معلش ياباشا ممكن اعرف المساعد الواحد عامل كام؟؟
ومكان التوكيل فى طنطا بالظبط
عرض للطباعة
انا جبت المساعد ب 120 جنية يعنى الاربعة ب 480 جنية بس دة لعربيتى الفيات 132 اللى اعرفة ان السعر بيختلف حسب نوع العربية لان كل عربية ليها كود مساعد انا كود عربيتى مثلا كان 23264 امامى و 23265 خلفى بس انت فاصل معاة لانة كان قاللى المساعد ب 130 وبعد الفصاال قالى المساعد ب 120 جنية وضمان سنة .
اما عنوان توكيل مونرو فى طنطا فهو / شارع الشيتى المتفرع من شارع البحر بعد بنك Cib .
يا جماعة انا عندى عفشة سبور فى السيفيا بتاعتى و منصحش حد يركبها غير للى غاوى جرى و سفرياتة كتير بجد لانها خلت العربية ناشفة بجد يعنى لو فى شق فى الاسفلت بحس بية بس بصراحة على الجرى ريحت العربية قوى وواخد ملفات على 150 ماشاء الله عليها ثابتة جدا و فى الطوالى اكتر حاجة جبتها 190 و بجد ماشاء الله مرتاحة وانا جايبها بس صراحة خفت اجيب اكتر من كدة ابقى بستهبل و كمان ليها ميزة تانية و بصراحة مميزات كتير بس المشكلة انك بتتنازل عن الراحة يعنى مثلا بتحمل العربية زى منتا عايز متهبطش زى العفشة العادية و حجات اتنية كتير بس للامانة العفشة بتاعتى وارد اليابان هى مساعدين نيتروجين و سست مضغوطة بس خد بالك لو عندك بيضة طرف او جلب ميزان ضعاف يبقى لازم تغيرهم لانهم هيبوظو اول متحط العفشة الجديدة و دة الى حصل معاى ..
ربنا يوفق الجميع ..
يبقي المنرو حلو مش وحش على سعرة جديد وبالضمان
متابع
انا جبت مساعدين Monroe Sensa track لعربية نيسان صني بس بصراحة اشتريتهم من امريكا، المساعدين غاز + زيت
بصراحة الاداء افضل من الاصلي ثبات و نعومة ممتازين
المساعدين المفترض العمر الافتراضى بتاعهم اد ايه لان واحد صاحبي كان جايبهم مونرو لايبيزا من سنتين ونص وقالى انه محتاج يغيرهم ياريت اللى جربهم يقولنا قعدوا معاه اد ايه وهل الاقى منهم لفليشيا 97
مفيش موزع معتمد فى مدينة نصر أو مصر الجديده ؟
تجربتى بعد 8 شهور مع مونرو
هو اكيد كل شىء مرتبط بعمر افتراضى بس برضه دة بيتوقف على حسب استخدامك يعنى متمشيش تنقى المطبات وتلبس وتقول اختبر المساعد بس بجد على اد ما انك كتير بتحس بالمطبات بس بجد تحس انك مركب مساعد نص نقل كدة :d اما بالنسبة للمناورات على السرعات فا اكيد الاداء اختلف خصوصا ان العربية كلها ستوك ماعدا المساعدين فا قدرت افرق قبل التركيب وبعد التركيب
واما بالنسبة للصناعه فهى فعلا ليها بلدان كتير انا كنت جايب اللانوس من عند لهيطة فى التوفيقية وكان صناعتهم اسبانى بس بجد متشكر لكل واحد نصح بالمساعدين دى