عايز اسأل صاحب الموضوع بحكم شغله في الحرفيين و معرفته بورش السمكره فيها ....ايه اخبار شاسيه العربيه دي هل هو كويس فعلا و يحمي ركابها ولا ايه
عرض للطباعة
عايز اسأل صاحب الموضوع بحكم شغله في الحرفيين و معرفته بورش السمكره فيها ....ايه اخبار شاسيه العربيه دي هل هو كويس فعلا و يحمي ركابها ولا ايه
تقرير ممتاز و حيادى جدا:tumb:
هي دى فعلا الأمانة في التقييم ربنا يبارك لك أنا بس عايز أقول حاجة في فرق كبير لصالح السوبر صالون عن ال ex في التابلوه و في الخامات الداخلية السوبر صالون تحس أنها عدادات عربية حلوة أنما ال ex تحس أنك راكب عربية لأ مش عربية موتوسيكل
الحمد لله ان التقرير كان ايجابي ونال اعجابكم
بالنسبه للدكتور عماد عن سؤاله بخصوص الشاسيه السياره وهل يحمي ركاب ولاء
بص يا دكتور هو اول حاجه اللي ليه نصيب هياخده ممكن بي ام تخبط 128 واللي في البي ام يجراله حاجه وال 28 لا
بس ده ميمنعش ناخد بالاسباب زي امان العربيه من حيث فرامل ايرباجات صاج
هو في عربيات زي الجين 2 المازدا 3 الجيتا
في حاجه اسمها ال
Safe cabin
يعني لو عربيه خبطت جامد من قدام جسم العربيه معمول فيه نقاط انهيار بحيث قوه الخبطه متوصلش للكابينه جوه ومنها الي الركاب وفي نقط النهيار منها نقطه بتخلي موتور العربيه يقع تحتيها بحيث ميدخلش عل كابينه وده موجود في المازدا والجيتا
الكلام ده في الحوادث الجامده في وش السياره
ونقط الانهيار دي ممكن تكون خبطه في مقدمه العربيه سمعت في شنطتها طب ازاي ده بيرجع لتصميم شاسيه السياره ونقط الانهيار في الحوادث الكبيره بحيث العربيه من بره ممكن تتعجن بس الكابينه من جوه تكون محميه
بالنسبه للسؤال عن شاسيه الصني هو مش قوي ومش ورق هو وسط بس هل الصني فيها السيف كبين ونقاط الانهيار دي معرفش خالص وياريت حد يفيدنا او برشور من الشركه يقول فيه
تحياتي
الله ينور يا بشمهندس
شكرا على التقرير الوافي
بالنسبة للثبات هو ليس بهذا السوء. رأيي ان الثبات ممتاز حتى سرعة 140، وحتى سرعة 120 في حالة وجود رياح شديدة ورأيي عن تجربة في القيادة على الطرق السريعة زي طريق الغردقة.
بالنسبة للأمان العربية واخدة 4 درجات في ال crash test الأسيوي، وده يعتبر معقول جدا.
د هشام تحياتي
شكرا علي تقيمك للموضوع
بالنسبه حتي 140 معتدقش خالص ممكن تتخيل معايا 140 يعني العربيه بتقطع39 متر يعني خوالي 40 متر في الثانيه الواحد ودي عربيه مدينه وليست سياره سرعه العربيه ممكن تجيب ال200 لكن العربيه مش ثابته جرب امشي بيها 140 واركب الجين 2 نفس التمن اهو وامشي بيها 140
ومساله الثبات دي حاجه نسبيه يعني لو هتقارنها بلادا او شاهين او 28 اكيد هتكون ثابته لكن قارنها بعربيات في فئتها زي الجين 2
هي اه افضل من الافيو ممكن في الثبات لكن كل ده احت بند السيارات السيئه في السبات يعني من احلي الوحشين في الثبات زي ما بتقول وانا سبق ووضحت مميزات وعيوب العربيه دي فوق وارتفاعها عن الارض هيعرفك ان العربيه مش بتاعت جري
ومفيش حاجه اسمها اختبار التصادم اسيوي
في حاجه اللي هي رقم واحد في العالم euro nacp
هو ده اللي بيحكم انا اول مره اسمع عن ختبار تصادم اسيوي اما مره شفتلها اختبار الايروناب علي اليوتيوب بس مش متذكر كانت واخده كام نجمه لكن كانت واخده للاسف قليل
وربنا يكفينا شر الحوادث ويبعدها عنا :)
تحياتي
شكراً على التقرير والحيادية
قبل مانحكم على اي عربية وثباتها ياريت اللي يمتلك عربية وعايز يجرب الثبات اللي بيقولو عليه في النيو صني يبقى يعمل moose test زي الفيديو ده على سرعة 90 .. اتحدي اي عربية زي النيو صني او المتسوبيشي اتراج او اللانسر بوما او الالنترا او السيراتو او الكورولا القديمة .. كل ده عربيات تعبانة في الثبات مش زي مانتوا فاكرين وفي زيهم كتير
اسيبكو مع الفيديو
https://www.youtube.com/watch?v=LyVS5PEY3Gc
وده للاوكتافيا
https://www.youtube.com/watch?v=-ufbc2Ai1yE
الفيديو التاني كأن الاوكتافيا بتقولك قسما عظما منا مقلوبه حتي لو حملتني عربيه فوفي هههه
ودا اختبار الa7
https://m.youtube.com/watch?v=hiF2do...l=EG&hl=en
بس خلي بالك
الفيديو بتاع الاوكتافيا من غير esp
وكمان لو لاحظت انه بيوزع الوزن بكل مرة بطريقة مختلفة عن التانية والعربية كويسة
وخد بالك بردو ياباشا الاوكتافيا اللي عندنا غير دي في الارتفاع .. متنساش العلاية اللي محطوطة في المصري او الوكيل ومش موجودة في الخليجي