الموضوع: تويوتا كورولا 2015 ولا رينو فلوانس 2015؟ و ليه؟

رأيي انا

لو معاك تجيب كورولا تاني فئة اللي ب190 الف و معاك تصرف على قطع غيارها الاغلى من الفلوانس , فتوكل على الله هي احسن عربية في الفئة دي بلا منازع , ما ظهرش فيها مشاكل و فيها ESP :)))))))
لو ما يهمكش الESP و ما يهمكش ظهور بعض المشاكل اللي بتتحل , و يهمك الاوبشن الاكتر و قطع الغيار الارخص يبقى هات الفلوينس

لو ميزانيتك اقل من كده , يبقى الفلوانس , العربية فنيا كويسة جدا , ماعدا بعض عيوب الصناعة اللي ظهرت في دفعة ما و لحد دلوقت مافيش تأكيد انها هاتظهر تاني , بعضها استدعى تغيير الموتور في الضمان و بعضها استدعى تغيير قطمة الدركسيون في الضمان برده , و كأوبشن هي الاعلى في الفئة دي حتى بالمقارنة بالكورولا
لو ما يهمكش الاوبشن خااااااااااااالص لكن يهمك اعادة البيع و يهمك عربية مافيهاش مشاكل , يبقى كورولا اول فئة

دي مقارنة سريعة في فئة 190 ألف , و لو فيها حاجة فايتاني فأكيد محمد هاني هايظهر يصحح لي :)

الفئة اللي ب188
الكورولا هاتاخد منها ايه مش في الفلوينس ؟
1- ESP
2- TRC
4- Sport MODE
8- حساسات ركن امامية
9- ركن اتوماتيكي Auto Park

الفلوينس هاتديك ايه مش في الكورولا ؟
1-راديو سي دي 8 سماعات مقابل 6 في الكورولا
2- ستة ايرباج مقابل اتنين في الكورولا
3- Smart Entry
4- Start engine
5- حساس ضوء
6- حساس مطر
7- فتحة سقف
8- فتحة تكييف خلفية
9- فرش جلد
10 - مسند رأس الرباعى الضبط
11- ستائر خلفية و جانبية
12- زينون ذو ظبط افقي و رأسي اتوماتيكي و بخاخات تنظيف
13- فوانيس امامية عدسات
14- مخرج 12 فولت خلفي
15- عدادات ديجيتال
16- distant lightning function
17- غلق سنتر العربية بمجرد التحرك لسرعة 10 كم/ساعة
18- قطع غيار ارخص نسبيا

ما أنت لو سألت السؤال ده في قسم فلوانس .. الناس حتقول فلوانس بدون منازع .

رأيي الشخصي .. الاتنين حلوين .. وكل عربية ليها مميزات وليها عيوب لأن الكمال لله وحده .. شوفي أنت عاوزة أيه ومرتاحة لأيه في الركوبة وقبل القرار النهائي لابد من الاستخارة اللي حتحدد الاختيار والأنسب ليكي بشكل كبير .