قررت انى اغير زيت محرك عربيتى من موبيل xhp الى شل الاصفر ..يا ترى رأيكم فيه ايه و هل هو بينزل على 3000 كم و لا 5000؟
عرض للطباعة
قررت انى اغير زيت محرك عربيتى من موبيل xhp الى شل الاصفر ..يا ترى رأيكم فيه ايه و هل هو بينزل على 3000 كم و لا 5000؟
زيوت شل كلها ممتازة و افضل من موبيل ... بس شركة شل مصر اتباعت لتوتال و اعتقد شل الاصفر مبقاش موجود فى بنزينات شل كلها .. وبقالى فترة مبشوفش غير شل الرمادى اللى هوه 10000 كيلو
ممكن تغير لكاسترول بدل شيل
عربيتك موديل كام وماشيه كام كيلو وحالة المتور ايه ؟؟
انا مسافر الجيش بكره فهقولك شوية ملاحظات
زيت شيل الاصفر اللي هو مكافئ لموبيل xhp اخف 15/50 بينما الموبيل ال xhp 20/50
لو متورك قديم شوية وماشي كتير يعني معدي ال 70 الف بلاش عشان المتور خلوصاته وسعت وبقيت متناسبه مع الزيت التقيل يعني لو غيرت تغير لزيت لزوجته 20/50 بردو
انما بقي لو حطيت شيل الاصفر اللي هو 15/50 او اي زيت تاني بمستوي اللزوجه ده ايه اللي هيحصل اقولك انا
الزيت مع الوقت هيبدأ يتسرب وينقص منك في خلال ال 5000 بس مش هينقص خالص طبعا ده علي حسب حالة المتور
صوت المتور هيعلي معاك هتعوز تروح تظبط تيكهات طبعا
الميزه الوحيده في انك تقلل اللزوجه هي ان معدل استهلاك البنزين هيقل وهيبقي ممتاز معاك يعني لو الصفيحه بتمشي معاك 150 مع ال 15/50 هيوصل ل 180 في الصفيحه
ودي الحاجه الوحيده اللي مخلياني صابر عليه ولسا بستخدمه طبعا مع متابعة مقياس الزيت
انشألله يبقي كويس المكنه لسا جديده
ياريت تطمني بعد تجربه ايه الاخبار عندك
وكل سنه وحضرتك طيب
زيت 10-40 هيكون احسن في حالة عربيتك وهيوفر معاك في البنزين
ولو 5-40 يكون احسن بس تتابع مقاس الزيت باستمرار
انا بستخدم فالفولين 10-40 وممكن الغيار الجاي اجيب وولفر او بيزول
ولو دورت في الكتالوج مش هتلاقي زيت 20-50 مكتوب اساسا يعني غير مصرح للعربيات اللادا الا لو كان الموتور حالته تعبانة
الشل كويس جدا بس هاتو من موزع معتمد