العربيه اللي بابا جيبهالك مش لعبه

**ahmedsamir79** · 24-07-2014 12:22 PM

العربيه اللي بابا جيبهالك مش لعبه تجري بيها علي الطرق السريعه و تلعب بيها وتهدد حياة الناس.
ده مش كلام انشاء.....الشهر اللي فات كنت مسافر مع عيلتي لمطروح و ماشي بأمان الله علي سرعة 100 (أنا مبحبش أجري بالأخص وولادي معايا).
بعد الحمام بشويه عربيه سيراتو جايه صاروخ بتجري من جنب الطريق عامت من اللي كان سايقها و خبطت عربيتي...أنا كنت شايفه في المرايه وهو عمال يتمرجح و يلعب...

المهم خبطني من ورا و أستمر في سحل عربيتي قدامه لغاية لما أتقلبت مرتين علي السقف , العربيه أدمرت كليا
الناس ساعدونا علي الطريق و طلعونا من العربيه وهو وقف شويه صغيرين وبعدين خد عربيته و هرب

حتت عيل عنده 18 سنه و معاه ولد تاني أده و بنتين نفس السن
مراتي وولادي طلعوا بشوية كدمات محترمه(كلنا كنا رابطين الحزام- حتي الأطفال ورا) و أنا الحمد لله عندي مجموعة كسور متعدده في الكتف و الترقوه و أحتجت اعمل عمليه معقده في الكتف مع أحتمال حدوث عجز في مفصل الكتف بنسبه من 10 ألي 25 %

الحمد لله رب العالمين
و حسبي الله و نعم الوكيل

**amr011111** · 24-07-2014 12:29 PM

ألف سلامه يا باشمهندس

**zangry** · 24-07-2014 12:32 PM

الف سلامة علي حضرتك وعلي الاسرة وحمدلله علي سلامتكم

**Mohamed_Hamid** · 24-07-2014 01:08 PM

الحمد لله على سلامتكم
مجرب شعور الخوف على اسرتك فى مواقف الطريق دى والحمد لله الذى نجانا ونجاكم وربنا يسلمنا وينجينا جميعا ويحفظنا من كل شر

**drcobra** · 24-07-2014 02:53 PM

الف سلامة والعيب مش على العيال العيب على اهاليهم اللى معلمهمش
ولو فى شرطة كان واحد زى ده لو معاه رخصة اساسا كانت اتسحبت ولو عمل كدة تانى يتحبس بس للاسف البلد وسخة وعايزة نظافة

**ramymechanics** · 24-07-2014 03:02 PM

و الله اما بشوف العيال الصغيرة عندنا فى الرحاب راكبين موتوسيكلات و بيتش باجى و طايرين بيهم بقول هم اهلهم مش بيخافوا عليهم وعلى الناس ؟؟ يعنى دة لو خبط عيل موته مثلا ماهو ابو العيل دة هيمسك الواد دة يقتله ..... والله انا كنت بتحايل على ابويا اركن بس العربية وانا عندى 22 سنة ومكانش بيرضى الا اما اطلع رخصة
نصيحتى ليك .... تاخد حقك تالت ومتلت انت راجل اتأذيت انت وعيلتك من شباب معندهمش مسؤولية تطالب بتعويض و تاخده ومتسمعش اى كلام عاطفى من نوعية دول زى ولادك و انت هتقبل على نفسك العوض و جت سليمة .... لازم اهله يتنفخوا فى مبلغ محترم و دة اقل واجب مش انت تعيش بعاهة وييجى حد يقولك متقبلش العوض

**J A G U A R** · 24-07-2014 03:52 PM

لا حول ولا قوه الا بالله

العيال دى المفروض متتسبش وازاى هربو كده ..

**ahmedsamir79** · 24-07-2014 05:06 PM

لأ عربيته متقلبيتش

**hilal** · 24-07-2014 05:20 PM

حمدا لله على سلامتك انت واسرتك
شيء محزن حقا
حسبنا الله ونعم الوكيل

الموضوع: العربيه اللي بابا جيبهالك مش لعبه

LinkBack

أدوات الموضوع

عرض

العربيه اللي بابا جيبهالك مش لعبه - انشر الموضوع فى :

-

-

-

-

-

المواضيع المتشابهه

كعبين العربيه او الاسم اللي بيلقيه السمكريه علي اخر عتب العربيه من ورا

انا مش مصدق اللي حصل في العربيه ده

ايه العربيه اللي فحدود 200 الف

عايز اشتري منفاخ لكاوتش العربيه اللي معاه وصله بطاريه تقوم العربيه لو البطاريه نامت

العربيه اللي زي الكريستاله ؟

الكلمات الدلالية لهذا الموضوع

المفضلات

المفضلات

ضوابط المشاركة