الموضوع: محتاج اراءكم معانا .. مشكلة في موتور اوبترا بعد زيت شل الترا

المشاركة الأصلية كتبت بواسطة sasacar

بص ياباشا ا لموضوع حصل معايا من حوالى شهرين والعربيه عامله 135000 انا مالفتيش كتير رحت بيها عند مركز الصيانه ال فى شارع بورسعيد امام مستشفى جراحه اليوم الواحد واسمه سيرفس هوم ناس محترمين فى الاول غير ساعه الزيت وقال لى امشى بيها شويه ولو لمبه الزيت نورت ابقى تعالى تانى مشيت بالعربيه مشوار حوالى 30كم ولقيت اللمبه بدات ترعش رحت لهم تانى وقالو لى العيب ده من طريقه تغيير الزيت اكيد ال كان بيغير الزيت ما كنش بيغيره عن طريق التفريغ من طبه الزيت ولكن كان بيغيره عن طريق الشفط من اعلى الماتور وفى هذه الحاله الزيت مابينزلش بكامله ويتررسب اسفل الماتور وعلشان انا كنت بغير الزيت فى مقار ما عرفتش ارد عليهم لان مقار مابيخليش حد يدخل مع العربيه وعرفت منهم ان ترسيب الزيت القديم ده ادى الى انسداد بمجارى زيت الماتور وبيضغط على طلمبه الزيت وبياثر على كفائتها مما يؤدى الى عدم تغذيه الماتور من اعلى وده السبب ال بيخلى المبه تنور المهم انا اقتنعت بكلامهم وسبت لهم العربيه وقالو لى تعالى خدها بعد يومين لان كان صابح جمعه وهما اجازه المهم رحت لهم يوم السبت ولقيت المهندس بالخارج بيجرب العربيه انتظرت فتره حوالى ساعه وقالو لى هو هيتاخرشويه علشان هو واخد مشوار طويل علشان يتاكد من عدم اضاءه اللمبه مره اخرى المهم بعد فتره انتظار حوالى ساعه لقيت المهندس داخل بالعربيه وقال لى كده تمام وعرفت منه ان كان فيه رواسب كثيره بالماتور ونظف السبايك ومجارى الزيت بالهواء المضغوط وغير طلمبه الزيت ونصحنى بان اضع زيت 5000 فقط بدلا من 10000 وفعلا لقيته مغير لى زيت توتال مع انى كنت بغير موبيل 10000 ومن وقتها العربيه ماشيه تمام زي الفل لا عمره ولا غيره وبعدين العربيه عندك عامله 90000 فقط ازاى يقولو لك عمره الماتور علشان يعمل عمره مش اقل من 250000 اتكل على الله وروح لهم وهما هيظبطو لك كل حاجه وابقى بلغنى وقول لى عملت ايه تليفونى 01271000058 اذا احتجت اى مساعده

ياباشا انا عاجز عن الشكر
هقول الكلام ده لصاحب العربية وان شاء الله خير

كنت بعمل صيانه 140000 لعربيتى الوبترا 2009 وهناك قالو لى ان العربيه محتاجه تغيير مقصات وبطاحات للمساعدين وانا مش عارف هل تغيير المقصات افضل ام تغيير الجلب علما بان فيه ناس كتير بتقول ان تغيير الجلب ما بيطولش لانها مابتكونش اصليه فكنت عايز راى حضراتكم فى هذا الموضوع