تنظيف فلتر بنزين البومة الاصلي بالصور (بدلا من تغييره) الجزء الثاني
علي جزئين للأسف عشان الحد الاقصي للصور في الموضوع الواحد 30 صورة
نكمل
18 دي طبه الفلتر وهي دي سر شويبس في تنظيف الفلتر !!!!
http://im75.gulfup.com/33K90O.jpg
http://im75.gulfup.com/6cnU2f.jpg
(( برضو خلي بالك كويس من كاوتشة الطبه))
http://im74.gulfup.com/qOHzYu.jpg
19 طريقة التنظيف (((هام جداً))) نفك طبة الفلتر ونحط بنزين منها بس و احنا شايلين الفلتر بالمقلوب و اضغط بصباعك علي فتحة خرطوم البنزين الخارج ورج كويس بعد كده اقلب الفلتر وانفخ من فتحة خرطوم البنزين وانت ضاغط بصباعك علي الطبة علشان البنزين يخرج في عكس اتجاهه الطبيعي ((البنزين هايطلع من فتحة تركيب الطرمبة)) اللي هي منطقة تراكم الشوائب ...فبل ما تنفخ حط أي ورقة عالارض واتفرج عاللي طالع من الفلتر .............. بعيد عنك بلاوي
http://im75.gulfup.com/L1ufv9.jpg
أول تنظيف
http://im66.gulfup.com/NmC6D0.jpg
تاني تنظيف
http://im66.gulfup.com/kbNOTZ.jpg
20 كرر العملية أكتر من مرة .............. بس الافضل انك تستخدم هوا مضغوط ((ممكن تروح للاقرب واحد بتاع كاوتش زي ما أنا عملت)) وتكرر الخطوات أكتر من مرة لحد لما تحس ان الفلتر اتنفس ومفيش حاجة لونها اسود طالعة مع البنزين وماتنساش فلتر الطرمبه حط فيه بنزين وانفخ بالهوا المضغوط بس من بعيد شوية عشان ضغط الهوا الشديد ممكن يخرمه
22 دي صورة لخامة الفلتر نفسه ((طلعت عيني عشان أصورها بالوضوح ده )) كبر الصورة لو سمحت
http://im74.gulfup.com/53Ca64.jpg
21 نبدأ نقفل الفلتر أظن الموضوع بقي سهل بالترتيب التالي :-
http://im66.gulfup.com/jJiCma.jpg
1 عدي سلوك الطرمبة وركب عليها االكاوتشة واضغط بحركة دائرية وركب الفيشة وسلك ارضي مكانها
2 ركب فلتر الطرمبة وركب التيله كويس ضغط ودق خفيف
http://im66.gulfup.com/wKYcFk.jpg
3ركب الطبة وماتنساش الكاوتشة
4 ركب كاوتشة الحماية
http://im66.gulfup.com/hZJHQl.jpg
5 ركب غطا الطرمبة البلاستيك
http://im66.gulfup.com/Qa2R7r.jpg
الحمد لله تم تجميع الفلتر بسلام مش فاضل غير تركيبه في مكانه في التانك ودي عمليه غلسة شويه
1 هتلاقي جوان الفلتر الكاوتش لازق في التانك فكه وركبه علي الفلتر
2 سقط الفلتر في التانك وخد بالك من الصور كويس وضبط الفلتر وعلامات التركيب زي الصوره بالظبط
http://im74.gulfup.com/E3umZY.jpg
3 غطاء الفلتر الحديدي لازم يتظبط مع علامات الفلتر وعلامة التانك وفتحات المسامير ((هي دي الغلاسة))
4 أربط الصواميل كويس وياريت بخة WD40 وشوية شحم
5 كده كله تمام وصل الخراطيم والفيشه
6 ركب الكنبه ((فكها سهل جداً وتركيبها صعب لاازم تكون جوا العربية وتضغط بركبتك (زق) علي الكنبه باتجاه الشنطة قصاد الكليبس بتاع الكنبة لحد ماتسمع تكه (الكنبه لها كلبسين!!!!)
7 افتح كونتاكت ودور هتغيب في الدوارة خمس ثواني عن المعتاد بس هتدور ان شاء الله
كده كله تمام
حسبي الله ونعم الوكيل في محطات البنززين في مصر المفروض انها مركبه فلاتر لتنقية البنزين وبتتغير أول بأول والمفروض في رقابه (هههههههههههههههه) من التموين وجمعية حماية المستهلك لان كل ذرة تراب بتخش عربيتك هي مكسب لمحطات البنزين وخسارة ليك فلوس بتدفعها وبهدله للفلتر ..........
دلوقتي لازم علي فترات متقاربة يتم تنظيف الفلتر عشان تحافظ علي اداء عربيتك ...... احد الاصدقاء علي صفحة رابطة مالكي البومة اشار الي أن الفلتر الاصلي هو اللي بينزل في عربيتك وهو اللي عليه لوجو DENSO اما الموجود بالتوكيل فمكتوب عليه Mitsubishi Genuine Parts يشبه خامة التايواني الي حد كبير ................وكمان التايواني اللي في السوق فيه عيوب حسب تجربتي العيب الاول ان ماسورة خرطوم الراجع مش ثابته في مكانها وبتسرب بنزين و بتخلي العربيه كلها ريحيتا بنزين وده شيء في منته الخطورة وأشار هذا الصديق بفك ماسورة الراجع من الفلتر الاصلي وتركيبه في التايواني كحل للمشكلة العيب الثاني جوان الفلتر التايواني بينفس برضه واشار نفس الصديق بتغيير الجوان الي الاصلي ............... العيب الثالث اختلافة خامة الفلتر نفسها اختلاف شديد ويكفي انكم تشوفو الفرق بعيونكم :
الاصلي : كثافة الفلتر عاليه جداً وده يضمن تنقيه ممتازة
http://im74.gulfup.com/53Ca64.jpg
التايواني: بعد استخدام لفترة بسيطة لاحظ انخفاض كثافة الفلتر وتفككه
http://im86.gulfup.com/KOVcGj.jpg
علشان نحفاظ عالفلتر الاصلي لازم يتنظف كل 6 شهور عالأقل .... وعشان نحافظ عالطرمبة لازم العربية تكون مفوله أو البنزين مايقلش عن نص التانك علطول لاأن الطرمبة بيتم تبريدها بالبنزين وكمان تنظيف الفلتر بيطول عمر الطرمبة لان الوسخ بيعمل حمل زياده علي الطرمبة والفلتر مكتوم
أنا طولت عليكم خالص وأرجو أني أكون غطيت كل النقاط المهمة والكمال لله وحده
[/COLOR][/SIZE]
