الموضوع: i 10 club

المشاركة الأصلية كتبت بواسطة ENG\AHMED

الكاسيت المعفن اللى نازل فيها حد عارفله مكان توكيل ولا ضمانه اد ايه
حد باظ معاه الكاسيت؟؟
الكاسيت كل شوية يهيس ده غير ان فى اجزاء ساحت من الشمس بالرغم من ان العربية بقالها 6 شهور ومعظم الوقت واقفة ومتغطية!!!!

انا الكاسيت عندي كان جولدي
و لما استلمت العربيه الضمان بتاعه و المانوال كانوا في الطبلون
لو مخدتهمش كلم التوكيل يديك اسم و عنوان توكيل الكاسيت

المشاركة الأصلية كتبت بواسطة Beam28

انا معايا الآي تن موديل 2010 الاتوماتيك نصف كماليات بقالها حوالي اربع سنين ونصف عاملة حوالي 80 الف كيلومتر.
انطباعي عنها بعد هذه المدة كالأتي:

العربية في المجمل ناعمة وكويسة سهلة القيادة بالذات داخل المدينة وفي الزحمة.
التسارع معقول ولو مشغل التكيف ومحمل بيبقى ضغيف وبتضطر تعمل كيك داون كتير عشان تجمع.
مافيش مشاكل واجهتني جسيمة وعمرها ماعملت اي حركة ندالة واعتماديتها عالية.
التكيف اداؤه مش عاجبني من يوم ماجبت العربية واحنا عندنا الماتريكس كان تكيفها تلاجة (ودلوقتي باظ الكمبريسور كمان).

نيجي للعيوب بقى اللي ظهرت:

عند عشرين الف كيلومتر علبة الدركسيون باظت وغيرتها في الضمان
دلوفتي عند التمانين علبة الدركسيون باظت تاني وعايزة تتغير المرة دي برة الضمان وعاملة 2500 جم
التوكيل قالي ان كمان فيه حاجة اسمها قطمة الدركسيون عايزة تتغير ودي تمنها 3500 جم
المفاجأة بقى ان الكمبريسور بتاع التكيف كمان عايز يتغير لأنه بيعمل صوت خشن وده تمنه 5000 جم

يعني العربية عايزة حداشر الف جنيه عشان اصلح حاجات المفروض انها تستحمل شوية العربية ماكملتش حتى ال 100 الف كيلو. وانا قيادتي معتدلة ومش بتاع جري بس للأمانة التكيف بشغله على طول صيف وشتا واحتمال يكون ده السبب ان الكمبريسور باظ.

غالبا كده العربية جابت آخرها وإن شاء الله هابيعها وكفاية عليها كده الفترة اللي فاتت كتر خيرها.

أي استفسارات انا في الخدمة.

ما شاء الله و ربنا يبارك لك فيها
انا مختلف معاك في انها ناعمه و ان التكيف علي قده
بس الله اعلم هل دي في الشكل القديم و غيروها و لا لا

بالنسبه للعيوب كان الله في عونك
حوار علبه الدريكسيون ده منتشر في اغلب الهيونداي و ناس اشتكت منه في الماتريكس و الالنترا
واضح ان المورد بتاعهم تعبان
و للاسف اللي انت بتقوله ده هو اكبر عيب لل i10 و هو ان ملهاش قطع غيار بره التوكيل و لازم تلجا اليه و طبعا اسعاره شمط
عموما حاول تسال علي حاجات البيكانتو الشكل القديم المفروض انها نسخه ال i10 و المفروض ميكانيكيا الاتنين واحد

المشاركة الأصلية كتبت بواسطة ENG\AHMED

دلوقتى نوع اسمه black volume كاسيت زباااالة بمعنى الكلمة

هما تقريبا كل سنه بيغيروا نوع الكاسيت
عموما انصحك بتغييره هو و السماعات المعفنه اللي راكبه
انا عملت كده و الفرق كبييييير

المشاركة الأصلية كتبت بواسطة ENG\AHMED

2014 الكاسيت القذر ده
صوت زبااااالة
بيهيس كتيييير جدا تدوس على زرار يعملك حاجة تانية بتاعة زرار تانى وكل الزراير كده
الجديد بقى ان لقيت حتت فى الوش ساحت من الشمس
العربية زيرو مكملتش 6 شهور ومبتتحركش كتير اصلا واغلب الوقت متغطية

هو فعلا حله التغيير بس بعد لما اعملهم فضيحة الاول واخد حقى

go on
بس غبور مش هيعمل لك حاجه و هيقول لك اطلع علي وكيل الكاسيت
مع انه شكله نظيف و كنت فاكره احسن من الجولدي بس بعد كلامك الجولدي يكسب
و كلهم صوتهم زباله لان السماعات المتركبه متوصلش لسماعات موبايل صيني