الصيانة خارج التوكيل و المفروض اعمل ايه و لتوكيل اسعارهم خيالية و العربية عيوبها كتير

انا باعمل كل الصيانات في التوكيل لحد ال 40 الف و دايما بأسال على كل صيانة قبل ما اروح المهم في صيانة ال 40 الف اتصلت قبلها و سألت قالو لي 1700 جنية للصيانة فطبعا كبرت دماغي منهم و غيرت زيت و فلتر و مياة الريداتير و وقفت على كده و ماشي بيها حوالي الفين كيلو مافيش مشكلة ... بس انا عاوز اعرف المفروض ايه اللي يتغير و كل اد ايه ؟ زيت الفرامل و زيت الفتيس و لو في سيور بتتغير بردو ؟
طبعا بغض النظر عن التيل اللي بيتغير كل 8 الاف كيلو انا عامل 42 الف و غيرت تيل 5 مرات لحد دلوقتي و طنابير مغيرها في الضمان و انا في 30 الف كيلو و مغير بلي عجل في الضمان بردو و حاليا ابتدي يطلع صوت تاني رحت لهم على العيب ده بس المهندس في التوكيل قالي لما الصوت يطلع على السرعات الواطية ابقى تعالى تاني !! الصوت بيطلع بعد ال 120 كيلو و مع المشي فوق ال10 دقايق مثلا على السرعة العالية .
انا حاليا لو في سيولة كنت بعتها من زمان و جبت عربية تانية بس انا مضطر اعيش مع العربية سنتين كمان و مش هاروح ادفع لي 1700 جنية كل شهرين و لا تلاتة كفاية ال300 جنية اللي بادفعهم تيل فرامل كل 8 الاف كيلو

بصراحه حوار التيل دا رخم جدا جدا جدا
ربنا يكون فعونك !

اعتقد الميكانيكيه هيشتغلوا فالنيسان عادى و عيوب الصناعه قليله فاعملها بره و خلاص

الميكانيكي يشتغل فيها عادي مافيش فيها حاجة معقدة او خارجة عن المألوف الفكرة ان انا مش عارف توقيتات تغيير الزيوت و السيور و الصيانات الدورية العادية بيتغير فيها ايه ؟

لو بوجيهات عادية مش بلاتينيوم يبقى هتغيرها عال 40 الف كيلو
فلتر هواء
زيت فتيس اوتوماتيك

انا لسه ما غيرتش زيت الفتيس ... لما رحت اغير الزيت الراجل هناك قالي اغيره على 60 الف

اقتباس:

---

المشاركة الأصلية كتبت بواسطة ramiabbas

انا لسه ما غيرتش زيت الفتيس ... لما رحت اغير الزيت الراجل هناك قالي اغيره على 60 الف

---

ياريت تغيره قبل ال 60 الف كمان

افتح كتاب بتاع الصيانه مكتوب فيه كل كيلو بتغير فيه ايه

اقتباس:

---

المشاركة الأصلية كتبت بواسطة RamiAbbas

انا لسه ما غيرتش زيت الفتيس ... لما رحت اغير الزيت الراجل هناك قالي اغيره على 60 الف

---

ياباشا بلاش ال 60000كم دي كتير اوى على زيت فتيس معدني كبيره يتغير على 40000كم وحط موبيل atf 320 كويس أو تجيب الزيت الأصلي من التوكيل أفضل وغير معاه فلتر زيت الفتيس

تغيير زيت الفتيس محتاج اروح لميكانيكي و لا اي بتاع زيت يغيره عادي ؟

حضرتك جبت التيل ب300 جنيه منين عشان فى التوكيل دلوقتى بالتركيب 650 جنيه وغيرت التيل فى الضمان ولالا

الاخ العزيز تحيه طيبه وبعد انا مش بنصحك انك تخرج خارج الضمان بسبب مبلغ ده لان العربيه وعن تجربه من ناس قريبين ممكن يحصل مشكله كبيره زى الماتور او الفتيس سعتها المبلغ حيببقى صعب اما التغيرات موجودة فى الكتب ونصيحه تستعوض ربنا وتروح تعمل الصيانه ومش تقول انك غيرت حاجه برة ودى نصيحه

اقتباس:

---

المشاركة الأصلية كتبت بواسطة theblackpirate

حضرتك جبت التيل ب300 جنيه منين عشان فى التوكيل دلوقتى بالتركيب 650 جنيه وغيرت التيل فى الضمان ولالا

---

انا غيرت في التوكيل 3 مرات من ابو 650 جنية مرتين على حسابي و اخر مرة غيروا التيل و الطنابير في الضمان و كان معاهم الكاليبر بتاع الفرامل .. طقم فرامل كامل و مرتين خارج التوكيل
خارج التوكيل بيكون تيل تويوتا كورولا تمنه 150 و باعمل الطنابير خراطة ب 40 جنية و الميكانيكي بياخد 50 جنية تركيب يعني كله 240 جنية ... التيل بتاع التوكيل بيكمل ال 8 الاف بالعافية التيل اللي بره واحد قعد معايا 10 الاف و التاني 12 الف كيلو

اقتباس:

---

المشاركة الأصلية كتبت بواسطة د/ عمرو فاروق

الاخ العزيز تحيه طيبه وبعد انا مش بنصحك انك تخرج خارج الضمان بسبب مبلغ ده لان العربيه وعن تجربه من ناس قريبين ممكن يحصل مشكله كبيره زى الماتور او الفتيس سعتها المبلغ حيببقى صعب اما التغيرات موجودة فى الكتب ونصيحه تستعوض ربنا وتروح تعمل الصيانه ومش تقول انك غيرت حاجه برة ودى نصيحه

---

انا حاليا ما فيش 1000 جنية حتى معايا ممكن اعملها المرة الجاية او اول ما تيجي فلوس طالما الموضوع ممكن يكبر اوي كده ... و احنا في مصر بيتنصب علينا غصب عننا و بالعافية و مالناش حق لا بقانون و لا بأي حاجة .

اقتباس:

---

المشاركة الأصلية كتبت بواسطة ramiabbas

انا غيرت في التوكيل 3 مرات من ابو 650 جنية مرتين على حسابي و اخر مرة غيروا التيل و الطنابير في الضمان و كان معاهم الكاليبر بتاع الفرامل .. طقم فرامل كامل و مرتين خارج التوكيل
خارج التوكيل بيكون تيل تويوتا كورولا تمنه 150 و باعمل الطنابير خراطة ب 40 جنية و الميكانيكي بياخد 50 جنية تركيب يعني كله 240 جنية ... التيل بتاع التوكيل بيكمل ال 8 الاف بالعافية التيل اللي بره واحد قعد معايا 10 الاف و التاني 12 الف كيلو

---

طب سؤال اخير انت بتعمل الطنابير خراطه عشان تظبطها على التيل بتاع التويوتا ولا بتعمله خراطه عشان بيكون فيها مشاكل
وكنت بتعمل الصيانه لما بتغير التيل فين عشان لو اوتو ايجبت كاتوا هيغيره فى الضمان

اقتباس:

---

المشاركة الأصلية كتبت بواسطة theblackpirate

طب سؤال اخير انت بتعمل الطنابير خراطه عشان تظبطها على التيل بتاع التويوتا ولا بتعمله خراطه عشان بيكون فيها مشاكل
وكنت بتعمل الصيانه لما بتغير التيل فين عشان لو اوتو ايجبت كاتوا هيغيره فى الضمان

---

الخراطة بتكون عشان يعدل الوش بتاع الطنابير و يخليه عدل عشان التيل الجديد ما يتاكلش بسرعه
ممكن ما تعملهاش لو حابب او لو الطنابير كويسة و مش محتاجة
التيل بتاع التويوتا الميكانيكي بيقص حته صغيرة من الدراع اللي بيمسكه عشان يبات في مكانه مش اكتر لكن مافيش فيه اي نوع من المشاكل ظهرت معايا
و الصيانة انا باعملها في اسكندرية كنت باعمل في اسكندرية الهندسية بس عندهم الصيانة زي الزفت العربية بتدخل زي ما بتطلع ما بيعملوش حاجة فيها دخلت بفانوس في لمبة محروقة طلعت زي ما هي
و اخر كام مرة عملت في مرعي بتاع سموحه في اسكندرية كان احسن شوية بس معاملة الناس هناك شيئ مقزز لدرجة تحسسك انك رايح تاخد منهم صدقة مش تعمل صيانة لعربيتك بفلوسك و اسلوب مستفز جدا و العربية بتاخد في الصيانة عندهم 4 ساعات على الأقل ... و التيل و الطنابير غيرتهم في الضمان مرة واحدة و ده طبعا بعد ما تيل من ابو 650 جنية اتاكل بعد 6 الاف كيلو و بوظ النطابير خالص رحت عملت شكوى في الشركة الياباني راحوا باعتين للشركة في مصر و هما كلموني و تابعوا معايا و بعد اكتر من شهر كامل مكالمات و العيب من عندك مش من عندنا و تهديد من ناحيتي اني هاكلم الشركة الياباني تاني قالوا انهم هيغيروا طقم الفرامل كله كنوع من "اقعد ساكت و ما تقرفناش تاني" و لما اتصلت بيهم و قلت على نفس العيب اللي ظهر في التيل و الطنابير الجديدة اللي لسه راكبه قالولي بالحرف "انت ليك عندنا ضمان عليهم 3 الاف كيلو بعد كده مالناش دعوة" .