عايز اجيب موتوسيكل صيني واريح العربية شوية تنصحوني بإيه

السلام عليكم شباب المنتدى الخدوم
كنت محتاج اجيب موتوسيكل صيني واخلى العربية للخروجات العائلية واهو منه ارتاح من الزحام الشديد اللى في القاهرة وبرده توفير في البنزين
الحاجه بقى المهمه واللى مقابلاني اني ادامي كذ اختيار وهو في المقام الاول دايون 4 اللى بيسموه التفاحة نظرا لوفرة كل قطع غيارة ومرميه عند اي حد.
الاختيار الثاني واللى مش مرغوب لى هو الهوجن 8 او الدايون 10
انا محتاج ضروري رأيكم في مميزات وعيوب كل منهم بالتفصيل وهل هو الموديل الجديد فيه مشاكل ولا زيه زي القديم وعلى فكرة انا مختار اللون الاسود بإذن الله
ياريت الإفاده علشان احتمال بعد بكره انزل اشتري من بولاق

Tvs 120. سعرها ٧٢٠٠ افضل كتير من الصينى

مستحرم ادفع في الصيني المبلغ ده وكمان انا لما نزلت بولاق ابو العلا عشان اتفقد الاسعار للموتوسيكلات الصيني اتصدمت
الاسعار كالتالى
ماركات دايون
دايون 2 ب5000 وعجبي
دايون 40 ب5500 المعدل
دايون 4 شبه مش موجود والموجود منه اللى هو الموتور الاسود وعامل 5800
البينللى بقى له شنة ورنه هناك لدرجة ان الناس نسيت حاجه اسمها دايون واي ماركه اخرى
بينيللى150 عاده ب6600 وال150 معدل 7600 فرق ان المعدل شاشة ديجيتال وكمان الفرامل الخلفي باكم وكاوتشات تيوبلس
200ب 8400 اعتقد
بينللى 150 اللى شبه التريلا جنوط سلك ب8000 اللى بجنوط نجمة 8500
طبعا كل الاسعار دي من بؤ التجار واكيد بيبقى فيها كلام بس في المحدود
وبرده في الاخر كله صيني واللى يقول لك اليينيللى ايطالى خزأ عنيه
وكل ده برده انا مستحرم ادفع فيهم المبالغ دي
بس هقول ايه الظروف بتحكم على الواحد انه ينزل يشتري بالاسعار دي خصوصا بعد غلاء اجرة المواصلات ده بخلاف ان سائقين الميكروباص بقت كمان تقسم الطريق علشان تحصل على الاجرة دبل وكله من دم الواحد
علشان كده انا بأشجع كل واحد على شرلء موتوسيكل او وسيلة مواصلات وميخليش صباعه تحت ضرس سائق ميكروباص الله اعلم بحاله فايق ولا يوديك فى خبر كان

اقتباس:

---

المشاركة الأصلية كتبت بواسطة aftr

tvs 120. سعرها ٧٢٠٠ افضل كتير من الصينى

---

حضرتك باباشا جربت الماركة دي؟ ياريت تقولى مميزاتها وعيوبها وهل هي بتتجمع هنا ولا بتيجي تجميع مستورد