استفسارات بخصوص الالتو الجديده 2015

**mohamed ez** · 24-07-2014 05:50 AM

السﻻم عليكم ورحمةالله
الاعضاء الكرام انا عاوز رايكم فى السوزوكى التو الجديده ﻻنى مقبل على شرائها بإذن الله ودى هتكون اول سياره ليا .. لو حد اشتراها من الاعضاء يفيدنى بعيوبها ومميزاتها ؟ وبالنسبه لقطع غيارها هل متوفرة؟ وهل هى تنفع كسيارة عائلية تتسع ل خمس افراد ؟

انا سالت عليها فى المنصورة فى معرض السبع ب 60الف فهل لو اشتريتها منه وحبيت ازود فيها كاسيت وانذار هيركبهم وﻻ دا ﻻزم يكون من التوكيل ف القاهرة؟
ولو اشتريتها منه بالنسبه للصيانه الدوريه هتكون عنده برده وﻻ فين؟
وايه الحاجات اللى المفروض استلمها مع العربيه؟

معلش اعذرونى على الاسئلة الكتير بس انا اول مره اشترى عربيه وماعنديش اى خبره فيها وكمان كنت محتار بينها وبين المستعمل او الفيرنا جديده اقساط

**shiko85** · 24-07-2014 06:24 AM

المشاركة الأصلية كتبت بواسطة mohamed ez

السلام عليكم ورحمة الله
وعليكم السلام ورحمة الله وبركاته
الاعضاء الكرام انا عاوز رايكم فى السوزوكى التو الجديده محتار بينها وبين المستعمل او الفيرنا جديده اقساط
المستعمل فيه نصب و غش كتير فا بلاش منه احسن خصوصا انها هتكون اول عربيه لكن لو فيه عربيه مستعمله بتاعت حد ثقه الموضوع هيختلف
بالنسبه للــ التو و الفيرنا لو حضرتك تقدر تشترى فيرنا يبقى توكل على الله لانها هتكون افضل من الـ التو فحاجات كتير
و ممكن تفكر فعربيات تانيه بنفس سعر الفيرنا زى الانوس مثلا

**OmarAdel98** · 24-07-2014 06:25 AM

ممكن كمان تصبر شوية لغاية 2015 و تجيب لادا جرانتا

**Mido Casper** · 24-07-2014 06:30 AM

انا من رايي برده لو تقدر تدفع تفكر ف عربيه زي الفيرنا واللانوس و اللوجان هتكون افضلك من الالتو وخصوصا لو عائليه

**S O P H O S** · 24-07-2014 04:17 PM

حضرتك ممكن تشتري مستعمل زي الفيرنا او اللانوس
كمثال ولا الاختيار لازم زيرو ؟

**mohamed ez** · 25-07-2014 01:05 AM

استاذ shiko85
انا فعلا عاوز ابعد عن المستعمل عشان خايف من الغش ولو فيه حد اعرفه كنت هجيب منه ... حضرتك بتقول ان الفيرنا احسن من الالتو ؟ فى ايه ؟ مع انى بسمع كتير مشاكل من ملاك فيرنا من عدم ثبات وفرامل مش كويسه ولازم اغير الجنوط والكاوتش ... دا غير ان الالتو الجديده بيقولو انها بتوفر ف البنزين كتييير جداا
طب لو حتى اقتنعت بالفيرنا هى الافضل ولا اللانوس من حيث الكفاءة واستهلاك البنزين

استاذ OmarAdel98
شكرا لحضرتك بس امكانياتها ايه

استاذ Mido Casper
تفتكر حضرتك ايه الافضل فى التلاته من الناحية الاقتصاديه

استاذ S O P H O S
لا حضرتك مش بفكر فى مستعمل لانى خايف من الغش .. زى مالاستاذ شيكو قال

ياترى ايه الافضل اقتصاديا الالتو ولا اللانوس ولا الفرنا ؟

**shiko85** · 25-07-2014 01:49 AM

المشاركة الأصلية كتبت بواسطة mohamed ez

استاذ shiko85
انا فعلا عاوز ابعد عن المستعمل عشان خايف من الغش ولو فيه حد اعرفه كنت هجيب منه ... حضرتك بتقول ان الفيرنا احسن من الالتو ؟ فى ايه ؟ مع انى بسمع كتير مشاكل من ملاك فيرنا من عدم ثبات وفرامل مش كويسه ولازم اغير الجنوط والكاوتش ... دا غير ان الالتو الجديده بيقولو انها بتوفر ف البنزين كتييير جداا
طب لو حتى اقتنعت بالفيرنا هى الافضل ولا اللانوس من حيث الكفاءة واستهلاك البنزين

فيرنا ماتور اقوى حجم افضل كماليات اكتر (تكييف - باور - زجاج كهرباء)
عدم ثبات من 120 كم/س - فرامل فعلا ضعيفه بس تغيير الجنوط لـ مقاس 14 و كاوتش عريض بيحسن اداء الفرامل بشكل ملحوظ
الألتوا هتوفر بنزين لان الـ سى سى قليل بس فالمقابل hp كمان قليل
المقارنه بين الفيرنا و اللانوس من حيث الكفاءه فأعتقد ان الـ 2 متقاربيين جدا
و استهلاك بنزين هيكون لصالح اللانوس لانها 1500 سى سى
و الوسع الداخلى للانوس كمان

**Mido Casper** · 25-07-2014 04:09 AM

الفيرنا ماتورها اشد من البدي ف مفيش ثبات وواطيه ع الارض و بصراحه انا بحترم اللانوس جدا و تقدر تحس الفرق ف سعر المستعمل
اللانوس اقتصاديه و متاكلش بنزين ،ثابته اكتر ... اللوجان مشفتش حد جربها عشان اقدر افيدك بامانه بس الرينو فرنسي وكويسه برده بس اللانوس اوسع وامتن ... و الاول والاخر بلاش مستعمل عشان بتدفع عليها تمنها او ع الاقل لو هي كويسه هتدفع فيها الفرق بينها وبين الجديد

**Abo_Mazen** · 25-07-2014 12:47 PM

موتور أقوى موتور أقوى ..أنا بحترم الموتور الأقوى ..بس الموتور الأقوى محتاج إقتصاد أقوى للي هيشتري عشان خاطر البنزين ..ولا أجيب موتور 1500 سي سي أو 1600 سي سي وأقضيها بقى بنزين 80 وأوكتان بوستر وتنظيف رشاشات وتغيير فلاتر ..رأي الشخصي ..جيبي وبيتي أولى بالفلوس من الموتور الأقوى ..يبقى خلينا في حاجه سعة لتريه قليله ..وفلوس قليله في البنزين ..وده رأي الشخصي

أنا قريت خبر من كام يوم في أخبار المنتدى هنا إن الدعم هيتشال كليا عن البنزين في خلال 5 سنوات ..يعني لتر البنزين 80 ممكن نجيبه بعد 5 سنين بأربعة جنيه مصري ..

**mohamed ez** · 27-07-2014 01:25 AM

والله ياجماعه حاجه تحير والفروقات غريبه
وانا اهم حاجه عندى توفير البنزين ﻻنى جايب حاجه بديله لزحمة وغلو اسعار المواصﻻت

الموضوع: استفسارات بخصوص الالتو الجديده 2015

LinkBack

أدوات الموضوع

عرض

-

-

-

المواضيع المتشابهه

استلمت السيراتو 2015 النهارده وليا استفسارات

كيا سول 2015 سيارات كيا سول الجديده Kia Soul 2015

موعد مظزل الفورد فوكس سيدان 2015 الجديده كليا الى مصر

شوية استفسارات بخصوص الاوبل استرا الجديده

مساعدة بخصوص قطع غيار الالتو

الكلمات الدلالية لهذا الموضوع

المفضلات

المفضلات

ضوابط المشاركة