سخونه فجاءة فى النوبيرا

**zendo** · 24-07-2014 01:59 AM

النهارده كنت ماشى بالعربية ومن الصبح كده وطول اليوم الحرارة تمام ومشغل التكييف على طول سواء ماشى او على السلانسية لما انزل اجيب حاجة وارجع على اخر النهار لقيت المؤشر رفع على الشرطة اللى بعد النص وثابت عليها وتحس ان العربية مولعة والميه مظبوطة مش ناقصة والزيت يعنى ناقص سنه فى العلامة اللى بعد الماكس بس شغال موبيل xhp بس ماشى بيه حوالى 2800 كيلو وبعد كده طفيت ودورت لقيت الحرارة اتظبطت تانى المؤشر تمام بالتكييف او بدون ورحت ركنتها عند البيت تفتكرو ايه السبب

**OmarAdel98** · 24-07-2014 03:20 AM

ممكن يكون في تسريب بسيط جدا في الخراطيم بتاعة المية او الريداتير بس خدبالك ان التسريب لو كباية مية تولع العربية ها

**عمرولبيب** · 24-07-2014 03:55 AM

إظاهر ان الايام دى الحاله العامه لمواتير دايو كدا
نفس النظام معايا ولكن نزلت ملقتش ولا اى نقطه فى القربه مليتها وغيرت الخرطوم اللى كان بيسرب
بس الغريبه ان العربيه تمام لو شغاله عاديه انما التكييف بيخلى العربيه نار نار نار ومفيش اى تسريب ولا غيره نهائى خالص

**zendo** · 24-07-2014 04:02 AM

العربية تمام ومفيش تسريب والميه مش بتنقص

**عمرولبيب** · 24-07-2014 04:03 AM

ماهو انا نفس الموضوع بس مع التكييف الماتور بيولع نار ليه بقى مش عارف

**moko_2004** · 24-07-2014 05:16 AM

التكييف بطبيعتة بيسخن العربية لانة بيعمل حمل ميكانيكي مش هين على موتور العربية و اوقات لو فية بلي خشن بيأثثر على شحن الدينامو و على اداء العربية اثناء تشغيل التكييف ولذلك بتحس ان العربية بقت تقيلة لما بتشغل التكييف

ان العربية بتسخن اثناء تشغيل التكييف فدة عيب واضح جدا في الريديتر وانة محتاج تسييخ و تغيير مياة ضرورى
وتراجع على كهربة المراوح ولو الكهربا ضعيفة تزود للمراوح كتاوت

**zendo** · 25-07-2014 04:47 AM

يا جماعةاللى بيحصل ان اول لما ادور العربيةالصبح وتسخن المؤشر يبقى فى الوضع الطبيعى بتاعة مجرد ما امشى واشدبالعربية الاقى المؤشر يعلى عن معدلةالطبيعى اهدى يرجع تانى وممكن تفضل كويسه على طول لحدما اركنها واجى ادور يحصل نفس المشكلة تانى ياترى بقى عيب ايه لانالعربية كانت كويسة وعمرها ما عملت كده من اول ما اشترتها من سنة

**moko_2004** · 25-07-2014 05:14 AM

المشاركة الأصلية كتبت بواسطة zendo

يا جماعةاللى بيحصل ان اول لما ادور العربيةالصبح وتسخن المؤشر يبقى فى الوضع الطبيعى بتاعة مجرد ما امشى واشدبالعربية الاقى المؤشر يعلى عن معدلةالطبيعى اهدى يرجع تانى وممكن تفضل كويسه على طول لحدما اركنها واجى ادور يحصل نفس المشكلة تانى ياترى بقى عيب ايه لانالعربية كانت كويسة وعمرها ما عملت كده من اول ما اشترتها من سنة

اية نوعية المياة اللى بتستخدمها؟؟
اخبار ثرموستات الكوعة؟؟
الريديتر تمام ولا اي كلام؟؟؟
المراوح بتشتغل لما العربية بتسخنو ولا واقفة محلك سر؟؟
دى اللاربع حاجات اللى تشييك عليها ضرورى
السخونية دى بضرب جوان وش السلندر و احتمال تضربلك وش السلندر لا قدر الله

**zendo** · 25-07-2014 05:31 AM

نوع المياة ميه مقطرة
ترموستات الكوعة الاصلى بتاع العربية ومغيرهاش من ساعت ما جبت العربية لانها معملتش معايا مشكلة
الريداتير الاصلى بتاع العربية الفبريكة وزى الفل مفيهوش ولا خرم والميه مش بتنقص وانا مغيرها من 5 شهور
المراوح بتشتغل عادى

**moko_2004** · 25-07-2014 09:05 AM

المشاركة الأصلية كتبت بواسطة zendo

نوع المياة ميه مقطرة
ترموستات الكوعة الاصلى بتاع العربية ومغيرهاش من ساعت ما جبت العربية لانها معملتش معايا مشكلة
الريداتير الاصلى بتاع العربية الفبريكة وزى الفل مفيهوش ولا خرم والميه مش بتنقص وانا مغيرها من 5 شهور
المراوح بتشتغل عادى

المية تتغير فورا لمياه خضرا وياريت كون مياة مركزة وانصحك بالكاسترول علشان المية العادية و المقطرة بتعمل صدأ الدورة بتعوز 3 كلجم و التزويد مستقبلا بيكون بالمية الخضرا المخففة اللى هو الجركن ب 20 جنية

ثرموستات الكوعة ياريت حد يفكة ويشوفة لو كان قافشو لو فية مشكلة يتغير هو ب 30 جنية

لو بعد كل دة مازالت درجة الحرارة لسة بتزيد يبقى امرك لله هتضطر تكشف على جوان وش السلندر يكون صدى و اتقطع و بيهرب على دورة المية