-
مساعدة عاجلة !!
سلام عليكم و كل عام و أنتم بخير
دلوقتى أنا معايا لانسر 2006 عاملة 114 ألف كم
من حوالى 6 شهور كانت العربية وقفت منى على طريق السويس و جبت ميكانيكى و قال دى طرومبة بنزين باظت و بعدين اتغيرت وتقريبا مش أصلي ( كان فيه مشكلة فى العوامة ساعتها )
و فضلت كل حاجة تمام لحد من ساعة بالظبط ليلة غلو البنزين ( معرفش صدفة ولا لأ ) كنت بفول و بعدين من تانى يوم بدأت العربية تنتش سنة و أنا ماشى و مش مرتبطة بسرعة يعنى على 40 و 80 و 100 بتنتش بس مش بتفصل
و من 3 أيام كده بدأ الموضوع نتش جامد و يخلص و بعدين العربية تمشى عادى و فجأة تنور لمبة ) check engine ) فى التابلوه و معاها بيظهر نتشة أشد من الطبيعى و العربية تفصل بقى
أركن على جنب و أدورها تانى بتدور عادى جدا ! و بعدين تمشى 100 متر مثلا ولا حاجة و يرجع نفس الموضوع تانى !
أهديها مثلا 10 دقائق أطفيها كده و تمشى بعدها شوية حلوين أوى عادى من غير مشاكل
وديتها لكهربائى و ميكانيكى قاسولى الدينامو و شافوا البوجيهات و نظفوا البوابة و الفلاتر ( هواء و بنزين ) و فلتر البنزين كان مسدود جدا و مليان زى رمل أسود كده مرسب و اتنضف و الباقى كله تمام
المهم ان بعد التنظيف ده مشيت بيها و مكنش في أى مشكلة من حيث النتش ده مكنش موجود ( اللى هو نتش لواحده من غير check engine )
بس بعد ما بمشى ييجي ساعة الا ريع تبدأ حوار ال check engine و النتش المرتبط بيها ده يرجع تانى برضه
وديتها لكذا كهربائى و ميكانيكى و كل واحد بيقول حاجة عكس التانى واحد قال الموبينة و مفيش حاجة فى الطرومبة و واحد قال الطرومبة و الموبينة سليمة و واحد يقول بوجيهات و
فا لو فيه أى مساعدة لان الواحد مش عارف يشخص المشكلة فنين أصلا
ملحوظة : انها بنسبة 90% بتحصل فى النهار مش بالليل
و هل لو مشيت بيها كده فيه مشاكل ؟ و لو حصلت تانى أعمل ايه ؟!
-
غالبا طرمبة البنزين مش اصلية
-
واضح انها مشكلة تتعلق بارتفاع درجة حرارة جزء غير محدد إلى الان
احتمال طلمبة البنزين
-
طلمبة البنزين لما بتسخن بتعمل كده والله اعلم ولو حضرتك فاضى وديها ورشة المتخصصون بتوع لانسر بس وهما هيجبولك من الاخر
-
طلمبة البنزين ملهاش دعوة بلمبة التشيك هى هتخلى العربية تقطع و تتخنق و تبطل انما مش هتنور لمبة التشيك خالص
-
حضرتك هاتروح للميكانيكي وتقولة ينضفلك الرشاشات ممكن يكون فيهم كام واحد مسيل اومش نضيف وشوف هايقولك اية وشوف اخر مرة مغير الزيت
-
طرمبة بنزين او موبينة بتفصل
وفى الغالب طرمبة بنزين
Content Relevant URLs by
vBSEO 3.6.0 PL2