الموضوع: شيكووووو

شيكو حبيب هارتي ربنا يجيبهولنا تاني بالسلامة:)

و الله كانت ايام زي العسل
و مقابلات غايه في الروعه و الصفاء
مع ناس الواحد بيحبها و ليها كيانها
و الحمد لله ان مافيش اي مقابله فاتت عليا
ما انساش اخر مره و اخر نظره من شيكو لينا قبل ما يمشي
كانت بتحمل معاني كتير اوي
ما يحسهاش غير اللي اتغرب قبل كده :(
يالا ربنا يوصله بالسلامه و نشوفه علي خير ان شاء الله

طبعا كنت أود أن أسعد بصحبة شيكو و زوجته زي ما كنا متفقين.. انما واضح ان الشباب كلوا الجو مني خالص

طيب بلاش شيكو.. كان نفسي أشوف زوجته اللي قعدنا نتراسل على الفيس بوك مدة على أمل اننا نشوف بعض في مصر.. انما الوقت في مصر يجري كالسهم.. عارفة يا شيكو.. أنت هاتقوللي؟

ان شاء الله السنة الجاية يكون لينا نصيب نتقابل، و مين عارف؟ يمكن نعملها مقابلة عائلية و نشوف احمد ابراهيم و مدام شوماخر و الأولاد اللي احمد عمال يحكي لنا عنهم من غير ما نشوفهم

حمدا لله ع السلامة يا شيكو

و الله ما عارف أقول إيه يا أحلى ناس في أحلى بلد

رغم إن الأجازة كانت أطول اجازة أخدها من ساعة ما جيت كندا ..لكن الوقت طار مش عارف ازاي

و أنا قاعد دلوقتي في تورنتو مش مصدق اني كنت في مصر من كام ساعة بس ....... .وحشتوني كلكم

اللي مصبر الواحد إنه أتعرف على شخصيات نادرة الوجود فعلا و عرف يخطف سويعات قليلة معاهم انما حفرت ذكريات جوه العقل و القلب

موتو يا صديقي الجميل...... ليك أخ بيحبك في كندا مستنيك ما تطولش عليه ....فعلا إنت انسان عالمي يا باشا global citizen يعني

برو باشا ......أنا متأكد انك شخصية خيالية ....مش ممكن تكون بالطيبة ديه و الأخلاق ديه ....و كمان موسوعة شاملة ....ربنا يبارك لك يا رب

ابيزا باشا حبيب هارتي ....معلهش يا عسل ما عرفتش أقعد معاك كتير انما تتعوض باذن الله

سنيور زيموس يا قمر ......احنا على موجة واحدة يا صاحبي .....أخوك رجع للنت تاني و حكلمك في أقرب فرصة

علا باشا أنا و المدام خسرنا كتير إن ما عرفناش نقابلك لكن ربنا ما أرادش المرة ديه .....يا رب ييسر الأمور يا رب و أقدر اشارك في نشاطاتك المتعددة و لو عن بعد ......موضوع المقابلة العائلية ده ضروري خصوصا إن ليا عند توأمي الجميل أحمد باشا عزومة أنا و المدام خدت بيها rain cheque إن شاء الله ....طبعا توأمي ده عايز موضوع لوحده ربنا يصلح لك الدين و الدنيا و الأخرة يا حمادة

ahmedcar باشا ربنا يديم المعروف يا جميل ...إنت إنسان طيب و تستاهل كل خير بامر الله

تحية خاصة لأحلى دكاترة معاذ و ستورم و meza و كريم عشماوي....عاشق الديزل و الفولكس VW driver و زميله مثال الأدب الجم علاوي باشا .....و حبيب هارتي أحمد باشا سامي ......أنا كسبت كتير اني قابلتكم

اللي كان نفسي أقعد معاهم أكتر بس ربنا ما أذنش المرة ديه كان الكنج سعداوي و صديقي اللدود فادي و أخي الخلوق وليد عبد العزيز و المتألق نادر نبيل و العزيز alijandro و خبير المعادي محمد باشا إيهاب

طبعا كان نفسي ألحق مقابلة تانية عشان أقابل الزعيم كريم منير و الدكتورين أحمد سمير و أحمد عبد الغني و sumo باشا و شاركي باشا و محمد باشا إيهاب و جودل باشا و سبعاوي باشا ....إن شاء الله الأجازة الجاية أظبطها مع ميعاد المقابلة

حمدا لله ع السلامة يا شيكو :)