مشكله عدم قفشه الفرامل

**Mido Casper** · 24-07-2014 06:26 AM

السلام عليــكم يا شبــاب
مبدئيا كان نفسي حد يفدني ف موضوع صيانه الفرامل لان العربيه لسه جديده ومش سبق ليا عملتها اي حاجة داخليه يعني دايما شغلي فيها ف حاجات سهله
المهم
العربيه نيو اكسنت 2010 بصراحه تحفه ماشاء الله ف كل حاجة وكويسه
بس اخر مره طلعت بيها كنت ماشي ف حدود 40 ك/س
وطلع قدامي عيل صغير ف ضربت فرامل العربيه مجبتش فرامل خالص هدت حاجة بسيطه جدا لما لقيت نفسي قربت عليه جامد رفعت الهاند ووقفت الحمدلله بس بعد كده طول ما انا ماشي العربيه مبتلقطش فرامل من 40-60 مثلا بتهدي بشكل بطئ
جربت على سرعه اكبر من كده العربيه جابت وبتقفش بس ف سالت واحد قالي عايزة تزبيط هواء ف الفرامل وزيت باكم وحاجات غريبه وبصراحه انا .... في المواضيع دي
ف ياريت حد يساعدني ويقولي ايه الصح ^_^
ومتشكريــــــــــــــــــ ـــــــــــــــــــــــــ ــــــــــــــن

**Mido Casper** · 24-07-2014 07:47 AM

14 مشاهده ولا اجابه :(

**hany63** · 24-07-2014 12:25 PM

مع احترامي يعني تبقى مشكله في الفرامل و تستنى رائي الاعضاء و تضيع في وقت اكتر من كده؟!!!
وبفرض ان حد عرف العطل ما انت برضه لازم حد يكشف بنفسه و يصلح و تجرب
معلش متزعلش بس فرامل تعني حياة انسان
تحياتي

**Mido Casper** · 25-07-2014 03:54 AM

السؤال هو ايه العطل فيها عشان اكون فاهم الدنيا ومرحش لميكانيكي ويلبسني في حاجات كبيرة

**yaskhl** · 25-07-2014 09:39 PM

اول حاجه تعملها تروح لمركز صيانه او ميكانيكى كويس وتقول له يعمل رجلاش فرامل خلفى وينظف الطنابير يالهواء امامى وخلفى ويراجع على التيل ان كان يحتاج تغيير ويشوف مستوى زيت الفرامل وياخد هواء للزيت ان كانت محتاجه وتجرب بعدها العمليه كلها مش هتاخد اقل من نصف ساعه والمصنعيه 20 او 30 جنيه.