هل دى مشكله جهاز ولا مشكله أسلاك أو مشترك ؟

**a raafat** · 24-07-2014 04:49 PM

السلام عليكم

لو سمحتوا يا جماعه انا من حوالى اسبوع جيبت جهاز كمبيوتر للأسره وجيبته مستعمل
المهم فى مشكله مضايقانى وهيا انى ساعات اجه افتحه الكيسه مش بتفتح
أقوم شايل الفيشه وحاطتها تانى او فاصل المشترك وموصله واجرب اشغل الكيسه بتشتغل

السؤال بقى هل ده عيب جهاز زى مثلا باور سبلاى بايظ
ولا ده عيب أسلاك زى كابل الباور مثلا او المشترك نفسه مش حلو ؟

**shiko85** · 24-07-2014 05:16 PM

وعليكم السلام ورحمة الله وبركاته
عيب باور سبلاى

**ahmedfouad** · 24-07-2014 09:16 PM

فى لوز (loose) فى الفيشة اللى راكب فيها كابل الكمبيوتر
جرب فى فيشة تانية محكمة كويس لو العيب استمر
يبقى فى مشكلة فى الباور سبلاى او البوردة
بس اعتقد ان العيب فى ماخذ الكهرباء اللى انت بتستعمله

**Land_Cruiser** · 24-07-2014 09:37 PM

وصّل الكمبيوتر مباشره علي فيشه الكهرباء بدون المشترك و شوف هيشتغل و لا لأ. لو اشتغل بدون مشترك يبقي المشكله في المشترك اما لو عمل نفس الحركه برضه يبقي العيب يا اما في الأسلاك او power supply او احتمال يكون عليه virus او تكون مروحه ال processor مش شغاله او بتشتغل و تقف مثلا بعد كده . المهم ابدا بأبعاد المشترك في الاول

**a raafat** · 24-07-2014 11:40 PM

شكرا يا جماعه عالردود والاهتمام
بصوا هوه انا هحاول ابدأ بالتدريج هغير كابل الباور واشوف المشكله هتتكرر ولا لا لو اتكررت هغير المشترك لان صعب اوصل الجهاز بالفيشه بعيده عنه للأسف لو برده اتكررت كده يبقى للأسف بنسبه كبيره عيب باور سبلاى صح ؟
طب ممكن حد يفيدنى ويقولى الباور سبلاى بكام ؟

**ahmedfouad** · 25-07-2014 02:08 AM

المشاركة الأصلية كتبت بواسطة a raafat

شكرا يا جماعه عالردود والاهتمام
بصوا هوه انا هحاول ابدأ بالتدريج هغير كابل الباور واشوف المشكله هتتكرر ولا لا لو اتكررت هغير المشترك لان صعب اوصل الجهاز بالفيشه بعيده عنه للأسف لو برده اتكررت كده يبقى للأسف بنسبه كبيره عيب باور سبلاى صح ؟
طب ممكن حد يفيدنى ويقولى الباور سبلاى بكام ؟

هو الجهاز اوريجينال ولا تجميع ؟
ونوع المازر ايه؟

**a raafat** · 25-07-2014 04:48 AM

المشاركة الأصلية كتبت بواسطة ahmedfouad

هو الجهاز اوريجينال ولا تجميع ؟
ونوع المازر ايه؟

الجهاز انا جايبه مستعمل معتقدش انه تجميع
ونوعه ديل

**ganash** · 25-07-2014 10:04 PM

طالما الجهاز بيشتغل كويس يبقى مش عيب جهاز اعتقد انه من المشترك جرب واحد غيره

**a raafat** · 26-07-2014 06:07 PM

المشاركة الأصلية كتبت بواسطة ganash

طالما الجهاز بيشتغل كويس يبقى مش عيب جهاز اعتقد انه من المشترك جرب واحد غيره

تسلم يا باشا عالرد والاهتمام

بصوا يا جماعه انا شيلت المشترك ده وحطيت مشترك تانى بشغل عليه تلفزيون ورسيفر ولاب توب والمشكله ظهرت برده فرجعت المشترك الاولانى الجديد
جيبت كابل باور جديد وركبته والجهاز مفتحش برده
قومت مرجع كابل الباور الاولانى

ملحوظه
فى كل مره بمجرد ما بوصل الكهرباء الكيسه بتنور هيا والسى دى بس لما بضغط على زر الباور الجهاز مش بيفتح فبشيل كابل الباور من الكيسه واحطه تانى يقوم فاتح