أنا لسة مستلمها من كام يوم و مش هينفع أرخص غير بعد العيد عشان المعرض قاللي مش هيعرف يجبلي ورقها غير بعد العيد عشان هي افراج جمركي جديد.
ممكن مقدرش أفيدك كتير عشان ما سقتهاش غير حوالي 120 كيلو. بس أسأل أي سؤال و لو هعرف أجاوبك مش هتأخر.
عرض للطباعة
أنا لسة مستلمها من كام يوم و مش هينفع أرخص غير بعد العيد عشان المعرض قاللي مش هيعرف يجبلي ورقها غير بعد العيد عشان هي افراج جمركي جديد.
ممكن مقدرش أفيدك كتير عشان ما سقتهاش غير حوالي 120 كيلو. بس أسأل أي سؤال و لو هعرف أجاوبك مش هتأخر.
العربية معايا من تلات اسابيع و اقدر اقولك انها من احسن العربيات اللى تشتريها و انت متطمن ثبات و قوة موتور و فرامل و عزل ممتاز .. تكيف قوى و فخامة الخامات الالمانى باينة بوضوح و شكلها ملفت للنظز زيادة عن اللزوم و اتخبطت انهاردة و هى واقفه بس الحمدلله على كل شئ .. المعاملة فى التوكيل محترمين جدا و باين الاهتمام منهم و يارب يكملو على كدة .. شوف حضرتك عايز تعرف اية و انا تحت امرك و هحاول اعمل تقرير مفصل بالعربية قريبا
هتفرق معاية ان انا هعرف اقييم رايك في العربية سوي ليون او التوليدو واعرف الراي دة ناتج عن تجربة فعلية للسيارة من خلال اقتنائها ولا من خلال تست درايف ولا من خلال السمع مع احترامي لرايك طبعا
شكرا ا/ احمد علي التوضيح
السلام عليكم و رحمة الله و بركاته،
انا قريت الموضوع ده و كنت مهتم اني الاقي حد كتب اي حاجة عن امكانيات العربية بس للأسف مالقتش؛ هاقلكم انا بقي بعد سؤال و فحص و محص
انا كنت باقارن بين العربيه ديه و بين الشارك الهاي لاين؛ اول فئة في الليون تكسب الهاي لاين بتاع الشارك، العربيتين حلويين جداً و ثباتهم عالي جداً و ده الكلام اللي اخدته من ملاك العربيتين بس الشارك فقيرة شوية.
الليون تكسب بالنسبالي عشان انا واحد عايز امكانيات و كماليات؛ المشكلة بتاعة الفتيس كانت موجودة في معظم الالماني زي ماحنا عارفين بس اللي انا اعرفه من واحده صديقه معاها ليون ٢٠١٣ ان هيه ماعندهاش مشكلة مع الفتيس خالص و مش بتشتكي منه نهائي.
اللي بيفكر يشتري انا بانصحه بالفئة التانية عشان الفرق بينها و بين الهاي لاين حاجتين بس، فتحة سقف بانوراما "مش عملية خالص بالنسبالي" و كمان مصابيح led قدام و ورا و بردو مالهاش لازمة بالنسبالي؛ غير كده نفس الاوبشنز و نفس الكماليات و كل حاجة موجوده فيها
سعر الفئة الاولي ١٦٠ الف
سعر الفئة التانية ١٧٣ الف
سعر الفئة التالتة ١٨٩ الف