تعبت نفسيا من السفر و حال مصر زفت

**hitman235** · 25-07-2014 07:11 AM

مسافر الخليج بقالى 3 سنين و زهقت مواعيد دوام 12 ساعه فى اليوم و حياتى شغل بس و عايش لوحدى و قرفت و زهقت الحقيقه و فى المقابل العيشه فى مصر انيل كهربا مافيش ميه مافيش اخلاق مافيش شغل مافيش فلوس مافيش اسعار رخيصه مافيش ازمة المرور فيه ...
كملت 28 سنه و حاسس انى عندى 68 و قرفان من عيشتى الحقيقه حاسس انى محبوس و الخيارات قدامى كلها اسوء من بعض و مش عارف اعمل ايه بس الى متأكد منه انى مش مبسوط

**Mido Casper** · 25-07-2014 08:24 AM

بص لا اللي جوه راضي ولا اللي بره راضي ..
ف انت تشوف ربنا كتبلك ايه واعرف ان دا الخير لييك وارضي بيه وعيش حياتك انت لسه صغير والعمر لسه قدامك ان شائ الله واللي جاي احلى ..
و في بيقولك السفر في مصر عامل زي الحمامات العامه :- لا اللي جوه مستحمل ولا اللي بره طايق الريحه :d
( نعتذر ف امثالنا بس حبيت افك عنك شويه )
:d :d :d
بس اللي اقدر اقولهلك لاني مجرب الاتنين العيشه بره مصر احلي 98%

**Y a r i s** · 25-07-2014 10:26 AM

اتجوز يا باشا ... سفر وانتا عازب مينفعش اتجوز واعمل لمراتك استقدام. اهي تسليك وانتا تسليها. وحاول تتعرف على اسر مصرية هناك او أسر لبنانية او سورية او فلسطينيه ويكون في تبادل زيارت بين اسرتك واسرت صاحبك كده يعني ... اطلعوا رحلة للبحر مع بعض اعملوا حفلت شواء في البرررر . يا اخي انشالله حتى تطلعوا الكورنيش. وتشيشوا شيشة تفاح. معسل بحريني ولا حتى ابو هيثم. وقضيها. ومتفكرش في مصر كتير حاكم الانسان احياناً بيبقى فقري ... والفقر ساعات بينقح عليه. وبيشتاق لو ... وربنا ييسرلك امورك قادر يا كريم

وبص اذا وحشيتك مصر قوي. افتح ام بي سي مصر ... او شغل السي بي سي وانت تحس انك في مصر ... ما احنا قاعدين في بيوتنا برضوا جوا مصر ومبنعرفش الي بيحصل في مصر غير من التلفزيون :)

**mmtronic** · 25-07-2014 12:31 PM

المشاركة الأصلية كتبت بواسطة ahmedsamir235

مسافر الخليج بقالى 3 سنين و زهقت مواعيد دوام 12 ساعه فى اليوم و حياتى شغل بس و عايش لوحدى و قرفت و زهقت الحقيقه و فى المقابل العيشه فى مصر انيل كهربا مافيش ميه مافيش اخلاق مافيش شغل مافيش فلوس مافيش اسعار رخيصه مافيش ازمة المرور فيه ...
كملت 28 سنه و حاسس انى عندى 68 و قرفان من عيشتى الحقيقه حاسس انى محبوس و الخيارات قدامى كلها اسوء من بعض و مش عارف اعمل ايه بس الى متأكد منه انى مش مبسوط

نصيحتى ليك ...

ركز فى الى انت فيه ... ركز فى شغلك ... اكبر فى شغلك الاول و لو مش مريحك دور على احسن منه فى البلد الى انت فيها لو كويسه

لو البلد الى انت فيها مش كويسه - خد خبرة و انتقل لبلد احسن - 28 مش كبير - ليسه

بعد ما تبنى نفسك شويه و مش حقول كتير - تدور على بنت الحلال و على فكرة - بنت الحلال تلقيها باى جنسية مش شرط مصرية المهم الاخلاق و العيله و تكون من اب و ام محترمين

و اوعى ... اوعى تفكر تنزل مصر ... تموت من الزهق برة ارحم بكتير من ما تموت بقهرك و القرف الى فى مصر

**hitman235** · 25-07-2014 12:32 PM

المشاركة الأصلية كتبت بواسطة mohamed_hamdi

كلام زميلنا yaris قمة العقل و احسن حل لحضرتك هو الجواز بدون جدال و ممكن تبدأ حياتك الزوجية بدون شقة في مصر لو لسة الاوضاع المالية تحت النجهيز و خاصة ان سنك كويس جدا للخطوة دي و لا تنس ان وجود اسرة ليك بيخلي في هدف لحياتك باستمرار.

المشاركة الأصلية كتبت بواسطة y a r i s

اتجوز يا باشا ... سفر وانتا عازب مينفعش اتجوز واعمل لمراتك استقدام. اهي تسليك وانتا تسليها. وحاول تتعرف على اسر مصرية هناك او أسر لبنانية او سورية او فلسطينيه ويكون في تبادل زيارت بين اسرتك واسرت صاحبك كده يعني ... اطلعوا رحلة للبحر مع بعض اعملوا حفلت شواء في البرررر . يا اخي انشالله حتى تطلعوا الكورنيش. وتشيشوا شيشة تفاح. معسل بحريني ولا حتى ابو هيثم. وقضيها. ومتفكرش في مصر كتير حاكم الانسان احياناً بيبقى فقري ... والفقر ساعات بينقح عليه. وبيشتاق لو ... وربنا ييسرلك امورك قادر يا كريم

وبص اذا وحشيتك مصر قوي. افتح ام بي سي مصر ... او شغل السي بي سي وانت تحس انك في مصر ... ما احنا قاعدين في بيوتنا برضوا جوا مصر ومبنعرفش الي بيحصل في مصر غير من التلفزيون :)

للاسف ده اكتر سبب مخلينى مش مستريح هنا انى مش عارف اتجوز و انا مسافر بقالى بالظبط 3 سنين من و انا سنى 25 سنه بحاول اوفق الاتنين مع بعض و فشلت للاسف اخرهم خطوبة مكملتش شهر و اتفشكلت من كام يوم و اتضايقت جدا بسببها خصوصا ان الفشكله كانت منهم و جت بعد ما اجازتى خلصت و رجعت شغلى علطول لو كنت مقيم فى مصر مككنتش زعلت لأن الى تروح فيه بدالها الف بس علشان انا مسافر حلنى بقى لما اعرف اخد اجازه تانى خصوصا انى كنت نازل اجازه فى اخر حوار ده مخصوص على حسابى بعد مشاكل لأنى مكنتش كملت 6 شهور فى شغلى...
السفر مخلي اختياراتى محدوده فى موضوع الجواز بنات كتير اهلها مش بيرضوا بموضوع السفر ثانيا موضوع انى الاقى حد بالطريقة التقليديه اساسا صعب جدا من 25 بنت شوفناهم 2 عجبونى فقط و الخطوبتين فشلوا بسبب عامل اساسى انى مسافر و مافيش تواصل بينى بينهم و البنات الصغيره فى السن بتبقى عايزه تعيش خطوبة طبيعيه فسح و زيارات و معرفش ايه .............
الحقيقه انا برضه مش ببقى مبسوط بخطوبه النت دى بس بقول حل اضطرارى افضل من ان اسيب شغلى و انزل مصر ...... لكن الطرف المقابل مش مضطر و نادر ما بيقبل بالوضع ده و لو قبل مع اهيف مشكله او خلاف فى الرأى بيبقول بلاها من الحوار كله و تبتدى تسمع المبررات الشهيره مش حاسه انتا مخطوبين او مش حاسك او معرفش ايه ....
مافيش حد من القرايب او الجيران يصلح لو حد هيقترج الكلام ده
ناس كتير بتقبل بيك كعريس للفلوس فقط
خايف لو نزلت مصر مؤقت سنتين ولا حاجه معرفش اسافر تانى
سافرت فى الاساس علشان كنت على الحديده و مش معايا فلوس اجيب شىء.. دلوقتى الوضع اتغير 180 درجه ..
علشان اعيش العيشه الى هنا فى مصر هحتاج مش اقل من 8..الاف مصاريف شهريه و لو لقيت حد يدينى نص الرقم ده مرتب ابقى محظوظ ده لو لقيت شغل اساسا فى مصر دلوقتى
احساس ان العمر بيجرى بيك على الفاضى فى الغربه صعب جدا برضه افضل سنين عمرك العشرينات راحت فى غربه و خدمه عسكرية ...
مش هقدر اخد من شغلى اجازات طويلة اخرى شهرين مثلا او شهرين و نص مش هقدر اخد 6 شهور مثلا ........
مأجل حاجات كتير فى حياتى لحد ما استقر فى الموضوع ده
العيشه فى مصر زفت مجرد التفكير فى النزول بيضايقنى بس بضطر افكر فيه بأستمرار للاسباب الى قولتلها فوق

**mustafavet** · 25-07-2014 12:38 PM

كان في واحد علي النتدي هنا كاتب مقال عن الاباطره في العصور الوسطي
كلامه جميل جدا بمعني اننا عايشن حياه مرفهة مكنتش موجوده زمان
خلاصه القول القناعه كنز لا يفني واحمد الله علي ما انت فيه

**svneleven** · 25-07-2014 03:40 PM

اتجوز من البلد اللي انت فيها. من اي جنسية عربية. المصرية مش أمله يعني.

**Ahmed_Rahem** · 25-07-2014 04:52 PM

الاقتراحات كتير، الاول اعمل اصدقاء - ثقة، مش مجرد تقضية وقت - واخرج واتفسح.
اتجوز والعروسة الى مش عاجبها سفرك فى غيرها تتمنى - الاهم بتكون دينياً، واخلاقياً، واجتماعياً كويسة.
خد شهادة تانية فى مجالك وطور نفسك علشان حتى لو تزلت مصر تعرف تلاقى شغل بمرتب اعلى. او حتى كورسات لغات - ممكن تتعرف على ناس كتير فى الكورسات دى.
دور على شغل تانى فية ساعات شغل اقل من الى انت فية.
لو ليك هواية حاول تمارسها او دور على هواية او رياضة ومارسها.
لو لحبكت تنزل يبقى تنزل على شغل مش لسة هتدور.

والسلام ختام