السلام عليكم ورحمته وبركاته:أى عضو فاضل عنده فوياجر أو تاون أند كانترى أو قدامه أياً منهم موديلات من 96 إلى 2000 للبيع
ياريت يقولى وأنا جاهز بشرط الحالة المعقولة والسعر الواقعى ولكل الأخوة الأفاضل التحية والشكر وكل سنة والجميع بخير.
عرض للطباعة
السلام عليكم ورحمته وبركاته:أى عضو فاضل عنده فوياجر أو تاون أند كانترى أو قدامه أياً منهم موديلات من 96 إلى 2000 للبيع
ياريت يقولى وأنا جاهز بشرط الحالة المعقولة والسعر الواقعى ولكل الأخوة الأفاضل التحية والشكر وكل سنة والجميع بخير.
بالنسبه للسعر الواقعى لانى بشوف مبالغة دلوقتى اية الاسعار الواقعيه ؟
يا عزيزى السعر الواقعى بيتحدد وفقاً لكذا حاجة أولهم ظروف السوق وارتفاع معدل استهلاك البنزين وغلو تمنه ده مبدئيا ثم موديل وحالة العربية ولو تحديدا النوع اللى انا طالب اشترية يعنى حالة الصالون والاوبشن شغالة ولا لاه رقم الشاسية هوه رقم الموتور ولا متغير الفتيس بتاعها ولا لاه الكنترول اخباره اية زجاجها اسود ولا ابيض وهكذا وبما انى بقالى شهر فى الموال ده اقولك على سبيل المثال فى اعلانات لعربيات موديل من 96 لـ98 بقالها سنة وأكتر لان اصحابها بيقولوا من 70 لـ90 الف فى حين ان فى خلال يومين اتباعت 3 عربيات واحدة 97 واتنين 98 لان اصحابها واقعيين اكتر واحد كان طالب ان 53 اتباعت ب50 وواحدة اتباعت ب44 والتالتة 47 وانا شخصيا شوفت واحدة منهم كانت معقولة جدا سودا وزجاج فيمية بتاعة ظابط بحرى لكن مليش حظ اشترى حاجة منهم لسه النصيب مجأش وبإختصار المشكلة تتلخص ان فى ناس مش فاهمة متطلبات وظروف السوق وللحقيقة ابتديت ازهق وعلى وشك اغير وجهه نظرى لان اصحابى لما سمعوا طلبى ده اختلفوا فى وصف حالتى بين انى مجنون وبين بشترى قتيل وبين عايز اجيب لنفسى مصيبة وده طبعا لشهرة قصة غلو قطع الغيار وندرتها وارتفاع اسعار الصيانة ومش ان اى حد يشتغل فيها يعنى لا قدر الله لو عطلت فى طريق حلى الوحيد ونش لاقرب مركز خدمة كفاية كده بئا احسن انت قلبت عليا المواجع :mahf(5):واسف للاطالة طبعا وكل سنة وانت بخير ومتشكر لإهتمامك وإتشرفت بيك:tumb:
أضافة بسيطة لو تسمحلى:إن فى عربيات الموديلات اللى ذكرتها بتوصل 60 ويمكن 65 بس دى تسمى شاذة جدا يعنى مشتغلتش سياحة ومتأخدتش من مزاد بتاعة صاحبها يعنى من الزيرو او تانى يد كيلو متر معقول جدا لسننين الاستهلاك وهكذا ويارب يكون ليا نصيب فى حاجة منهم دعواتك يا صديقى العزيز