محتاج مشورتكم في كام حاجة

**AhMeD EzZ** · 18-10-2008 11:16 PM

انا بعتبركم هنا من الاخوة ليا عشان كدة قررت اشاركم في اختيار مشروع ليا
انا بصراحة حاليا بفكر في اني افتح مطعم
ايه رايكم
انا مممكن احط فيه 45000 جنية
و طبعا المحل ايجار انتو ايه رايتكم
و طبعا المحل هيكون ايجار مؤقتا
هل مشروع كويس و لا ممكن حاجة تانية
ناس اقترحت عليا اني اجيب عربية قسط و اجرها
هدفع نفس المبلغ
قلت ممكن اجيب الشارك الي ب 130

انتو رايكو انهي مشروع اجسن
و اراعي ايه في المطعم لو هعملو
المكان بتاع المطعم ممكن يكون شبرا او حتة تانية
بس الاولية لشبرا

==============
في حاجة تانية كنت فكرت فيها بس دي مش قبل سنة او اتنين عقبال ما اعملها
هي اني اشوف صاحب ارض و نتفق شرك علي عمارة
هو بالارض و انا بالبنا
يعني مثلا لو 8 ادوار هو 4 و انا 4 و المحلات بالنص برضة
ايه رايكم و البنا مثلا لو علي ارض 400 متر يكلفني حوالي كام

**Miss_Pharma** · 19-10-2008 12:03 AM

بصراحة بلاش موضوع البنا ده .. لان اسعار الحديد والاسمنت كل يوم بتغلى .. ده غير انك لو ملكش في الموضوع هتلاقي صعوبة في توفير عمال باسعار كويسة ..

ده الواحد لما بيجي يشطب شقة بيطلع عينه .. امال بنا عمارة بقى ..
انا بصراحة شايفة موضوع المطعم هيبقى كويس .. الناس مبتبطلش اكل .. ومفيش مشروع اكل بيخسر لو كان كويس ..

ربنا يوفقك ..

**waled369** · 19-10-2008 12:06 AM

خليك في المطعم أحسن
و لو عندك أرض بتاعتك ابني عليها و بلاش موضوع الشراكة دي خالص
ربنا يوفقك و يصلح حالك

**دموع الثلج** · 19-10-2008 01:17 AM

موضوع المطعم حلو بس لازم تدرس الفكره كويس جدا وخصوصا

تحديد النشاط لان ده مهم وده بيحدده المكان اللى حضرتك هتفتح فيه المحل

المنطقه دى ممكن يصلح فيها ايه يمشى كثير وفيه اقبال عليه

الناس اللى فى المنطقه مستواهم المادى

لان فيه مشكله الان المواد الخام قبل التصنيع سعرها غالى اصلا
انت لسا هتصنع وهتضيف عليها هامش ربح معقول شوف هيوصل سعر البيع كم للوجبه مثلا

شوف سكان المنطقه اللى حولين المحل وضعهم ايه

اهم شى فى الموضوع بعد الايمان بان الرزق بيد الله

لو حضرتك مش هتابع المحل بنفسسسسسسسسسسسك وتعتمد على صنايعيه مش هيخلو حاجه تدخل جيبك يبقى وفر فلوووسك وحطهم فى اى بنك

**dr_abooody** · 19-10-2008 02:06 AM

موضوع العربية دة حاسس انو مش مضمون
بس هو بصراحة بيكسب جامد و مش هتحس بالمكسب غير لما تخلص الاقساط

يعني العربية ممكن تتأجر ب 2000 او 3000 في الشهر

بس لازم تكون مأمن عليها عشان ما تضمنش اللي بيأجرها هيعمل فيها ايه
يعني انت عايزلك 3 سنين عشان تخلص اقساطها و تبدأ تحس بمكسبها و ساعتها هتكون بقت قديمة و استهلكت
بس انت ممكن تشتري لانسر شكل قديم ب 90 الف مانيوال 1600 هتجيب ايجار حلو و هيكون فاضلك 45 الف و تخلصها بسرعة
و المطعم دة حاسس انو هيبقى حمل كبير و لازم ناس بتطبخ و واحد يحاسب و التاني يسلم الاكل
و ممكن اللي بيشتغلوا يسرقوا جزء من ايراد المحل الا اذا فضلت اعد في المحل على راسهم و تبقى على الكاشير

**omardeneo** · 19-10-2008 02:41 AM

مشكلة المطعم الكبرى انك لو مش عندك خبره فيه هتكون تحت رحمة الصنايعيه و هياكلوك

خليك فى موضوع العربيه احسن

**محمد أنور** · 19-10-2008 10:46 AM

المشاركة الأصلية كتبت بواسطة dr_abooody

و ممكن اللي بيشتغلوا يسرقوا جزء من ايراد المحل الا اذا فضلت اعد في المحل على راسهم و تبقى على الكاشير

+100000000000000
تمام 100% .. انا اعرف واحد قريبنا كان فاتح مطعم في شبرا الخيمة كان بيشتكي من الصنايعية مر الشكوى .. بيقول انها وصلت بيهم انهم ياخدوا الأكل معاهم الحمام و ياكلوه .. ده غير الفلوس اللي بتتقلب و هو مش موجود .. و كان مبيروحش بيته عشان يقعد على راسهم

**AhMeD EzZ** · 19-10-2008 02:29 PM

يعني كدة اركز فيموضوع المطعم او العربية بسلو مطعم
مش عارف اعملة نظام ايه take away و لا فول و طعمية و لا كشري محتار بتامسبة للنقطة دي
بالمسبة للمتابعة ان شاء الله مقدور عليها