الموضوع: لو مكانى هتفكر ازاى ؟ محتاج رائيكم

المشاركة الأصلية كتبت بواسطة abdulkhaleq

انا كنت داخل اقولك نفس الكلام ده
ولا تدي لمقاول
ولا تحط فلوسك في البنك لأنك هتصرف العائد مش هتستثمره يعني ماتفرحش بالمبلغ انت كده خسران !!
انت دير حاجتك ياباشا
ولو الوالد ربنا يحفظه ماعندوش صبر, بيع الارض دي, وكل واحد ياخد نصيبه وتشوفلك حتة رض اصغر وتعمل الكلام ده لوحدك
خلي بالك المقاول مش هيصرف زي ما انت فاهم

لاء ياباشا العائد هقدر استثمرة لانه شغله ووضحت ده فى مشاركة سابقة

شغل المقاولين فاهمه كله وفاهم اللعب فين كمان علشان كده انا رافضة اصلا

المشاركة الأصلية كتبت بواسطة kemoztanta

اوعي تبيع الارض وتحط الفلوس في البنك وتحسبها كدا ، هتخسر كتيير لان قيمة الجنية بتقل ولكن قيمة الارض بتزيد ولو بنيتها هتكسب كتير وعلي المدي الطويل
المليون جنية في البنك هتحطهم ان شاء الله من بيع 4 شقق + هيكون عندك عمارة وفيها كام شقة تمليك وكدا تبقي الحسبة صح

باشا للو حطيت فلوسك فى البنك الجنية مش هيقل لان البنك بيعوضك بقيمة الفائده ده اولا

ثانيا اى شخص بيشترى ارض ويسقعها فمكسبه فى المده اللى بيسقع الارض فيها وصدقنى هى هى ولالاكن الفرق ممكن يكون مش كبير

مفتاح اى ارض يا باشا هو الاساس وبناء دورين ووقتها بيع وكمل بناء لاكن طبعا هتعقد مده كبيرة

شوف كمية الابراج اللى بتبنى وشوف كمية الشقق اللى بتتباع من المبانى القديمة يعنى العرض تير جدا والطلب قليل فمحتاج وقت كبير

المشاركة الأصلية كتبت بواسطة adnfalcon

المهم ان الفكره وصلتك ودورك بأه تظبطها علي اساس ظروفك و ظروف المنطقه
والله الموفق

مش عارف يا باشا اعتقد الموضوع هيحكمه حاجات كتير عامة الفكرة وصلت وهنشوفها بامر الله

طالما واثق من نفسك اووى فى الفوركس وشايف انك هتعمل من ال100 الف 14 الف فى يوم
يبقى خلاص توكل على الله :)
بس بتهيالى انك كده مش مخاطرة قليلة انا شايف انها مخاطرة كبيرة يعنى على كده لو السوق مخدمكش بتخسر كام فى اليوم؟
انتا شغال اخبار ولا ايه؟

المشاركة الأصلية كتبت بواسطة zorg

طالما واثق من نفسك اووى فى الفوركس وشايف انك هتعمل من ال100 الف 14 الف فى يوم
يبقى خلاص توكل على الله :)
بس بتهيالى انك كده مش مخاطرة قليلة انا شايف انها مخاطرة كبيرة يعنى على كده لو السوق مخدمكش بتخسر كام فى اليوم؟
انتا شغال اخبار ولا ايه؟

ونعم بالله

هههههههههههههه مخاطرة كبيرة لا يا باشا انت بتيهيالك لو مخاطرة كبيرة يا باشا هتعمل 38 الف فى اليوم مش 14 الف

لو السوق ما خدمكش يا باشا هيخدمك غصب عنه لان انت مقلل المخاطرة وتقدر تدخل تانى وتعوض وفى الاول وفى الاخر التحليل هو الاساس


لا ياباشا الناس اللى خبرتها قليلة بتعمل للاخبار دى اكبر حساب اكنها هى الكل فى الكل وده كلام غلط التحليل الفنى هو اساس كل شىء

المشاركة الأصلية كتبت بواسطة abdulkhaleq

خلاص يبقى زي ماقلتلك
ماحدش يخش معاك, لا مقاول ولا بنك
يايفضل الوضع زي ماهو
ياتستثمر العائد وماتصرفش منه مليم
وبالتالي انت بتستثمر ومش معرض لان راس مالك يقل ان شاء الله

ماهو ده اللى بفكر فيه وعامة هنشوف الوضع ايه وربنا يسهل الحال

المشاركة الأصلية كتبت بواسطة lolnk

ونعم بالله

هههههههههههههه مخاطرة كبيرة لا يا باشا انت بتيهيالك لو مخاطرة كبيرة يا باشا هتعمل 38 الف فى اليوم مش 14 الف

لو السوق ما خدمكش يا باشا هيخدمك غصب عنه لان انت مقلل المخاطرة وتقدر تدخل تانى وتعوض وفى الاول وفى الاخر التحليل هو الاساس


لا ياباشا الناس اللى خبرتها قليلة بتعمل للاخبار دى اكبر حساب اكنها هى الكل فى الكل وده كلام غلط التحليل الفنى هو اساس كل شىء

اه يانمس
عموما احب اقولك ان هى مسافة السكة واحصلك فى المجال :)