شكر واجب..بيتر بيزنس وكيل تابلت لينوفو

**almohaor** · 23-07-2014 07:20 PM

السلام عليكم ورحمة الله وبركاته
رمضان كريم وكل عام وانتم بخير

اشتريت تابلت لينفو من حوالى شهر

موديل معالج رباعى النواة وزاكرة 16 جيجا a3000h - 60034

بالاضافة الى وجود خطى تليفون احدهما جيل تانى والاخرى جيل تالت مخصصة للنت لانها الاسرع
وكمان فتحة توسعة لزاكرة خارجية

ب1530 من السويس ومعاه جرابه الاصلى ب75 جنيه

الجهاز بضمان شركة بيتر بيزنس بالهرم

الجهاز مواصفاته وامكانياته ممتازة

ركبت شريحة موبايل والجهاز طلب تحديث من موقع الشركة بمجرد الدخول للنت

وافقت على التحديث ولم يستغرق ثلاث دقائقوطلب الجهاز اعادة التشغيل لتفعيل التحديث

بعدها تغيرت شاشةالترحيب عند بداية التشغيل

والجهاز اصبح افضل عما قبل التحديث فى التنقل

بدرجة بسيطة لانه اصلا ممتاز

بعدها بيومين قفلت الجهاز واستعجلت وخرجت الشريحةفى (نفس لحظة الجهاز لسه بيقفل)

لانى كنت بجرب الاتصال بالنت و(دى كانت الغلطة)
واتضح ان الشركة المصنعة كاتبة تحزير بجوار فتحتى الشريحتين والزاكرة بعدم وضع او استخراج شريحتى الموبايل او الزاكرة الا والجهاز( مقفول تمام) حتى لاتحدث مشكلة وانا مااخدتش بالى من كده- لانه مكتوب بخط صغير جدا -المهم فوجئت عند اعادة التشغيل
ان (الجهاز هنج) واعطى بيانات بلغة غير مفهومة اكيد صينى
ولقيت الجهاز ابتدت ترتفع درجة حرارتة بطريقة غير طبيعية
حاولت اقفله لم يستجيب لى فاتصلت بمسئول الصيانة بتليفون موجود على كارت الضمان للجهاز
بصراحة ناس فى منتهى الاحترام سمع شكوتى باهتمام وقالى هات الجهاز ونعمل له اللازم
قلت له بس انا فى السويس --طيب مافيش اى توجيهات او محاولات ممكن حضرتك تقوللى اعملها انا يمكن تتحلل المشكلة
قاللى طيب فك ظهر الجهاز راح تلاقى فتحة مستديرة صغيرة جدا بجوار مكان فتحتى الشريحة وفتحة الزاكرة اضغط عليها بسن قلم جاف والجهاز بكده راح يعمل اعادة ضبط
نفزت كلامه فوجئت ان الجهاز رجع لحالته الاصلية ولا كأن حصل حاجة بفضل الله
و بصراحة لقيت واجب عليا اشكره رجعت اتصلت بمسئول الصيانة بالشركة
لاشكره على تعاونه وحل المشكلة بدل مشقة الزهاب لمركز الصيانة بالقاهرة لمعالجة الامر

المفروض فعلا ان كل( الشركات المحترمة )تهتم وتتجاوب بسرعه مع العميل عند وجود اى شكوى او طلب مساعدة لاى منتج من منتجاتها لزا وجب الشكر والتنويه لان ده بيخللى العميل يثق فى منتجاتها وبالتالى يقبل عليها ونسيت اقول كمان ان شركة لينفو من الشركات الصينية متعددة الجنسيات وفى الاصل امريكية وهى شركة رائدة ولها مواقع على الانترنت لخدمة العملاء على مستوى العالم
بتوفير السوفت وير وتحديثاته ووضع الشروحات وتوجيه العملاء لحل اى مشاكل والاجابة على اسلة العملاء
واسف للاطالة وكل عام وحضراتكم بخير

**kantofanto** · 23-07-2014 07:33 PM

ياباشا فعلا تشكر على التنيه و تقديم الشكر لشركة لينوفو، و للاسف المفروض ان اللى بيتعامل مع حضرتك ده هو الطبيعى و لكن عشان قلة الضمير اللى موجودة عند الناس فحضرتك شايف ان ده غير طبيعى ، لو كل واحد طبق دينه فى تعاملته كل واحد هايرتاح اووى بس اقول ايه غير ربنا يهدى ، و جزاك الله خيراً

**maged** · 23-07-2014 08:11 PM

انا عندى التاب ده وحصل معايا مشكله لكن انا عملت ضبط المصنع عن طريق ضغط زر رفع الصوت مع الباور وبقى تمام لكن اول مرة اعرف الزر اللى حضرتك بتقول عليه وشكرا ليك وبصراحة التاب ده فوق الممتاز مشغل خطين تمام وصورة الشاشة ممتازه بطاريه ممتازه صوت عالى جدا سرعة عالية لكن الكاميرا تعبانه وباليل زفت عشان مفيش فلاش

**almohaor** · 24-07-2014 02:27 AM

المشاركة الأصلية كتبت بواسطة kantofanto

ياباشا فعلا تشكر على التنيه و تقديم الشكر لشركة لينوفو، و للاسف المفروض ان اللى بيتعامل مع حضرتك ده هو الطبيعى و لكن عشان قلة الضمير اللى موجودة عند الناس فحضرتك شايف ان ده غير طبيعى ، لو كل واحد طبق دينه فى تعاملته كل واحد هايرتاح اووى بس اقول ايه غير ربنا يهدى ، و جزاك الله خيراً

كلام حضرتك مضبوط انه ده المفترض انه التصرف والشىء الطبيعى
ولكن تقول ايه بقى مع معظم الشركات المصرية ومنتجاتها الضمان فيها وهمى
الا من رحم ربى ومراكز الخدمة تعتمد على الفهلوة والنصب على الزبون
عشان كده رأيت ان الواجب توجيه الشكر لشركة بيتر بيزنس

من تجاربى الشخصية الخدمة ممتازة لشركة العربى منتجات توشيبا وشارب وشركة كريازى والضمان حقيقىمع جودة المنتج فعلا اجهزة معمرة موش تجيب لك وجع القلب كل شوية
وكمان ضمان لقطع الغيار وناس عارفه شغلها كويس

**almohaor** · 24-07-2014 02:38 AM

المشاركة الأصلية كتبت بواسطة maged

انا عندى التاب ده وحصل معايا مشكله لكن انا عملت ضبط المصنع عن طريق ضغط زر رفع الصوت مع الباور وبقى تمام لكن اول مرة اعرف الزر اللى حضرتك بتقول عليه وشكرا ليك وبصراحة التاب ده فوق الممتاز مشغل خطين تمام وصورة الشاشة ممتازه بطاريه ممتازه صوت عالى جدا سرعة عالية لكن الكاميرا تعبانه وباليل زفت عشان مفيش فلاش

انا فعلا جربت طريقة حضرتك بضغط مفتاح الباور مع مفتاح الصوت
بس للاسف لم تحل المشكلة بل اظهرت لى شاشات غريبة باللغة الصينيةبس ممكن استفسار من حضرتك انا لاحظت انه الجهاز لايصدر نغمة عند الاتصال على فتحة الشريحة الثانية الخاصةب g3
لانى موش متاكد انها كان يصدر صوت نغمة الموبايل ام لا قبل ان تحدث المشكلة معى بينما الرنين يصدر مع فتحة الشريحة الاولى g2 عند نقل الشريحة لها ارجو الافادة من حضرتك مع وافر الشكر

**Elawany13** · 24-07-2014 03:06 AM

عندى تابلت صينى وفيه نفس الزرار اللى بتقول عليه
وبستعمله لما الجهاز يهنج زى ما انت عملت

**mk3** · 24-07-2014 04:33 AM

هو وفر عليك مشقه السفر لانك كنت صريح معاه من البدايه وقولتله اللى حصل وهو تفضل مشكورا وقالك الحل فى ثوانى.....لكن افرض العميل مقالش الصدق ..خوفا من ضياع ضمان الجهاز . هل تتوقع تلاقى نفس المعامله من الوكيل ؟ انا لو مكانه اطلب الجهاز فى القاهره خوفا من انى اقول لعميل غير صادق افتح الجهاز واتفاجئ انه من الاول كان عامل مصيبه فى الجهاز وساعتها هبقى مطالب بتصليحه او بتغييره !
الخلاصه:
كل يتعامل بدينه سواء شارى او بايع

**almohaor** · 24-07-2014 03:08 PM

المشاركة الأصلية كتبت بواسطة mk3

هو وفر عليك مشقه السفر لانك كنت صريح معاه من البدايه وقولتله اللى حصل وهو تفضل مشكورا وقالك الحل فى ثوانى.....لكن افرض العميل مقالش الصدق ..خوفا من ضياع ضمان الجهاز . هل تتوقع تلاقى نفس المعامله من الوكيل ؟ انا لو مكانه اطلب الجهاز فى القاهره خوفا من انى اقول لعميل غير صادق افتح الجهاز واتفاجئ انه من الاول كان عامل مصيبه فى الجهاز وساعتها هبقى مطالب بتصليحه او بتغييره !
الخلاصه:
كل يتعامل بدينه سواء شارى او بايع

فعلا اخى صدقت كل يتعامل بدينه سواء بائع او مشترى
فشعار الاسلام الدين المعاملة
والرسول عليه الصلاة والسلام قال
ان المسلم لايكزب ابدا
والصدق منجى وماانتشر الاسلام الا بالصدق والامانة وحسن المعاملة
انا كنت صادق وواضح فى كلامى معه وده طبعى عموما
ليسهل الوصول الى حل لو المشكلة بسيطة
وفى امكانياتى التعامل معها وده اللى حصل ولاحظ ان عملية فك ظهر الجهاز فده متاح
طبيعى لان فتحات شرائح الموبايل والزاكرة موجودة خلف غطاء الجهاز يعنى مافيش فك مسامير
لاصل لبوردة الجهاز او لزرار اعادة الضبط وعلى فكرة المسامير رغم صغرها جدا جدا الا انه يوجد استيكر عليها لبيان التلاعب فيها لو حاولت فكها يعنى الامر تحت السيطرة بالنسبة لمركز الصيانة
والاهم من كده واضح ان مسؤل الصيانة فاهم شغله كويس ومتمكن منه لانه حل المشكلة حتى بدون رؤية الجهاز والفضل والحمد لله لان مراكز الصيانة فى مصر لبعض الشركات دون المستوى
يعنى يحضر لبيتك لمعاينة وفحص الجهاز ويتعامل بغشومية مع الجهاز وممكن يتلف قطع سليمة او بعد مايمشى يرجع العطل تانى ويكلفك مال ووقت ضائع على الفاضى لقلة الخبرة للاسف وده انا مريت به اكتر من مرة بالاخص مع منتجات شركة فريش واولمبيك مثلا يدوخوك السبع دوخات بالاضافة لسوء التجميع من الاصل