الموضوع: عايز افتح حساب فى بنك

اعمل في اي بنك بس ابعد تماما عن qnb

انا بتعامل مع البنك الاهلي حساب جاري وعامل عليه بطاقه انترنت"الاهلي نت"
يطاقه الانترنت كويسه بس هي تشترط تكون حاطط وديعه او لك حساب فعلا ف البنك.. ويجنبلك جزء من المبلغ ده فقط اللي تتحرك فيه ع النت
بمعني.. انا عندي وديعه ب 100 الف جنيه.. عاوز اعمل كارت انترنت
عيسالني ايه اكبر مبلغ ممكن تتعامل بيه؟ هقوله مثلا الفين جنيه
كدة مينفتش اشتري من ع النت اكتر من الفين جنيه
ولا ينفع يتس ق مني امتر من الفين جنيه
لا ينفع البنك ياخد مني رسوم وفوايد اكتر من الالفين جنيه المبلغ المجنب...
يعني الالفين جنيه ده بيباه زي مبلغ للتامين عشان انت متشتريش وتهرب
بخص ص البنك فهو فعلا زحمه.. والعاملين مش شاطرين اوي لكن بالنسبه لي بنك مناسب لكثره الماكينات atm
وبي ي عائد كويس وبياخد متك مصروفات قليله
انما انت لو غاوي بيع وشرا ع النت انصحك بالبنك العربي الافريقي او كريدي اجريكول

المشاركة الأصلية كتبت بواسطة seiffoz

ليه qnb ؟؟ انا عندى فيه حساب اصلا ! بس بفكر الغيه بعد ما عرفت موضوع الانترنت البنكى 7 جنيه فى الشهر

انا بقولك ما تعملش فيه :d مش اعمل

بنك زفت ، بتعامل معاه بسبب الشغل مش اكتر عشان بيحولوا عليه المرتب

تعاملهم زي الزفت ، الفروع مش بتكمل بعضها ، كل فرع كأنه بنك مستقل
انا كنت عامل الحساب في مصر الجديدة
جيت في المنوفية بقولهم عايز الكرت الجديد يجي ع الفرع ده ، وده طلب عادى جدا وبينفع في اي بنك طالما رغبة العميل
قاللى لا تروح هناك ، بعدين قاللى ممكن نحول الفرع بتاعك ، قلتلهم حولوا الفرع

فات شهر !
بعدين بيقوللى الفرع الاصلى بتاعك رفض التحويل هههههههه

تخيل !!!!!!
تخيل مثلا تشتري كرت بـ 10 فودافون وتيجى تشحن يقوللك والله احنا رفضنا نشحنلك
مش الحساب ده بتاعى وانا حر ابقى تبع الفرع اللى انا عاوزه
يقولك اصل كل فرع "بيتمسك" بالعملاء بتوعه

بنك عقيم جدا
ده انا رحت اعمل عملية سحب لمبلغ تافه لازم تملى فورم طويلة عريضة مش مجرد امضاء زي اي بنك !
ولا كأن ليك حساب ، ولو هتسحب اقل من 3000 بيدفعوك 20 جنيه ، عشان المفروض تستخدم الكرت ، عملوا معايا الحركة دى من غير ماحد يوضحلى ، مع ان مش ذنبى اصلا وهم اللى مأخرين عليا الكرت

بنك الاهلى مثلا الحركة دى 5 جنيه بس مش 20 ، وللمبالغ اكتر من 5000 مش 3000 ، ومتوضح كدة بيافطة على شباك التلر (بنك محترم)


وحاجات تانية كتير بس انا مش عاوز اطول اكتر من كدة ... المهم تجاربى معاه قمة في السوء وكل اللى اتعاملوا معاه بيشتموا فيه .. مش انا بس

المشاركة الأصلية كتبت بواسطة pioneerahmed

مبدئيا هو موضوع يبعتولك الكارت دة موقوف دلواتى في معظم البنوك عشان دة بيبقي عهدة على الموظف الى استلمةفي الفرع بتاعك لو انت كنت عايز تستلمة من المنوفية كنت قلت من الاول كدة و انت بتطلبة كان اتبعتلك على هناك على طول عندنا في سي اي بي ممكن ابعتهولك على اي فرع عادي على فكرة و من غير مصاريف كمان
اما موضوع 20 جنية انا معاك انة كتير عندنا في سي اي بي اقل من 8000 بيتخصم 12 جنية

و بالنسبة لموضوع انك تربط 5000 الاول دة عشان ميتخصمش منك مصاريف حد ادني للحساب ال 60 جنية و هقولك لية
دة يا برنس عشان دة بنك قطاع خاص يعنى هادف للربح اولا و الحساب دة البنك بيدفع علية ضريبة و دمغة للدولة فلو سعادتك فتحت حساب و سيبتة رصيد صفر
البنك كدة هيدفع الضريبة و الدمغة من غير اي استفادة من الحساب يعني هيخسر
عامة لو عايز تفتح حساب و تسيب رصيدة صفر ممكن تفتح في اي بنك حكومة

طب ايه رأيك
في

"للاسف الفرع بتاعك رفض طلب التحويل !"

"اصل الفروع عندنا بتتمسك بالعملاء شوية !!!!!!!!!"


موضوع الـ 5000 فتح حساب انا ما اتكلمتش فيها ، ومعاك في اللى قلته

انا قلت ان البنك الاهلى عامل حد السحب اللى برسوم 5000 بدلا من 3000 و رسم 5 جنيه فقط بدل 20 ، اللى هم 8000 جنيه و 12 في cib
يعنى فعلا qnb أسوأهم ، فوق ده كله ان البنك الاهلى كاتب يافطة بكدة على شباك التلر بكل وضوح وشفافية


انا بتكلم في طريقة المعاملة ، كأن كل فرع قائم بذاته مش انها شبكة واحدة وبنك واحد
وكأن العميل لما بيروح فرع تانى كأنه بيهرب من البنك لبنك تانى !

انا لما بروح بنك مصر والبنك الاهلى اللى هم بنوك حكومية ، بلاقى معاملة انضف الف مرة واحترافية اكتر بكتير من البنك التعبان ده اللى اسمه qnb
اما cib فهو بنك محترم جدا برده :)