-
حادثه فظيعه!!!!
امبارح و انا رايح الشغل الساعه حوالى 7 مساء على الطريق الزراعى القاهره الاسكندريه قبل قليوب بحوالى 5 كيلو كان فييه حادثه فظيعه جدا على الطريق المعاكس اللى خارج من القاهره و كانت موقفه الطريق فتره طويله و صدق او لا تصدق عربيتين تريلا بالمقطورتين بتاعتهم محروقتين تماما بالاضافه الى حوالى 6 عربيات ملاكى و بيجو اجره محروقين بالكامل زى النقل و عربيه نصف نقل مقلوبه على الكابينه و عربيتين ميكروباص مدمرين دول اللى عرفت اعدهم و كان فييه عربيات اكتر بس من شده تلاحم العربيات فى الحادثه متعرفش تعد عدد العربيات كان نفسى اصور لكم المنظر الفظيع ده بس طبعا مكانش ينفع علشان كنت سايق ياريت اللى يعرف معلومات عن الحادثه دى يقولنا اييه اللى حصل و ياريت ندعى بالرحمه و المغفره للناس اللى ماتت و ندعى بالشفاء للمصابين و ربنا يسترها معانا كلنا و يسهل لينا طريقنا :cry:
-
طلعوا 11 عربية اتدمروا تماما
بس الحمد لله الوفيات واحد فقط
ربنا يستر طريقنا
-
الخبر نقلا من الاهرام
السرعة الجنونية كانت سببا في كارثة فجر أمس بطريق قليوب, حيث احترقت11 سيارة نقل وملاكي وأجرة, وقتل ميكانيكي, وأصيب ستة آخرون, وتعطلت حركة المرور لأكثر من ساعتين. وتبين من معاينة الرائد هاني أبوسريع رئيس المباحث لمكان الحادث أن سيارة نقل بمقطورة كانت تسير بسرعة كبيرة, وفوجيء قائدها بحادث علي الطريق فلم يستطع التحكم في عجلة القيادة فاصطدم بالسيارات, وكانت إحداها تعمل بالغاز فانفجر خزانها. :!: :!: :shock:
وبينما ترفق القدر بسائق سيارة يدعي حسين محمد فلم يلق مصرعه, إلا أن النيران التهمت30 ألف جنيه كان عائدا بها كحصيلة لبيعه الجبن لأحد المتاجر بالقاهرة :cry: . وقالت مصادر إدارة النقد بالبنك المركزي لمندوب الأهرام عصام مليجي: إن علي المواطن صاحب الأموال المحترقة التوجه إلي مبني البنك المركزي لفحصها بواسطة الموظف المختص لصرف بدل الأوراق التي تبقي منها أحد الرقمين المسلسلين سليما, حتي ولو لم يتبق من الرقم المسلسل الآخر سوي رقم أو اثنين :o
-
فعلا الخبر منشور صفحة أولى في الأهرام ونصه كالآتي :- " السرعة الجنونية كانت سببا في كارثة فجر أمس بطريق قليوب ، حيث احترقت 11 سيارة نقل وملاكي وأجرة وقتل ميكانيكي وأصيب ستة آخرون وتعطلت حركة المرور لأكثر من ساعتين " تفاصيل ص 32 .
لله الأمر من قبل ومن بعد .
-
لا حول ولا قوة الا بالله
اللهم ارحمنا برحمتك
فين مشروع تقنين سرعة التريلات
-
الحادث تم عرض بعض المقاطع منه ببرنامج القاهرة اليوم امس الاربعاء 18-07-2007 ، وبكل صدق المرور لدينا لا نظام ولا اى ظبط ولا ربط لدينا بالطرق ، واقسم بالله لو ان الحادث لاحد المسئولين الكبار او احد ابناء المسئولين لانقلبت الدنيا وتم تخطيط الطريق وضبطة
لكى الله يامصر
-
لا حول و لا قوة إلا بالله
يارب سلم لنا طريقنا
-
و الله يا جماعه اللى يشوف الحادثه دى يحس ان صاروخ و لا قنبله انفجرت فى المكان منظر فظيع بس الحمد لله ان الخسائر كانت قليله و ربنا يعوض على الناس اللى تضررت من الحادثه دى و ياريت يشوفوا حل للنقل التقيل ده علشان يقللوا الكوارث اللى بتحصل
-
- والله المقطورات ديه بقت مشكلة كبيرة جدااا جدااا
وبتشكل خطورة كبيرة جداا على السيارات اللى بتبقا فى نفس الطريق معاها
وللاسف كمان السائق السائق بيبقا اغبى السواقين
يعنى انا امبارح كنت طالع المقطم وقبل ما الف ملف اللى هطلع منو على المقطم
كان فى شارع طالع منو عربيات وطلع منه مرة واحدة مقطورة
وداخل مش همه اللى ماشى فالمهم حظى كان يطلع قدامى
المهم اديلو كلاكس ونور ابدااااا طبعا انا خفت وهديت خالص وسيبتو يعدى
احسن حمار زى ده مجنون ويدخل فيا يطيرنى
يعنى السواقين نفسهم عاوزين سواقين دول مش سواقين
وكل واحد فاكر نفسو راكب طيارة وعاوز يدوس على الناس اللى ماشية
-
لا حول و لا قوة إلا بالله
ربنا يكفينا شر الحوادث
Content Relevant URLs by
vBSEO 3.6.0 PL2