الموضوع: لو مكانى هتفكر ازاى ؟ محتاج رائيكم

المشاركة الأصلية كتبت بواسطة adnfalcon

السلام عليكم
الاقتراح التالت كلمه واحده .. الصبر
شوف انت اشتريت الأرض بكام و دلوقتي سعرها كام
يعني الاسعار دايما بتزيد وانت مستحيل تخسر ف لو انت مش بتاع مجهود و تعب و عايز تكسب بسرعه استني فتره حلوه و بيع واكسب وحط فلوسك فالبنك زي ما انت حابب
بس انا لو مكانك .. أستني واستني و بعدين استني أكون جمعت مبلغ كويس و والدي ووالدتي يشاركوني بمبلغ تاني .. الفلوس دي مش هتكفي طبعا لبناء برج أكيد .. بس هتكفي للرخصه والرسومات وأول دور علي أقل تقدير
بعدين هعمل اعلان كبير جدا قدام الأرض .. شقق تمليك للبيع .. ادفع 50 % وقسط الباقي بدايه من استلام الشقه
رأيي المساحه دي تتقسم 3 شقق بالكتير .. اضرب 3 شقق * 12 دور أقل تقدير = 36 شقه * 150 الف "نصف قيمه الشقه الواحده" = 5 مليون و 400 الف
دا طبعا تمن نصف الشقه الواحده في أقل تقدير !
المبلغ دا تبني و تشطب البرج و تسلم الناس .. و في فلوس هتكسبها كمان + 5 مليون 400 الف قيمه النصف التاني من بيع شقق البرج
و ياسلام لو تأجر نصف الدور الأرضي ل بنك .. أقل حاجه 50000 جنيه شهريا
الموضوع دا عايز صبر وطوله بال ومجهود بس العائد خرافي
لو حاسس صعب الحوار دا .. سقع الأرض وبيع وحط الفلوس فالبنك

بالنسبة للصبر بصراحه مش عارف اذا كان هينفع ولا لاء لسه هنشوف بعد العيد بقى ونشوف ايه اللى هيحصل

الارض سقعتها لمده سنتين والحمد لله فيها مكسب كويس وانا عن نفسى ممكن استنى سنة كمان حاليا عندى 29 سنة ولسه ما اتجوزتش ومش ناوى اتجوز الا لما اظبط امورى المادية علشان اكون مرتاح فى حياتى فعامة ممكن اصبر سنة كمان

فكرتك اللى طرحتها جميلة جدا بس بردوا متوقفة على مبلغ اعمل بيه الاساس على الاقل وده محتاج وقت على حسب شغلى يعنى ولاكن الطريقة الحسابيه بتاعتك محتاجه تعديل يعنى مثلا الرخصة دور ارضى + 6 ادوار وممكن اطلع 3 ادوار مخالف وطبعا هظبط اساس البرج على كده علشان يشيل وكمان سعر الشقة مش عارف هل تساوى 300 الف كلها دى حاجة انا مش اعرفها الصراحه محتاج اروح اسال فى الابراج اللى جنبى سعر الشقة كام ومساحتها قد ايه علشان اقدر احدد تقريبا سعر الشقة كام اعتقد فكرتك محتاج استفسارات كتير وان شاء الله هفكر فى الموضوع ده بس بردوا هتوقفة على التفاهم والصبر

المشاركة الأصلية كتبت بواسطة بحار

انا عندى رأى لو سمحتلى .. تبيع الارض لو مافيش أمل ان والدك يصبر .. وتشترى بالمليون جنيه ارض تانيه وهتبقى ملكيه خاصة بيك تبيع أو تبنى بعدين .. وده انا شايفه حل مثالى .. شوف حضرتك مكسبك كام فى الارض ( ماشاء الله ولا حول ولا قوة الا بالله ) ومكسبك كام فى الحاجات اللى قولتها .. لا مقارنة !!

علشان اشترى ارض تانية طبعا هشتريها بسعر اعلى وكمان فى منطقة عايزة صبر علشان سعرها يزيد وانا قدامى سنة فقط اقدر اصبر فيها علشان اشوف حياتى علما بان عمرى 29 سنة

المشاركة الأصلية كتبت بواسطة mk3

سؤال خارجى لو امكن...واعتقد انه هام جدا لصاحب الموضوع عشان يفكر تانى
هل عادى اما احط فى بنك مليون جنيه مره واحده ؟؟ خصوصا ان مفيش اثبات دخل واضح وصريح ؟ وكمان فى قلق فى البلد اليومين دول ؟

انا شايف الموضوع عادى علما بانى كان بيجيلى حولاات من بره بما يقابل 100 الف دولار والمصيبة المهنة فى البطاقة طالب كمان وكانت عادى وكان عندى حساب فى ال nsgb وكنت بسيب فيه فلوس بال 300 الف جنية وفى مرة البنك اتصل بيا وقالى حضرتك عايزين نكتب بعض المعلومات اعتقد فعايزين نعرف مصدر الفلوس قولتلها بورصة استثمار وعادى يعنى

وبعدين كشف حسابى فى البنك يثبت اصل الفلوس ويوم ما حد يسال هقول استثمار عادى يعنى

المشاركة الأصلية كتبت بواسطة mk3

انا لى تجربه فى مبالغ هايفه كنت بحولها لحسابات الموردين اتعملى فيلم انتهى بغلق الحساب من طرفى
هتلاقى الموضوع فى مواضيعى

انا دورت على الموضوع مش لاقيه ممكن الرابط للاطلاع

المشاركة الأصلية كتبت بواسطة waleed0

بما انك شغال فى الفوركس , شايف اقتراح البنك افضل ليك وخصوصا انك حتشوف فوائد من اول شهر وكمان فلوسك محفوظة فى البنك بالاضافة انك ممكن تستثمر الفوائد دي فى شغلك ويزيد دخلك , انما موضوع الاراضي دا لو معاك فلوس زيادة ومش محتاجه , تجيب ارض وتركنها وتصبر عليها بقي لغاية لما تبنيها وتبيع بقي شقه شقه بالراحة يعني حوار , بس بما انك زي ما قلتلك شغلك فى الفوركس وبتكسب منه كويس فسيبك من سكة الاراضي والشقق دي مش لعبتك , استثمر فى شغلك افضل .

والله يا باشا موضوع البنك ميال ليه علشان كده علشان عارف انى اقدر اظبط نفسى جدا فى الفوركس والحمد لله انا كمان متميز جدا فى شغلى يعنى لو قولتلك على حاجات صدقنى صعب تصدقها هديك مثال صغير

ال 100 الف جنية لو حطتهم فى بنك وهتاخد فايده 10% فى السنة يعنى حوالى 10 الف جنية فى السنة تمام انت عارف ال 100 الف جنية دول انا لو شغلتهم فى الفوركس واشتغل بمخاطرة قليلة كمان علشان الشغل يكون مضمون جدا هطلع 14 الف جنية فى اليوم طبعا انت هتتصدم

قسما بربى فوائد البنك فى سنة اقدر اطلعها فى يوم بمخاطرة قليلة كمان علشان كده انا بفكر كتير فى موضوع انى اشتغل بفلوس من الفوائد وانا عارف كويس انى اقدر اعمل ايه وغير كده كمان بفكر احط 800 الف فى البنك و الفوائد اعيش عليها واقدر اتجوز وال 200 الف اشغلهم واظبط امورى بيهم من ارباحى فى الفوركس وعلى الارض مش هزعل على بيعها لانى الحمد لله شايف انى اقدر احقق فرصة احلى منها والحمد لله