عرض للطباعة
http://www.youtube.com/watch?v=7uLF3B6f8FE
انا لاول مرة احس ان البيكانتو عربية صغيرة و انا جاى من شرم الشيخ الهوا كان عامل مقاومة و زى الفيديو ده العربية و انا دايس بنزين للاخر و يدوب 120 كم/س بالعافية :( ، لكن من سخرية القدر ان الرخصة اتحسبت علشان انا كنت ماشى بسرعة 121 كم/س :x
لماكان معايا الريو ال 2006 ماعملتش معايا كدة خالص في احلك ايام الهواء الشدشد ونا كل يوم راجع من العاشر وماشي بسرعةكمان
يم عشان ادائها رياضي وعفشتها ناشفة وموتورها جامد
ما هو الفرق كبير مش صغير بين البيكانتو 1100 سىسى و الريو و كمان الحمولة، انا كنت راكب و معايا المدام و الاولاد و شنط و كمان مشغل التكييف، بس و انا رايح من غير مقاومة الهوا وصلت لـ 160 كم/س و ار بى ام كان يدوب معدى 4.5 و نفس الحمولة و بالتكييف.
انا حطط فيديو تانى البيكانتو مقفلة العداد 180 كم/س بس حبيت احط ده كمان علشان ابقى محايد اصلها مش عربية سوبر مان و فاول و الاخر هى 1098 سىسى و ده موتور مش كبير.
حد عنده فكره عن الريو : اسعارها + قطع الغيار + التوكيل و طبعا اخبار العربيه ايه
أسعار الريو 1400 حوالي 81 ألف جنيه ..
قطع الغيار أسعارها معقولة جداً ومتوافرة في التوكيل ، وتتشارك في الكثير منها مع الهيونداي نيو أكسنت لو هاتشتريها من برة .
التوكيل ممتاز ، ومعاملتهم محترمة فعلاً .
العربية كذلك ممتازة .. أداء رياضي جيد جداً .. سرعة تجميع ممتازة ، ثبات رائع . استهلاك بنزين عالي شوية حوالي 220 كم في الصفيحة في ظروف التشغيل داخل المدينة يعني تكييف غالباً ، وتوقفات معقولة ، ولكن خارج المدينة الاستهلاك بيقل جامد . عفشتها ناشفة شوية لكن قوية ، والعربية عالية عن الأرض ما بتحكش في المطبات . ضيقة شوية في المقاعد الخلفية لكن في المقعدين الأماميين ممتازة وواسعة ، مفيهاش ABS ولا آيرباج .
العربية معايا دلوقتي بقالها مدة وبحمد الله مفيهاش مشاكل .