السلام عليكم,
أنا مسافر أمريكا الأسبوع اللي جاي ان شاء الله و كنت هطلع رخصة دولية . بس كنت سمعت من فترة أن الرخصة المصرية الجديدة بقت دولية و ينفع أستخدمها في بعض الدول ... حد يعرف ايه الدول ده ؟
السلام عليكم,
أنا مسافر أمريكا الأسبوع اللي جاي ان شاء الله و كنت هطلع رخصة دولية . بس كنت سمعت من فترة أن الرخصة المصرية الجديدة بقت دولية و ينفع أستخدمها في بعض الدول ... حد يعرف ايه الدول ده ؟
لا الرخصة المصرية مبتنفعش فى اى حاجة غير فى مصر و اقلك الكبيرة الرخصة الدولية من مصر فى امريكا لو ظابت مرور وقفك هناك ممكن يعمل معاك مشكلة او يفتكرها مزورة !! و حصلت مع واحد صحبى بردو مسافر امريكا و غصب عنو طلع رخصة من هناك عشان يعرف يتحرك بل عربية
اذا كان اصلا الناس فى مصر غير معترفين بالرخصة المصرية هايعترفوا بيها دولياً ازاى ، ياباشا انت فى مصر !!!!!!! يعنى بلد الكوسة و الفهلوة............
مفيش الكلام ده
بلد الرخصه فيها بدون كشف طبى أو حضور اختبارات ولا كمبيوتر ولا قياده
والناس بتطلع الرخصه وبعدين تتعلم و كل العالم عارف كدة يبقى ازاى هيثق فى رخصتك
الرخصة المصرية والرخصة الدولية ملهمش لزمة فى اى حتة
رخصه مصريه في امريكا احتمال تترحل تاني يوم
لازم اول لما تروح تمتحن وتطلع رخصة امريكي ودي بتسوق بيها في شمال امريكا كلها
انسي ما يسمى بالرخصة الدولية اللي بتطلع من مصر دي، ولا ليها اي لازمة
في عمان كان معترف بيها لحد سنتين فقط لما اكتشفوا التزوير .. ومنعوها تماما ولازم تطلع رخصة عمانية من اول وجديد
انا في أمريكا حاليا
الرخصة الدوليه اللي بتطلع من نادي السيارات مسموح بيها لحد تلات شهور بعد كده لو هتقعد اكتر لازم تطلع واحده من هناك