفتح حاجة بسيطة بيرجع يقفل تانى لوحده بعد زوال العائق

تحياتى

**Ali Wika** · 11-03-2015 01:20 PM

المشاركة الأصلية كتبت بواسطة ahmed1981

الله يفتح عليك
إنت جبت الزتونه

أسوء عيب هو تأخير الإستجابة في الفتيس
يعني العربية بتستجيب لدوسة البنزين مع بداية الحركة أو مع الشد بعد فترة زمنية طويلة نسبياً مقارنة بالسيارات الأخرى

acceleration lag

لو واحد سواقته هادية أو نقدر نقول نايمة خمسيناتي كده ممكن متفرقش معاه

ـ

حلوة خمسيناتى دى يافندم - انا خمسيناتى بس بحب الجرى العاقل - ومعاى الجميلة فلوانس e3s موديل 2013 الشكل والفتيس القديم - ومن شدة حبى فى العربية عايز اغير للفيس ليفت عشان حاجتين الفتيس الاكسترونيك سى فى تى بيقولو موفر فى البنزين - لان واضح اننا هنشوف ايام سودة فى اسعار البنزين - وعشان مش عجبانى النتشة اللى فى الفتيس القديم على الغيار التانى - سؤالى لمعاليك قد ايه بيوفر بنزين تقريبا - وقد ايه بيخنق فى السحب - شكرا جنابك

**yasser100** · 11-03-2015 01:40 PM

المشاركة الأصلية كتبت بواسطة Ali Wika

حلوة خمسيناتى دى يافندم - انا خمسيناتى بس بحب الجرى العاقل - ومعاى الجميلة فلوانس e3s موديل 2013 الشكل والفتيس القديم - ومن شدة حبى فى العربية عايز اغير للفيس ليفت عشان حاجتين الفتيس الاكسترونيك سى فى تى بيقولو موفر فى البنزين - لان واضح اننا هنشوف ايام سودة فى اسعار البنزين - وعشان مش عجبانى النتشة اللى فى الفتيس القديم على الغيار التانى - سؤالى لمعاليك قد ايه بيوفر بنزين تقريبا - وقد ايه بيخنق فى السحب - شكرا جنابك

انا حضرتك مش خمسيناتى و لا حاجه و معايا الفيس ليفت e3r :)

اولا اى فتيس اوتوماتيك الضغط عليه فى السحب مع بداية السير مش صح و بيقصف عمر الفتيس و بيقلل كفاءته , عايز عربيه تنط بك اول ما الاشاره تفتح اركب مانيوال على طول من غير تفكير .

كنت فى المانيا و ركبت المرسيدس موديل السنه و كانت مانيوال فول اوبشن , الجماعه الالمان بيحبوا السحب الشديد و خصوصا اول ما الاشارات تفتح و ما تلاقيش حد فيهم بيدور على الاوتوماتيك , كله مانيوال , مش عارف ليه الناس بتفكر هنا فى قوة السحب و تكون اوتوماتيك .

ثانيا ال cvt و خصوصا اللى المطور اللى نازل فى الفيس ليفت xtronic سحبه مع الطلعه كويس جدا و بعد سرعة ال 40 شوف حد هايعرف يوصل لك و لا لأ و عن تجربه , بس العربيه حجمها كبير و صالونها و التابلوه كبير مش بتاعة غرز و حرام يتعمل فيها غرز و حرق .

ثالثا الفتيس ده احسن تكنولوجيا دلوقتى موفره للبنزين 5.5 لتر لل 100 كم و ده على الطريق السريع و طبعا فيه عوامل تانيه مؤثره زى الهوا و سرعته و اتجاهه لكن فى المجمل استهلاك ممتاز و مافيش نتش او نقلات , سلاسه متناهيه فى القياده .

اتمنى اكون افدتك , تحياتى

**yassermahmmoud** · 12-03-2015 10:50 AM

المشاركة الأصلية كتبت بواسطة ahmzd

بالنسبة لكل من يسافر دول الخليج وخصوصا السعودية.. رأيي وباختصار شديد أن هناك أحد اتجاهين لا ثالث لهما :
الاتجاه الأول : شراء سيارة لاستخدامها فترة الغربة فقط دون الارتباط باستخدامها في مصر حال العودة .. في هذه الحالة لابد أن يتم التركيز على السيارات المنتشرة هناك لسهولة صيانتها ومن ثم بيعها عند العودة لمصر ، وغالبا سيكون هذا التفكير سيقود صاحبه للسيارات اليابانية عموما والتويوتا خصوصا .. وهذا الاتجاه لن تكون فيه سعة المحرك عاملا أساسيا لرخص سعر البنزين هناك ولعدم الاحتكاك بالجمارك المصرية من أصله.
الاتجاه الثاني : سيارة ستستخدم في الغربة الآن ثم سيتم إنزالها مصر لاحقا.. هنا لابد ألا تزيد السعة عن 1600 ولابد أن تكون المالك الأول للسيارة ولابد أن تكون ماركة السيارة متداولة ومنتشرة في مصر.
عموما أعتقد أن الاتجاه الثاني خياراته أكثر حيث توجد كل من السيراتو والكورولا والفلوينس وغيرهم.. وهناك ملحوظة هامة لابد من التأكد منها وهي أن هناك اختلافات في أساسيات بعض الماركات بين ما يتم طرحه للبيع والاستخدام في مصر وبين ما يطرح في الخليج.. والله أعلم.

كلامك صحيح ومضبوط 100% تحياتي لكي أخي الكريم ...

**هاني شقدف** · 09-05-2015 12:24 AM

لو سمحتو يا جماعه هل لسه مشكله الماتور في اكل الزيت لسه موجوده ؟؟؟وهل حد سمع عنها تاني في مودلات ٢٠١٥ يا ريت الي يعرف بس يقول عشان فيه ناس لسه بتقول انها لسه موجوده

**mmsobhi** · 09-05-2015 08:33 PM

الحمد لله السياره معايا من 5 شهور بدون مشاكل وعامله تقريبا 2000 بزيت الفابريكه والفتيس رائع مفيش احساس بالنقلات نهائي وموفر جدا جدا في البنزين وتسارع بعد ثانيتين من الطلعه رائع خصوصا الواحد لا بيحب الجري ولا الحرق حفاظا علي السياره -طبع بقي- وحفاظا علي النفس ربنا يسترها معانا كلنا

**احمد زكي** · 12-05-2015 02:37 PM

متجبهاش عربيه بتاكل زيت والتوكيل مش عارف السبب

وقطع غيار مش موجوده

مش اعتماديه

عربيتي فلونس ٢٠١٥ مكملتش ٤٠٠٠ كيلو زودت زيت ٣ مرات

**mohammed_** · 02-06-2015 06:20 AM

يا جماعة انا عندي فلولنس 2015 عاملة 3000 كيلو بس في طقطقة في الابواب، و صوت غريب عند الرجوع للخلف، و الشنطة بتقفل بالرزع، و دواسة الفرامل زي متكون ملخلخة شوية، هل ده طبيعي؟؟ و هل في صيانة ال 5000 كل ده هيتصلح في الضمان؟ شكراا