النظام الجديد للدعم في السلع التموينية المصري حسب ما هو معلن بالجمعيات
تم تحويل الدعم لرصيد نقدي
وتم تسعير السلع التموينية
تأخذ ما تريد منها حسب رصيدك
وبالكارت الذكي
كل فرد له دعم تمويني 15 جنيه في الشهر
ويوجد 7 جنيهات زيادة للفرد في رمضان فقط
لكن مسألة تواجد كل السلع في الجدول في الجمعيات من عدمه لا أعرفها
اللي يعرف يبقى يعرفنا
والسلع الموجودة في جدول النظام الجديد في الصورة التالية :ــ
http://1.bp.blogspot.com/-4BsERs_6kw...port+2014+.JPG
ـ
مش عارف افهم النظام دا
يعني دلوقتي الدولة هتاخد فلوسها مني ازاى !
هو ايه المسحوق النص اوتوماتيك ده :)
ينفع برضه نسأل السؤال ده وإحنا في منتدى سيارات :-)اقتباس:
المشاركة الأصلية كتبت بواسطة samah muhammed
أكيد قصدهم إن الغسالة على كبالن ودركسيون باور وسنتر وفتحة سقف بس الفتيس عادي سيليسبيد :-)
والله أعلم حسب ما فهمت
قصدهم إنه مسحوق للغسالة اللي بحلتين اللي بيسموها في اللغة الدارجة نص أوتوماتيك
مش متأكد
اقتباس:
المشاركة الأصلية كتبت بواسطة kemoztanta
كارت التموين بتاعك هينزل فيه رصيد ١٥ جنيه كل شهر للفرد الواحد
تشتري بيهم ما تريد من القائمة بالسعر الرخيص اللي على الشمال خالص في القائمة
بحد أقصى ١٥ جنيه للفرد
ما يزيد عن ذلك تشتريه بالسعر العادي اللي على اليمين في القائمة
وبتدفع خمسة جنيه رسوم خدمة على كل مرة تتعامل فيها بالكارت
نظام التموين عندى مش كده خالص كل فرد له 15 جنية وعلشان رمضان زياده 7 جنية يعنى كل فرد 22 جنية بس اى حاجة بتاخدها بيحاسبك على السعر الحر مش سكة ربع جنية ونصف جنية وكده
ولا احنا عندنا بينصبوا ولا ايه
يا حبيب قلبي دا انت متفائل قوياقتباس:
المشاركة الأصلية كتبت بواسطة ahmed1981
00(تشتري بيهم ما تريد من القائمة بالسعر الرخيص اللي على الشمال خالص في القائمة)
لا انت بتشتري بالسعر الغالي اللي في الوسط يا باشا ده مقابل انك بتستلم سلعة نضيفة شوية
و تخصم منه قيمة الدعم اللي على اقصى الشمال ازاي اقولك
كيلو اللحمة ب 29 جنيه تمام انت بقى تدفع كام تدفع 28 جنيه و تخصم جنيه اللي هوه في اقصى الشمال ده من 15 جنيه الدعم بتاعك فهمتها او او تدفع 13 جنيه وتبقى كده خلصت ال15 جنيه بتوعك يعني من الاخر الاسعار دي ممكن تلاقي انظف منها بره الدعم او من الاخر دعم البطايق انتهى عصره
اقتباس:
المشاركة الأصلية كتبت بواسطة lolnk
اقتباس:
المشاركة الأصلية كتبت بواسطة subhimust
باين كلامكم هو اللي صح
الوزارة موضحتش الأمر كويس
وكل مكان شغال بمزاجه
لكني تأكدت إن السعر اللي مكتوب في القايمة على الشمال خالص ملوش علاقة بحاجة
والناس بتتحاسب بالسعر اليمين
والوزير كان طالع يقول كيلوا اللحمة ب جنيه واحد
الكلام كده فشنك
لغاية ما حد يأكدلنا
ـ*****
واحد بيقوللي وهو عنده بطاقة أربعة أفراد
يعني الدعم 4*22= 88 جنيه
جاب ثمانية أكياس سكر وسعره في القائمة = 4.25
وجاب خمسة قزايز زيت عباد وسعره في القائمة = 9.75
لو حسبناهم هيطلعوا 34+48.75=82.75 جنيه
=82.75 جنيه
وقال له كده تموينك خلص
بمعنى الكلام يبقى كيلو اللحمة المجمدة = 29 جنيه
زي بره يعني
طيب إيه الميزة ؟؟ـ
حد يفهمني التصريح اللي إتقال فيه كيلو اللحمة على بطاقة التموين سعر واحد جنيه
؟ ؟ ؟ ؟ ؟ ؟
!!!!!!!!!!
ـ
كنت قريت مقاله في كتاب عن شركات المحمول والبنوك
لما يحبوا يلغوا عرض كان موجود او يغلوا السعر
يعملوا عروض كتير اوي متتفهمش علشان الناس تتلغبط فمتعرفش ايه اللي حصل
دا اللي بيحصل حاليا ف مصر مع قصه التموين
فعلا بشوف كده فشركات الاتصالات والانترنت تحديدااقتباس:
المشاركة الأصلية كتبت بواسطة mustafavet
الدعم دة اكبر سبوبة فساد فى مصر
واللى بيستفيد منة الحرامية الكبار
والحكومات النتوالية على البلد قمة الغباء بلا اى عمل او ابداع
الوحيد اللى اشتغل فى البلد كان باسم عودة وغير منظومة الفساد فى العيش
عملية الدعم لا زالت قائمة لان اخونا اللى اخد حاجات تمنها 83 جم مدفعش للبقال الا 5 جم مصاريف ادارية
المشكلة ان الوزراة والاعلام لم يبذلا جهدا فى افهام الناس ببساطة وتركوهم للبقالين الحراميين او مروجى الاشاعات
موضوع الدعم دا موضع ابليسى وافكار شيطانية وبراحة كدا احسبها وحتعرف صحة كلامى:::
لكل فرد دعم 15 جنية يعنى بالتسعيرة اللى فى الجدول الزيت 9.75 +0.25 قرشا هامش ربح التاجر يبقى اجمالى السعر 10 جنيهات** كيلو السكر المحلى :4.90+0.25 هامش ربح التاجر يبقى اجمالى السعر 5.15 للكيلو يبقى نصيب الفرد :زجاجة زيت وكيلو سكر وحتدفع 0.15 قرش وحتدفع على البطاقة مبلغ :2 جنية احسبها بقى انتا بنفسك على الموضوع القديم وعلى الموضوع الجديد::::::::::::
ماكنتش عاوز اقول الكلام دا لنه مش هو المهم المهم فى الفكرة الشيطانية اه حول الدعم الى عدد جنيهات له الحرية فى تخفيضها يعنى بكرة يقول الدعم 10 جنية وبعد شوية 5 جنية حتى يصل فى النهاية لالغاء الدعم تماما واحنا شعب بناخد كل حاجة ببساطة تكلم الواحد يقولك ياراجل 15 جنية كان بيعملو ايه بلاش منهم احسن حيوصلو انه يرفض الدعم لتفاهتة وقلتة وهكذا تنتصر ارادت الحكومات***