المحل اتسرق وعاوز مشوره قانونيه

**SHNORY** · 19-10-2008 05:09 PM

الف شكر لردودكم الجميله اللي نستني قرف السرقه وحسيت اني وسط اخواتي الرجاله
والله يا جماعه اي واحد منكم لو مكاني حيعمل اكتر من كده وساعه الجد كله حيرمي السلبيه ورا ضهره وحنشوف مصر ورجاله مصر علي حقيقتها
علي فكره انا مش شايف ان فيه حد من الظباط مقصر معايا في الموضوع ده بس هي عمليه الروتين الممله بتاعه بلدنا كمان بالنسبالي اللي حصل في الموضوع ده يعتبر انجاز لان السرقه لسه طازه النهارده يكون بقالها اسبوع
وانا النهارده روحت النيابه الصبح علشان اشوف حاخد الموبيل الي متحرز ده ولا لاء لان صاحبه واجعلي دماغي وطبعا دا حقه انا مقدرش اطول عليه اكتر من كده
فوكيل النيابه بكل ادب قالي احنا بعتنا للقسم علشان يعملوا تحريات عن الموبايل ونشوف ان كان هو موبايلك ولا لاء علشان القضيه تكمل وقالي روح القسم دلوقتي وشوف التحريات وصلت لايه ولو لقيتها خلصت انا مستنيك
المهم روحت علي القسم عند امناء الشرطه وسالتهم ايه الموضوع والراجل ده طلع ليه فقالولي هو لسه متهم في القضيه وطلع بضمان محل سكنه
قولتلهم طيب والتحريات فقالو هي النيابه طلبت تحريات وقعدوا يدوروا لحد ما لقيوا الورقه اللي فيها طلب النيابه وقالولي استني 5 دقايق
شويه روحت رايحلهم تاني قولتلهم ايه النظام فقالولي مستنيين حد من ظباط المباحث ييجي
روحت طالع الدور التاني لقيت ظابط من ظباط المباحث قاعد فدخلتله وقولتله انهم معملوش التحريات فقالي طيب خليهم يبعتولي الورقه بتاعه التحريات وانا حعملها
فنزلت خليت امين الشرطه يبعت الورقه مع مندوب علشان انا مينفعش اخدها بايدي
واخدت المندوب وطلعتله تاني فقالي تعالي بكره اكون خلصتلك التحريات
وبالنسبه لموضوع الواسطه اللي الاخوه نصحوني بيه فعاوز اقولكم اني جايب وسايط
تنقل الهرم من مكانه بس لازم برضه القانون ياخد مجراه والواسطه لو الواحد تقل عليه
وكل شويه يتصل بيه علشان يوصيله علي كل خطوه فاكيد حنفضله وزي ما قالوا متجيبش مدفع علشان تقتل دبانه
وبكرر شكري ليكم تاني علي اهتمامكم بالموضوع ووقوفكم جنبي

**SHNORY** · 19-10-2008 11:35 PM

المشاركة الأصلية كتبت بواسطة mr_kenawy

بص ياباشا اولا طالما الموضوع وصل النيابة يبقى خلاص خرج من ايد القسم و الضباط , ثانيا لما بييجى اى محضر للنيابة بيكون قدامها تصرف من ثلاثة اما حبس المتهم احتياطيا و ده ما بيكونش الا فى الحاجات الخطيرة , و اما انها تفرج عنه بكفالة , و اما انها تفرج عنه بدون كفالة , و فى جميع الاحوال بعد تصرف النيابة على النحو المذكور بيفضل المحضر ماشى و الاجراءات شغالة عادى جدا , و بعد انتهاء التحريات و سماع الشهود (ان وجدوا) بيحيلوا القضية للمحكمة و يعلنوا المتهم علشان يحضر قدام المحكمة , الخلاصة ان اللى حصل ده عادى جدا و القضية ماشية و شغالة و مش معنى انهم افرجوا عن المتهم ان الموضوع خلص , مع تحياتى

الف شكر لرد حضرتك الواضح والدقيق وواضح انه في اختصاص شغل حضرتك
بس ممكن توضيح عن الحاجات المطلوبه مني
يعني هل لازم اتابع القضيه واحضر الجلسه ويا تري ححتاج لمحامي يتابع ولا لاء
وفيه حاجه في ايدي اني اعملها لتحريك الموضوع
ولا كده خلاص وهما حيتصرفوا لاني قعدت 3 ايام كعب داير في الموضوع ده وحكيته باختصار شديد جدا ولسه بعاني من مشاوير القسم والنيابه علشان التليفون اللي عندهم ده بحاول اخده علشان الزبون عاوز واحد بداله وعاوزه نوكيا كمان
بس طبعا علشان مخسرش سمعتي حجيبهوله واللي يقبل علي نفسه يقبل
ومره تانيه بشكر حضرتك علي تعبك معايا

**mido777** · 20-10-2008 02:08 PM

قدر الله وما شاء فعل

معلش يا محمد اخسارة تتعوض ان شاء الله

بس طبعا خليك متابع اول بأول

**SHNORY** · 20-10-2008 08:31 PM

المشاركة الأصلية كتبت بواسطة mr_kenawy

لا شكر على واجب.... متابعة الموضوع من حقك بس لازم تكون عارف رقم المحضر بتروح النيابة و تقدم طلب استعلام عن التصرف فى المحضر رقم كذا و بيردوا عليك بالتصرف اللى تم فيه إما الاحالة للمحكمة و إما الحفظ و إما بيكون المحضر لسه تحت التصرف , و بالنسبة للموبيل فمن حقك استلامه بتروح تقدم طلب لوكيل النيابة لاستلام الموبيل و بيأشر على الطلب بتسليمه ليك بعد اخذ الايصال اللازم منك بانك استلمته , و بالنسبة للمتابعة و حضور الجلسة و المحامى فكل ده مش لازم الا فى حالة واحدة هى حالة انك هتدعى مدنى يعنى تطالب بالتعويض عن الضرر اللى اصابك , و انا اعتقد ان المطالبة بالتعويض فى حالتك مش هتكون مضمونة لان موبيلك هيرجعلك و بالتالى مفيش ضرر عاد عليك - ده بالنسبة للمطالبة بالتعويض , لكن مساءلة المتهم فى الشق الجنائى ماشية بدون اى تدخل من حضرتك , بل ده انت حتى لو رحت النيابة او المحكمة و حبيت تتنازل فده ما ينفعش لان التنازل عن حقك لوحدك يجوز لكن التنازل عن حق المجتمع فى الاقتصاص من السارق لا يجوز , مع تحياتى

سيدي الفاضل شكرا لمتابعتك الموضوع معايا وتعبك
انا النهارده روحت النيابه وبالصدفه البحته كان فيه ناس من المباحث هناك وطبعا بمساعده اولاد الحلال اللي ربنا يباركلهم في عمرهم واولادهم
تم عمل التحريات وعلي ما شربت القهوه كان امر التسليم بتاع الموبايل اتكتب وربنا وفقني وقدرت اخده من القسم ولما سالت قالولي ان القضيه اتحددلها جلسه بس انا لسه معرفش ميعادها وروحت اديته للمحل اللي بعتهولي وقولتلهم ارموه في وش صاحبه ومش عاوز اشوف الموبايل ده تاني لان الباشا صاحبه كان عاوز موبايل تمنه مستعمل 800 جنيه

المشاركة الأصلية كتبت بواسطة mido777

قدر الله وما شاء فعل

معلش يا محمد اخسارة تتعوض ان شاء الله

بس طبعا خليك متابع اول بأول

محمد بيك الطويل بحاله هنا دا ايه النور ده
والله يا باشا انا بقول الحمد لله علي كل حاجه مهما كانت
ولو علي خساره الفلوس فالفلوس تتعوض ومش قضيه والحمد لله جت بسيطه ومقدور عليها
بس الحركه نفسها تخنق جدا وتحس وسوري في التشبيه انك اتضربت علي قفاك
والحمد لله جاتلي اخبار تانيه ان فيه تليفون تاني منهم ظهر في مكان ما من البلد وهو كان جايلي متشفر وكانت ليه ظروف خاصه في شفرته ومش اي حد بيعملها
بس مش قادر اتصرف دلوقتي غير لما اتاكد منه مليون في الميه علشان مظلمش حد
ححاول ابعت اجيب العلبه بتاعتهم ودي نسبته حصولها قليله لان محدش بيجيب اجهزه بعلبتها من بره بس ربنا كريم وممكن الاقيها ولو مش موجوده ححاول اجيبها من بلدها علشان يتعمل بيها تتبع للجهاز ولو حصرف عليها تمن 10 تليفونات بس اللي سرق ده يتمسك ويتحبس ويتذل
والله انا ما هاممني فلوس اللي راح يتعوض وربنا كبير بس ابن ستين ......... ده يتمسك
وباذن الله حتابع معاكم الموضوع خطوه بخطوه
ولكل اللي شاركوني محنتي ليكم مليون شكر وربنا يجازيكم خير سواء اللي نصحني بحاجه او اللي صبرني لاني بجد ارتاحت كتير لما شاركتوني
وشكر خاص ل(mr_kenawy) وربنا يجازيك عنا كل خير

**Karim_Monir** · 22-10-2008 01:19 AM

محمد باشا
قدر الله وما شاء فعل
معلش ماشوفتش غير دلوقتي
اصلي رجلي قليلة هنا
ان شاء الله تقضى وتفرج وتجيلك حاجتك كلها ويتمسك الحرامي
دي قلة ادب والله
ابقى طمنا بقى

**محمد ابراهيم 1** · 22-10-2008 01:51 AM

المشاركة الأصلية كتبت بواسطة AboMaro

مين اللي قال ان صاحب محل الموبيلات اللي اشترى الموبيل ب 40 جنيه مش متهم
يا جماعه القانون بيقول ان اللي بيشتري مسروق فهو سارق و شريك بنفس ذات الفعل
واذا كان المحضر ذكر ان الموبيل تم شرائه بعشر ثمنه وان الشاري اشترى بدون فاتوره وبناء عليه فهو يعلم ان البائع سارق - فلينتظر حكم المحكمه عليه و ان كان من الممكن الحكم عليه في فضل الظروف حكم مع ايقاف التنفيذ

+1
دى اسمها جريمه اخفاء اشياء مسروقه بسوء نيه ودى عقوبتها الحبس

-

الموضوع: المحل اتسرق وعاوز مشوره قانونيه

LinkBack

أدوات الموضوع

عرض

-

-

-

-

-

-

المواضيع المتشابهه

استشاره قانونيه

i10 مغلبانى وعاوز استفسر عن حجات كتير انا لسه جديد وعاوز استفيد منكم

استشاره قانونيه

انا عندى سيفيك 92 si لونها كحلى وعاوز اعدل فيها حاجات وعاوز رايكم

اسشاره قانونيه

الكلمات الدلالية لهذا الموضوع

المفضلات

المفضلات

ضوابط المشاركة